ست الحبايب ياحبيبه يا امي

[امواج الكويت]

السلام عليكم


قبل شوي كنت اغير قنوات التلفزيون ولا عالكويت حطوا اغنية ست الحبايب يا حبيبه وبصراحه ما قدرت امسك دموعي تذكرت امي فديتها صج ان الام ماكو مثلها مهما سوت ومهما زعلت ولا عصبت بتم الغاليه
تذكرت يوم دخلوني المستشفى عشان ينزلون البيبي من الساعه 3 الظهر لين الساعه5 الفجر وهي قاعده عالدرج والله ويوم طلعوني للتنظيفات شفتها قاعده عالسلم ومسنده راسها عالطوف وقافيه ويوم شافتني فزت تقولي شلونج حبيبتي ويوم خلصت ماسكه ايدي وتبوس فيها وتسهر وياي لي الفجر بعدين تروح مع انها عمرها وحياتها ماعبرت لي عن مشاعرها بس هذاك اليوم صج كرهت نفسي حسيت اني انانيه جدامها
والله اكتب وما اشوف الكيبورد من دموعي

انا مابي من موضوعي اني اذكر افضال امي علي لا والله بس ابي اللي يكتبون مواضيع عن امهاتهم انهم مايحبونهم ولا يحبون عيالهم يعرفون قيمة وقدر الام
ابي كل وحده زعلانه مع امها تروح وتطيح على راسها وايدها مهما كان هذي امج جنتج ونارج الجنه تحت اقدامها حلوة اللبن هذي ياما شالت وتعبت تمون على كل عظم فيج

انتوا امهات واكيد حاسين بشعور امهاتكم وعقب باجر عيد الام فرحوها عسى ربي يفرحكم


واللي مو زعلانه تقولي شنو راح تسوي حق امها
واللي عندها مسج حلو حق عيد الام تسدحه هني


*

ست الحبايب ياحبيبه يااغلى من روحي ودمي
ياحنينة وكلك طيبة يارب يخليكي يا أمي
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
تعيشي لي ياحبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يارب يخليكي ياأمي يارب يخليكي ياأمي
لو عشت طول عمري أوفي جمايلك الغاليه علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يارب يخليكي ياأمي ست الحبايب ياحبيبة

 

[iLLuMinaTion]

مشكوره على التذكير

 

[نـعـومـه]

رد : ست الحبايب ياحبيبه يا امي

الله يخليلج امج

وانا الله يخلي امي ويحفظها يااااااااااااااااارب

مافي شي معين اسويلها لاني احبها طول العمر واحس ماكو داعي عيد الام هذي بدعه ...... وبنفس الوقت اخاف يحز بخاطرها انه ماسوينالها شي بهاليوم يمكن بخاطرها نسويلها شي !!

بس ماكو شي اسمه عيد الام :/

متشوشره حدي

 

[dalaly-angel]

الله يعطيج العافيه
الله يخليلي امي ويحفظها ويفرح قلبها ويشافيها ويعافيها ياااارب
اللهم آمين

 

[فطووومة]

:eh_s(7):مشكووووورة حبيبتي على الموضوع :ggdw:

والله يخلي لج الوالدة ويطول عمرها بصحة وسلامة


اقدر لج هالوفاء للوالدة وان شالله يبرونج عيالج مثل ما انتي تبرين امج



وفعلا الام مدرسة للبذل والعطاء والتضحية مافي نفسها

امي متوفية الله يرحمها والحين بيصير لها سنة يارب ترحمها وتجعلها من اهل الجنة وكل اموات المسلمين :eh_s(2):

واقوووول لها من كل قلبي :

كانت شعلة من النشاط والعطاء والتضحية تعبت وسهرت وسوت الكثير عشانا لا ملت ولا كلت ولا شكت ربي يجزيها الثواب الحسن عنا وفي ميزان حسناتها يارب

وكل يوم اترحم لها واقول ماقصرتي يا يمة بعد عمري محد يسوي حق عياله مثلج :bbbiu:


الله يرحمها يارب ويجعل قبرها روضة من رياض الجنة اللهم آمين


مشكووورة حبيبتي والله يديم عليكم السعادة مع الوالدة

 

[بنــ إختها ــت]

رد : ست الحبايب ياحبيبه يا امي

أخيييييه عورتي قلبي بهالحجي :eh_s(2):
صج الأم شي لو اتم اتكلم عنها من الحين لي 10 سنين جدام اما اوفي شي بحقها :eh_s(2)::eh_s(2):
وانا قبل ماكنت حاسه بقيمتها عدل لمن تزوجت وتغربت صج عرفت قيمتها وكل يوم ابجي عليها :eh_s(2)::eh_s(2):

انا صج متغربه بس هم راح اشتريلها هديه .. قلت حق اختي تشتريلها ساعه بربرييز لانها تموت على هالماركه وتعطيها في عيد الأم على انها مني وبس

يشرفني اكون اول وحده ترد على موضوعج :eh_s(7):

 

[shayto0oNa]

والله ماادري انا كل عيد اشتري حق امي وحق خالتي ام ريلي

محتاره هالسنه انشالله البنات يفيدونا

 

[بنــ إختها ــت]

رد : ست الحبايب ياحبيبه يا امي

لووووووووووووول على ماكتبت ردي وجيكت عليه وطقطقت شوي بالفون الا صار فيه امية رد جداامي d:

 

[امواج الكويت]

ادري انه بدعه بس هم يحز بخاطرها وخصوصاً انا امي موظفه والكل راح يقول عيالهم شنو يابولهم ومو حلوة امي الوحيده اللي مو محتفلين فيها

 

[shayto0oNa]

فطووومه حياااتي الله يرحمها ويغفرلها

فدييتج



،

 

[فطووومة]

حبيبتي عطيها الهدية اليوم او بعدها بيوم مثل ما يسوون ناس وايد

 

[امواج الكويت]

فطومه حياتي عسى ربي يرحم امج ويجعل مثواها جنات النعيم

بنت اختها يارب تردين سالمه وتكحلين عينج بشوفة امج

 

[فطووومة]

حياتي امواج وشيطوووونا تسلمون والله يخلي كل من يعز عليكم

 

[ابدا يالغالي مانساك]

رد : ست الحبايب ياحبيبه يا امي

يسلموا غلاي علي هيك مواضيع
عن نفسي معوده امي اني مزعلها حتي لو شنو تسوووي فديت امي
واهديها دايمن
لاكن بعيد الام غلاي علي قوولج صحيح نهديها لاكن بعد هاليووووم بايااااام او قبله
فديتج يابعدي

 

[أميرة زوجي أنا]

رد: رد : ست الحبايب ياحبيبه يا امي

ربي يخلي لنا امهاتنا انشاءالله وأهم شيء في هالدنيا رضاها علي

 

[نونة حبيبها]

جوال سوني اريكسون
ويمكن لابتوب

 

[امواج الكويت]

الله يخليلكم امهاتكم

 

[ذكريات]

اااااااااخ انا مغتربه

و حييييل مشتاقتلها

فديتها .... مرات لما اتدكر شنو كنت اسوي فيها ودي الزمن يرجع و اغير اللي صار

 

[دانة الدنيا144]

انا حددددددد ي محتاره شنو اييب لها مرا يبت لها ساعه ومرا جنطه ومرا سويت لها بوفيه
ومرا عطيتها طقم عطور
ومرا عطيتها ذهب

خخخخخخ ماخليت شي هالسنه صج احترت ؟؟؟

 

[vanilla-D]

رد : ست الحبايب ياحبيبه يا امي

الله يخليها لج