سجلوا عندكم هالسلطه العجيبه وادعوا لي .. احلى من السيزر

[babloo]

المكونات ......

خس عدد 2 اذا بتسوين طاسه حق البيت وتقصصينه قطع كبيره مو صغار .. يعني نفس السيزر مال المطاعم
طماط مكعبات صغيره
زيتون اسود حلقات .. الي مو مالح
توست مجفف موجود بالجمعيات بكل النكهات
جبنة بيرمزان المبشوره
بالنسبه للخلطه ....
الي امها او احد من عايلتها مصري راح يعرف الي بقوله بسرعه .. اول متطلب للصلصه هو (أنشوجه) تلاقونها مع قسم التونه عباره عن سمك صغير مملح داخل علبه معدنيه صغيره مثل السردين بس اصغر الي تروح الجمعيه راح تشوفه محطوط داخل كرتونه صغيرونه سئلوا العامل عنها .... المهم نكمل
فص ثوم واحد
ملعقتين كبار مايونيز
3 ملاعق ماسترد
ربع قلاص خل ابيض
زيت زيتون حسب الرغبه
نص ليمونه
رشة ملح ورشة فلفل اسود

اخذي نص علبة الانشوجه وحطي عليهم فص الثوم ودقيهم بايد الهاون وبعدين حطي عليهم مكونات الخلطه مالتج وظيفيها على الخس والطمام والزيتون وقلبيهم عدل بعدين رشي الجبن وخلطي مره ثانيه بعدين عند التقديم حطي فوق الخبز

لذييييييييييييييييييييييييذه

ملحوظه ... لا تكثرون الملح لان السمج مالح .. وتقدرين انتي تضيفين اضافات بكيفج على ذوقج
يعني انا فكرت احط فوق السلطه بطاط صغير مفيوح .. او من فوق احط قوطي تونه ( نفس سلطة نسواز الي في بيتزا اكسبرس)
جربوها وادعوا لي ولا تخافون من السمج ترى ماراح يكون في طعم سمج ابدا بالعكس راح تحسين بطعم الصلصه مالت المطاعم

وردولي خبر :tomato2::tomato2:

 

[جورية كويتية]

تسلم ايدج حبيبتي
وعليكم بالعافيه
وان شاء الله اجربها
اذا لقيت من هذا اللي قلتي عنه انشوجه ^_^

:eh_s(18): :eh_s(7): :eh_s(18):
​

 

[انا كويتية]

س الأنشوجة او اللأنشوفيز زفر وما احبه جربتيها من غيره؟؟؟ وشكلها يشوق باجر بسويها بس من غير الأنشوفي

 

[babloo]

لا لا لااااااااااااااا

حرام عليج كلللللللللش موزفر ... وبعدين الخلطه فيها خل وليمون بعد من وين ايي الزفر !!!

انتي جربيها مع الانشوجا وبعدين شوفيها زفره ولا لأ !!

ترى في بيتزا اكسبرس يسوونها مع الانشوجا ... اذا ما لج خلق تسوينها وتغامرين ... روحي جربيها هناك اول

ورااح تدعيييييييين لي

 

[جارة القمر]

مشكوووووووووووووووووووره

 

[ضحكة الدنيا]

تسلم ايدج
ومشكوووووره

 

[طير الحب]

تسلم ايدج حبيبتى

 

[babloo]

الله يسلمكم .... بس لاااااااااازم تسوونها مو مشكوره وما تسوونها صدقوني عجيييييييييييبه

 

[لؤلؤية]

جان صورتي لنا الانشوجه
عشان مانضيع

عمري السلطة عجبتني...ودشت مزاجي
عندي بنت (فيها فقر دم) ماتاكل السمك...باغشها بهالسلطة _03ba:

باشتري الانشوجه وباسويها
وباصورها لج...بس نطري على ما اشتري الاغراض

 

[babloo]

بعد جبدي والله ام فيصل ... عاد والله اليوم سويتها كانت صج صج لذيذه وما قلت حق اخوان ريلي ان فيها سمج ههههه شطبوا عليها وايد عجبتهم وحطيت عليها من فوق جبن تشدر مبشور
بالنسبه للانشوجه بس تروحين صوب التونه راح تلاقينها سهله ما تضيع واذا توهقتي سئلي الي يشتغل هناك
اتمنى لكم سلطه شهيه

 

[شندوخه]

بجربها بس بدون الانشوجه لان ما اكل سمج تظبط ؟

 

[ملاك-77]

تسلم ايدج

 

[babloo]

مادري والله تظبط ولا لأ !! لان النكهه تيي من الانشوجا ... يا جماعه ماكو طعم سمج كلللللللش صدقوني وانتي ماراح تستخدمين وايد بس نص العلبه

ملاك ........ يسلمج حبيبتي

 

[سفيرة العشق]

يسلمووووووووووو
شكلها يممممميييي

 

[الغــــلا رنــــاد]

شنو الانشوجه ؟؟؟؟؟؟

 

[لؤلؤية]

رجعت مرة ثانية....

حبيبتي babloo

سويت السلطة بكل مقاديرها وصورتها
بس نطريني انزل الصور...بنتي اللي تنزلهم لي...واهي الحين نايمة :dddds:
>>>ترى ماذقتها للحين...ناطرة زوجي يرجع من الدوام ونتغدى _03BA:

نطري ردي الثاني..

 

[لؤلؤية]

اول شي هذي الانشوجة

هنيه حطيتها مع الثوم المدقوق...

وعقب دقيتها وخاطتها بباجي مقادير الصلصة
(المايونيز..الماستردة (الخردل)..الخل...الزيت...الليمون ..الملح الفلفل الاسود)

وهنيه شكلها عقب ماخلطنااااهاااا

وهذي السلطة بالصحن (خس + طماط + زيتون + جبن بارميزان )

والتوست (شغل بيتي ) قصصته وقليته مه فصين ثوم مدقوق وحطيت اوريغانو وحبق

هذي صورة الاريغانو والحبق

وهذي صورة الصلصة والتوست والسلطة

تــــــــابع

​

 

[لؤلؤية]

هنيه حطيت عليها الصلصة

وهذي عقب ما حطيت الصلصة والتوست اللي بالثوم والاريغانو...وصارت جاهزة للتقديم

بنات السلطة لذيييييذة لذييييذة طعمها غيييييير عن كل السلطات اللي جربتهم
وفعلا مايبين فيها طعم السمج نهائيا
حتى بنتي ماتواطن ريحة السمج...والله كلت منها وما حست فيه كلششششش
لكن النكهة موطبيعية...انصحكم فيها
انا شخصيا اعتمدتها من ضمن سلطاتي المفضلة


babloo الله يعطيج العافية..ذوقج جذيه :eh_s(15):
لاتحرمينا من جديدج يالغلااااااااااا​

 

[لؤلؤية]

على فكرة التوست اسمر...عشان جذيه لونه غامج

 

[Brounzi_girlly]

تسلم الأيادي
مع التحية.......................