سحر غنام

[اسيل وفرح]

مرحبا بكل بنات منتدانا الغالي منو فيكم جربت اخصائيه البشره سحر غنام الي بالسالميه وشنو رايكم فيها لان حابه اروح لها ومالي غيركم اسالهم فياليت الي جربتها تفيدني

 

[د-سوسه]

انا جربتها خوش دكتوره والله ..تعاملها راقي وعلاجها حلو ..سمعت من ناس انها غاليه وكنت مستعده مدام في نتيجه ..بس يوم رحت لقيت اسعارها حيل عاديه فتح الملف 20 والعلاج من اي صيدليه حتي ماتبيع عندها بالعياده
وهم سمعت انها تسافر وتكشت وهالشي ماصار.. تضبطلي الموعد الياي مع توقيت سفرها ويتصلون قبلها بيوم ياكدون عالموعد ..توكلي علي الله

 

[اسيل وفرح]

حبيبتي شنوسويتي عندها وشرايج بالنتيجه

 

[franshiska]

يمدحونها بس ما جربتها
وانا خبري فيها يم بلازا حولي

 

[ملح الدنيآ.]

أب

أب

 

[zqertya]

الحين مكانها بالسالميه عند فتوش

انا اعالج عندها من شهر2 طبعا خوش دكتوره ونفسيتها حلوه بس بالمواعيد مو مظبوطين عادي اذا انتي يايه على الموعد تقعدين ساعه زياده

المهم انا اعالج خدي اليمين فيه حبوب واااااااايد نقط نقط المشكله لونهم احمر وفي اثر حبوب ومايروحون اول مره عطتني كريمات وما استفدت شي رحتلها مره 2 احسهم خفوا حييييييييل بس قالتي اذا ماراح الاثر راح اسويلج تقشير طبعا عندي موعد عندها بس مارحت الصراحه حيييييييل غاليه ادويه غاليه وبما اني محتاجه تقشير على كلامها بالمره اليايه راح اروح بالشتا احسن حق التقشير

النتيجه قبل مع المكياج الحبوب والاثر يبينون بس من علاجها لما احط مكياج الحين مايبين شي ويهي صافي
الدكتوره تهبل وويها حلووو احلى من ويهي 100 مره ماشالله ههههههههه وصريحه مو نصابه بس ادويتها غاليه

وسالتها عن علاج الهالات السوده قالت عندها ابر بس ما يوخر السواد بس يروح 40 % وهم عطتني مرهم حق الهالات بس الصراحه ماشريته لانه ب 30 دينار ووقتها شريت ادويه يمكن بحدود 100 دينار واصلن قالتلي المرهم مايفيد فماخذيته اهي خيرتي

طبعا بكتبلج سعر الادويه وللعلم انا ويهي مافيه الا الاثر يعني مو شي بسط بس على خد واحد

مرطب للوجه = 28وكسور
مرهم حق الحبوب فقط ( يعني اذا اطلعتلي حبه احطه ) = 2وكسور
مرهم اخلطه مع كريم --المرهم بروحه = 2 او 3 وكسور
غسول للوجه = 4 وكسور
الكريم اللي قلت عنه فوق = 25 وكسور
واقي الشمس = 7
هذا الزياره الاولى طبعا الكسور يعني مو اقل من 500 فلس اكثر وعليج الحساب بحدود 100 دك يمكن

لو تلاحظين كلها اشياء عاديه منظفات وواقي بس علاجي هو الكريم اللي ينخلط مع المرهم بس تخيلي

الزياره الثانيه
فيتامين سي نسيت سعره ؟؟؟
وكريم ثاني هم اخلطه مع المرهم القديم وسعرالكريم 35 دك
مع 10 حق الزياره يعني الزياره الثانيه انا قاطه تقريبا 50 دينار اذا مو اكثر

هذا اللي صار معااااي وبكل صراحه ومن غير ما ابالغ بالاسعار بس كل وااحد وشنو يحتاج من علاج بس نصيحتي روحيلها تضبطج شاااااااااطره حدها

اتمنى اكون فدتج

 

[MiSS B.K]

اب لعيونج

 

[عاشقة هواك]

انا الصراحة رحت عندها وتحسفت على الفلوس الي قطيته

وتشمتت فيني حيل تضايقت وكرهتها

 

[AVE.NJ]

انه منزمان رايحه لها كانت عندي حبة خاله كبيره وشالتها لي 50دينار
بس اذكر وايد كريمات عطتني مااستفدت منها شي
يمكن لاني مااستعملتهم
بس مفكره اروح لها بعدالرجيم او الدكتور ماجد تقي
محتاره

