سجلت بالجامعه والتربية الاساسية

[ام مشعل المطيري]

شلونكم بنات
انا سجلت بالجامعه والتربية الاساسية طلع قبولي بالجامعه شريعة بس كورس ثاني وناطرة قبولي بالتربية الاساسية بس اللي سمعتة ان ينلغي اسمي من التربية الاساسية صج!!!!
وانا مابي الشريعه لان قبولها كورس ثاني وماكملت اوراقي مجرد قبول بس شلون ينلغي اسمي بنات ردوا علي قولولي شسوي وين اروح ابي اتأكد

 

[ارتباك العاشقين]

ما عندي فكره والله


اب لعنونج

 

[Nor3eni]

خليج بالجامعه وحولي عقبها تربيه او اي تخصص تبينه
حرام تخلين جامعه لكويت

 

[حنطاويه عسل]

لا حبيبتي مدام ماوديتي اوراقج مايلغون القبول لا تحاتين

وبعدين حرام اضيع كورس واذا بتحول سنه وعلى ماتتخصص سنه يعني اضيع

عليها سنتيين واخر شي بتصير مدرسه سواء بالتربيه ولا بالجامعه

 

[غرور وايل]

آلسسـلآم عليكم ..

آتوقع مـآ يمدي آلححين ..

بسس بـآجر رووحي آلعديلية و بلغيهم ..

و بعدهـآ روحي آلجـآمعةةة و آسحبي آورآقج ..

لآن آلحين آسمج نلغى من آلتربية آلآسآسيةة ..

روحي قبل لآ يططلع قبـووول آلآسآسيةة ..


موووفقه ..



:*

 

[ام مشعل المطيري]

انا رحت اليوم وقالولي مو اكيد نقبلج حتى لو سحبتي من الجامعه

 

[^^طالبه^^]

ليش ياحبيبتي مايقبلونج

نسبتج مرتفعه

واذا ماقبلوج حطي عربي ب يقبلونج وبعدها حولي منه بأول كورس من تدخلينه لان عندهم نقص شديد شديد شديد حسب ماوصلني

 

[gala q8]

انا بعد سمعت إذا قدمتي مكانين و قبلوج الاول ينشال الثاني ,

و إذا قدمتي على مكانين و وافقوا على واحد والثاني رفضوا ما تقدرين تقديم بعدين على اللي رفضوج ..

بس إنتي روحي العديليه و تآكدي بعد ,



مووووفقــه

 

[فـــخـــر]

خلاص دام ماتبين اسحبي من الجامعه و قدمي الكورس الثاني ع الاساسيه

انتي جذي جذي مداومه ع الكورس الثاني بس فكرري عدددل انتي وين تبين

عندج وقت لي الكورس الثاني من اسألتج ومواضيعج واضح حييل متردده : )



وبالتوفيق

 

[..<< ندى الورد >>..]

انا قبل سجلت بالاساسيه والجامعه اول ما طلع قبولي بالجامعه دخلت
السستم مال الاساسيه مكتوب مبروك تم قبولك في جامعه الكويت
يعني انلغى تسجيلي بالاساسيه

 

[حنطاويه عسل]

انا سالت رفيجتي وقالتلي اختها العام جذي سجلت بالجامعه والاساسيه

وقبلوها الجامعه بس ماودت اوراقها ووايد قالولها راح يلغونج من الاساسيه

واخر شي كاهي انقبلت بالاساسيه وعشان تتطمنين اكثر في وحده العام بموضوع مستجدات التربيه الاساسيه

هم نفس الشي طلع قبولها بالجامعه بس تبي الاساسيه وماودت اوراقها الجامعه وقبلوها بالاساسيه

 

[ام مشعل المطيري]

مشكورين ع الردود حبيبي ان شاء الله خير

 

[هنـــا]

مـا عندي فكره حبيبتي إن شاء الله البنات يفيدونج ​