سجلت مخصوص عشان(( عملية في الانف))

[محتاره هانم]

السلام عليكم
شلونكم ياكويتيات ياعسولات :tek:

السالفه ومافيها ان اطباء الانف اقروا لي عمليه لان عندي مشكله بالتنفس والغضاريف

وبيني وبينكم انا خااااايفه حدي وهذا خشم مولعبه :tomato2:

المهم مدحوا لي منذر العجمي :ggdw: ورحت عيادته وكان خوووش واحد

بس مو مهم اخلاقه ولا استقباله الاهم عملياته وشغله هذا رقم (1)

رقم (2) بعد العمليه ماكو مضاعفات م؟ ماراح اتحسف؟ احد سواها وتحسف؟

تكفون ردوا بسرعه لانه بيحدد موعد العمليه اليوم :krkrkr:

 

[ام عفاف الكويت]

رد: سجلت مخصوص عشان هالموضوع تعالوا

حياتي والله ربي يشافيج
والله مو عارفه
للرفع

:ggdw:

 

[محتاره هانم]

رد: سجلت مخصوص عشان هالموضوع تعالوا

مشكوره ام عفاف
على الاقل عبرتيني يعطيج العافيه

 

[um katkot]

رد: سجلت مخصوص عشان هالموضوع تعالوا

ودي افيدج سامحيني كلش ما عندي فكرة الله يشافيج يارب انشالله بردا و سلاما و ما يصير معاج الا كل خير يارب
انشالله البنات يفيدونج

 

[أم أحمداني الغالي]

رد: سجلت مخصوص عشان هالموضوع تعالوا

حماة إختي سوت تجميل أنف
راح تتعبين بس شوي وتحملي عشان صحتج

 

[تعبتوني]

رد: سجلت مخصوص عشان هالموضوع تعالوا

أب عشانج حبيبتي

 

[ii DareeN ii]

رد: سجلت مخصوص عشان هالموضوع تعالوا

تم تعديل العنوان بواسطة مشرفة القسم

 

[ii DareeN ii]

اهو الدكتور اسمع عنة يمدحونة بالتجميل بس ماعرف احد شخصيا متعامل معاه ان شاء الله البنات يفيدونج

 

[verooonica]

السلام يا حلوين..انا امسويه العمليه من سنه بس بمريكا...الصراحه العمليه مو سهله بس تسوى العنوه لان التنفس صار وااايد اسهل و الورم طول معاي 10 شهور و الى الان اول ما اقوم الصبح يكون منتفخ و بعد ساعه تقريبا افشو نصيحتي اذا عنج مشكله بالنفس سويها بالحكومه عندج د.عهدي ممتاااز و انا جربت الكورتيزون معاه مشاءالله وايد زين

 

[سندريــــلا]

السلام عليكم
شلونكم ياكويتيات ياعسولات :tek:

السالفه ومافيها ان اطباء الانف اقروا لي عمليه لان عندي مشكله بالتنفس والغضاريف

وبيني وبينكم انا خااااايفه حدي وهذا خشم مولعبه :tomato2:

المهم مدحوا لي منذر العجمي :ggdw: ورحت عيادته وكان خوووش واحد

بس مو مهم اخلاقه ولا استقباله الاهم عملياته وشغله هذا رقم (1)

رقم (2) بعد العمليه ماكو مضاعفات م؟ ماراح اتحسف؟ احد سواها وتحسف؟

تكفون ردوا بسرعه لانه بيحدد موعد العمليه اليوم :krkrkr:

محتاره هانم
انا سويت عمليتي عند د منذر العجمي
طبعا سالت عنه وااايد لاني كنت خايفه مثلج وابي شي مضمون ومايخرب خشمي
لان في دكاتره بس تخصص تجميل وممكن يسوي الخشم روعه بس تكون فيه مشكله بمجرى التنفس