 

[برميت]

انا جربتها و امي و اختي بعد

شوفي انا رحت لها بعالج ويهي قبل الزواج ..لانه ماادري اشصار فيني ويهي و جسمي شب حبوب و حساسيه تحك كلت جسمي اكل ..كنت ابجي منها ..و اهي لما افحصتني قامت تصارخ تقول ده ايه ده ايه انتي عامله ايه ..و انا مو مسويه شي ..المهم عطتني كريم يبرد علي الحساسيه و عطتني حبوب نوعين شي منهم مضاد حيوي و كليته و ثالث يوم قبل ملجتي بجم يوم طحت بالمستشفى لانه الحبوب ماتمشي مع جسمي و بطني ذبحني منها و ووقفتها و قريت علي روحي و راحت الحبوب ..
اما تجربه اختي ..اختي ويها مافيه شي بس تبي توحد اللون و على اشويه دلع ..تقدرين تقولين فلوس زايده لووول ..المهم راحت لها و انا معاها و قالت لها اختي ابي اطلع من غير مكياج ..ابي ويهي يصير منظره ..قالت الدكتوره المكياج نعمه من ربناا ...المهم عطتها كريمات اطلعت مو اقل من 150 ...لانه اغلبهم سيرم و خبرج اي سيرم يكون مو اقل من 35 و طول صبعج الصغير و عطتها كريم يتفخ البراطم وااايد نفع معاها و عطتها شي تحطه قبل لا تروح العرس يخلي ويها متفوخ ايهبل ..الخلاصه كريماتها صج انها غاليه بس تسوى

تجربه امي ..امي تقز بوتكس علشان هالتجاعيد ...بصراحه تعرف تضبط المقاييس بحيث مايبين انها قازه ..جنه ويها شااتر ..طبعا قبل البوتكس عالجت ويها بكريمات و حبوب فيتامينات ..والله الكريمات و الفيتامينات يابت نتيجه حلوه بس مع البوتكس احلى
بس صلخ ناار البوتكس حق ويه امي 400

اهي تعرف تجمل بس ما تعالج ..يعني الي فيه جساسيه فيه قراح في اي مشاكل جلديه يمكن مايصلح تروحون لها
بس الي يبي ويها شاتر و حلو و يبي يتفخ و اشويه دلع انصح فيها 100%
و حتى ابر نضاره اختي سوت عندها وااايد حلوين

ايفا بخصوص ماجد تقي انا جربته حق ابره ميزو حق الشعر ..بصراحه مافادتني كلش
و اختي جربت النضاره مو مثل سحر

 

[اسيل وفرح]

يعني سحر احسن

 

[*فرحة عمري*]

اب اب

 

[@ام يوسف@]

اااااب

 

[حناينq8]

جربتها ايام ما كانت بحولي

ابر نضاره ب 60 دينار

بدون اي نتيجه

اختي قالت لي يبي لج بعد جلسه بس مارحت

اختي ومرت اخوي يتعالجون عندها ويمدحونها بابر البوتوكس

 

[يا دافع البلا]

يالغالية انا خبرى فيها يوم كانت فى الشعب التخصصى اخذت موعد​

ويوم الموعد اطلعت شايلة قشها رايحة حولى خالدة كلينك​

اتصلوا فينى قالو روحى لها هناك استقبالها حلو وتسولف ​

معاج جن ما وراها احد وتطول وتشرح لج كل الى تبين​

وتعطيج مقدمات العلاج يبى وقت ومراجعة حتى لو شغلتج بسيطة​

وطلعت من عندها ادويتى280 دينار ولو اقول لج اشفينى تضحكين ​

 

[يا دافع البلا]

الله يسلمج انا حطيت ديودرنت معطر ​

فيه عطر قوى سبب لى حساسية بسيطة​

احمرار بسيط حيل يعنى كان ممكن حتى ماروح​

دكتور والادوية الى معطتنى شى للجفاف مع انى ابد بشرتى الحمدلله​

حلوة ومافيها جفاف وشور جل طبى ريحته تجيب المرض​

وكريم تبييض ماركته مو معروفة فرنسى سعره 90 دينار مع انى ​

ابد مانى محتاجة تبييض وكريم رخيص سعره4 دنانير اهوة الى نفعنى​

من حطيته راح الاحمرار من اول يوم ينباع فى صيدلية الجمعية بدينار وربع​

وتحسسج لو ماخذتى الى بالوصفة كله تراج مقصرة بحق نفسج​

صج تراهى الحياة تجارب​