ستستر لحقن ابر لوالدتي

[شذي الفردوس]

خواتي ربي يفرج عليكم بغيت رقم ستستر تشتغل لحسابها الخاص مو شركه بس تيي تطق امي ابر السكري ثلاث مرات باليوم يعني ماتقعد بالساعات لانالشركات تاخذ 400 دينار تقعد 12 ساعه بس حق ابر ثلاث مرات وايد ومانحتاج قعدتها هالكثر بس ابيها تيي تطق ابر وتروح

 

[شذي الفردوس]

ناطرتكم والله حييل محتاجين رقم ستستر

 

[شمس خلف السحاب]

هذي اسعارهم

 

[Ranoon]

سألي مستوصف إذا يصير تاخذين رقم سستر تجي بوقت معين وتروح


الله يعين

 

[SILVER ROSE]

شوفي جمعيتكم يمكن مسوية خدمة المستوصف لكبار السن

 

[ماكواسم2]

المستوصف يوفر الخدمة ،، أو انتي تعلمي

 

[الدنـ نور ـيا]

الخدمة موفرها المستوصف خاصة إذا الوالدة كبيرة بالسن الله يحفظها

 

[شذي الفردوس]

مشكورين بنات عالردود يطاقتها مو نفس العنوان الي ساكنين فيه ...العنوان قديم ولازم نغير البطاقه عشان المستوصف
فما عندنا الا نييب ممرضه من شركه تقعد 12 ساعه حق بس ابرتين واليوم 12 دينار
قلت يمكن في ممرضات يشتغلون لحسابهم ييون مرتين ويروحون

 

[Miss Cherry]

طيب ليش ماتتعلمين انتي ترا مايبي لها شي الأبرة

بالنسبة للستر مثل ماقالوا الخوات المستوصف يوفر هالخدمة لذوي الإحتياجات الخاصة وكبار السن

لو تبين سستر صعبة تجيج ٣ مرات باليوم بس تطق الأبرة وتطلع وخاصة السسترات اللي جذي تلقين ماعندها إقامة فالحين قاموا يخافون من عبد الفتاح يمسكهم هههههههههه كنت اعاني من هالشغلة مع السسترات

انا اقول انتي تعلمي او جيبي سستر ثابته للوالده الله يطول بعمرها منها تعطيها ادويتها اذا عندها وتجابلها وبنفس الوقت تعطيها ابرتها " تحت اشرافكم "