سرداب الشايع

[zargona99]

السلام عليكم

بنات وايد اسمع عن سرداب الشايع اهو وين صاير بالضبط وشنو عنده؟؟

هل اهو محل واحد ولا اكثر من مكان؟؟

وشنو الاماكن اللي تكون مشابهه حقه وفيها نفس الاغراااض

وهل كومار حبيب الشعب لووول عنده نفس اللي بسرداب الشايع ولا غير؟؟؟

اتمنى تردون علي لانكم شيشتووووني علييييه :hjy5jewf:

 

[ATOoOMA]

نفس السؤال ودي اعرفه

و شنوو المنصوور وايد اقرى كاتبين عنهم :/

فيدووناا يا حلواات
اب

اب

اب

 

[am_kshaa]

من صجكم ماتعرفون سرداب الشايع؟
اهوا بالمباركيه في محلات مكياج بالجمله ومحلات جناط وشباصات ومحلات اكسسوارات
وفى جم محل يبيع كل شغل الصالونات والصابون والشامبو وسوالف السنفرات واغراض الفلبن
يعنى يونس
ومكياج كومار حبيب الشعب ياقلبى موجود هناك
ومحل المنصور هم موجود
واهوا يكون جبال الصراريف بالمباركيه بس تنزلين السرداب تحت

 

[manooorii]

حبيبتي سرداب الشايع هذا مكان بالمباركيه تحت في محلات كلها مكياج كلهم ايبيعيون مكياج وهالسوالف واسعارهم حيل رخيصه ومكياجهم اينن
وفي عندج بعد الحوش ايبع مكياج نفس سوالف سرداب الشايع
وكمار عااد عجيييب اسعاره تينن وايبلج كل شي لي بيتج
اتمنى اكون افدتج واذا حابه رقمه اعطيج اياه

 

[مملكه الرشاقه]

البنات ماقصروا

 

[معلمة شيسمونه]

السرداب بالمباركيه بالمسافط تحت

ونااااااااااااااااااسه حتى الجناط يقولج ب 15 قولي له ب 4 دنانير وتاخذينهم لوووووووووووووووول بس تقزيره يعني مو للكشخه


اما المكياج والله الحريم بالمعارض يبيعون نفس المكياج على خمس وثمان دنانير وهو القطعه بدينار

والله مره كريم تحت الحاجب شفته بمعرض الكليه ما رضت تنزل لي ولا دينار تبيعه على 8 دنانير

رحت شريته مناك نفسه ب دينار ونص

عندج حلوين علب الحمر الدوائر يونسون حق الدمج
وحطي فوقهم قلووووووووووووووووس غالي يطلعون شي خيالي

وايد شغلات تووووووووووووووونس عندهم

 

[كويتيه احب الكشخه]

حبيبتي هو نفس مكياج كومار ونفس حوش السالميه ما فرق عنهم بشي

 

[zargona99]

مشكوووووووووووووووووووورين حبايبي ما قصرتووووو شيشتوووووني علييييييه

 

[♥√طمـوحي غيـر√♥]

في المباركيه اذا جيتوا عند البشوت والعبايات سئلوا عنه والف هندي يدلكم عليه

 

[mischocolat]

عاد تصدقون اني ييت الكويت ورحت سوق المباركيه بس ما دريت أن سرداب الشايع هناك
لو حبيت أروح مره ثانيه شو أقول حق التاكسي ؟؟يعني العنوان شو ؟؟؟أقوله سرداب الشايع؟؟؟

 

[عذبة السجآيآ]

ماقصروا البنات,,,

 

[حورية البحر 1]

يسمونه سوق الزل في السرداب
إنتي أول ماتروحين سوق المباركية سألي الهنود وين سوق الزل راح يقولولج وين
بس بصراحة السوق وايد حلو كلة فيه مكياج وشبابيص وأدوات الصالونات وأشكائهم حلوه

 

[زبــــــــدة]

روحي المباركية ..صوب محلات البشوووت ..هناك في سلم تنزليله وهني يصير سرداب الشايع

ويصير تروحينله دايركت تصفطين بالباركينق بالسرداب ويكون مفتوح اول شي تشوفين اعلانات وبعدين اهوا

مايضيع بس روحي هناك وسألهم يدلونج اذا مادليتي

 

[78MariMar78]

والله وانا ودي اروووح هناااااك

 

[بواسم]

البنات ما قصروا وبعد بفيدكم بشي فوق سرداب الشايع في سوق العطور بتحصلين عطور عربيه وفرنسيه

ارخص من كل مكان .

 

[zargona99]

مشكوووووووورييييييييييين حبايبي ماقصرتو

اهو نفسه سوق السلاح؟

 

[أنفاسي دخون]

ما قصروا البنات

انا اذا ضاق صدري ورحت له استانس خخخ

 

[mischocolat]

مشكورين يا أحلى بنات وماقصرتوا ....بكتب الوصف عندي دفتر اسمه الكويت أحط فيه كل شي أسمع عنه في الكويت حلو عشان اسير أشوفه
لا خلا ولاعدم يارب

 

[manooorii]

مشكوووووووورييييييييييين حبايبي ماقصرتو

اهو نفسه سوق السلاح؟

اي حبيبتي نفسه :eh_s(6):

 

[RoWaIsHeDyA]

ههههههههههههههههههههههههه هذا رفيجي هالسوق منقذ وقت الازمات
فيه كل شئ الله يسلمج تروحين وين في اي بي مال المباركيه او سوق الديره على مانقول احنا في قباله نزله سرداب سفطي هناك وتمشي بس مو تاخذين الاصنصير لا راح تلاقين نفس صعده الناس تطلع منها صعدي تلاقين نفسج بسرداب متروس جنط ومكياج وشعر وعطور وكل شئ يخطر ابالج وباسعار رخيصه وحلوه وفي المنصور للمكياج والمنصور بعد موجود بالدبوس وبستي سنتر على مااظن اذا ماخاب ظني
والي تسال عن التكسي قوليله يوديج سوق الديره او المباركيه نفس الشئ ترى