د منذر اهوا استشاري انف واذن وحنجره واخصائي تجميل
يعني عارف شغله وانا سالت عنه قبل لا اسوي عنده والكل اللي مسوين مدحووه لي
وتوكلت على الله وسويتها عندها من قبل 4 ايام
بعد العمليه طبعا فيه عوار والم والويه يتفخ شوي وصار لي زراق خفيف تحت العين وماتتنفسين الا عقب اسبوع تقريبا
هذا كلام الدكتور ,,فيها تعب واللي تبيي تتحمل ,,ماكو شي من غير تعب ولازم تتقبلين شكلج ويكون عندج صبررررر على ماتروح هالانتفاخات والزراق وتحطين كمادات ثلج اهيا تخفف وايد
و يعطونج مسكن ويخفف الالم ومضاد حيوي ,,

حبيت افيدج وموفقه واي سؤال انا حاضره

 

[محتاره هانم]

مشكورين كل من شرف موضوعي ويعطيكم العافيه

سندريلا مرحبتين الله جابج
الدكتور قال ماراح تحسين بالم نهائي وانتي تقولين يعور يعني يقص علي

بعدين انتي شنو ردة فعلج عقب العمليه عاجبج شكلج؟
وشرايج اتوكل على الله واسويها؟؟

 

[محتاره هانم]

سندريلا وين سويتيها؟

وجم خذا الدكتور والمستشفى؟
وطلعتي بنفس اليوم؟

 

[سندريــــلا]

مشكورين كل من شرف موضوعي ويعطيكم العافيه

سندريلا مرحبتين الله جابج
الدكتور قال ماراح تحسين بالم نهائي وانتي تقولين يعور يعني يقص علي

بعدين انتي شنو ردة فعلج عقب العمليه عاجبج شكلج؟
وشرايج اتوكل على الله واسويها؟؟

هلا والله محتاره هانم

شوفي مستحيل مااتحسين بالم نهائي , لابد ان في عوار بتحسين فيه , وراح تاخذين مسكناات لمده اسبوع
ومضاد حيوي وبخاخ يغسل وينظف الخشم
فانتي اول جم يوم كل 5 ساعات تاخذين المسكن عشان لا ايييييج العوار وماتحسين بشي
وبعدها يعني 5 يوم جذي تحتاجين المسكن كل 7 ساعات يعني
جذي لما اتخفيييين وحطي كمادات الثلج اول 4 ايام وايد زينه واترييييح , واخذي مره ونقعيها وخليها في بطل
وباليوم جم مره حطيها بقطنه وخليها يم خشمج علشان اتيييب الخياط واتخليه يلتام اسرع

انا اليوم لي اسبوع وموعدي بعد شوي بروح يشيل لي الجم غرزه اللي جدام وافتك ويغير الجبيره يحط الثانيه
وان شاء الله مايعور احاتي
وبعدين اللي يبي الشي يصبر ويتحمل وان شاء الله سهالات لاتخافين من العمليه والله
اهوا اللي يتعب ان اول جم يوم ماكو نفس يعني تتنفسين من حلجج وقال بعد اسبوع جذي يبدي التنفس يرجع شوي شوي
وفعلا احس ان غير عن اول ايام ,, يعني شوي احس بفرق وان شاء الله مع الاايام بيتحسن اكثر

واللي يتعب ان النوم لااااااازم عالظهر لمدة شهر عاد انا احب على جنب :eh_s(1): بس شسوي متحمله وان شاء الله تعدي

وردة فعلي عقب العمليه
اني ماترددت ابدااا لان عارفه ان التفخ اللي صار بويهي جم يوم وبيخف والازرق الي شووووويه صار تحت عيني بيروح
وفعلا 6 اياااااااااام وانا اليوم واااايد غير وفررق الحمدالله ,,

وانا طايحة تصويييير كل يوم اخذ جم لقطه حق ويهي للذكري لوووووووول علشان اشوف المراحل وتطورها

يبيلج صبر وتكونين متقبله هالاول جم يوم ,ولما اشوف خشمي استانس لان احسه حلو وهذا مع اني توه للحيييين
فعندي امل ان بيصير مع الايام بعد وايد احلى وبيطلع نفس اللي ابييه :ada: وان شاء الله يارب

وراي انج تتوكلين على الله وتسوينها

 

[سندريــــلا]

سندريلا وين سويتيها؟

وجم خذا الدكتور والمستشفى؟
وطلعتي بنفس اليوم؟

سويتها بمستشفى الهادي
وطلعت على 1150
الدكتور اخذ مني 800 والمستشفى اخذ الباجي ونمت عندهم ليله