سبونج بوب دمر ولدي عطوني حل

[قتوة البدو]

مرحبااااا:eh_s(8):
بنات انا ولدي صار مو طبيعي من يوم ماطلع سبونج بوب
صار يتحجى مثله وماياكل الا إذا شافه جدامه يعني من يقوم
من النوم :ch12:وهو مجابل ها التلفزيون هذا مايهمني الحيين
المشكله الكبيره انه مايروح عزكم الله للحمام قام يسويها على ملابسه
ولدي كبير عمره 6 سنيين تكفون عطوني حل طقيته عاقبته زفيته حرمته كل شي سويته
مانفع معاي عطووووووووني حل يابنات والله تعبت:eh_s(16):​

 

[OM-TURKY]

حبيبتي الله يسهل عليج ان شاءالله

شوفي مثلا سوي خدع مثلا طفي التلفزيون شيلو الكهربا او قوليله الحين سبونج بوب راح الحمام مراح يشتغل الا لما تروح الحمام . او مثلا الحين راح ياكل لازم انته تاكل عشان يستانس او يشتغل مره ثانيه و كل شي خليه على هالعذر .

او مثلا لهيييه. ييبيله الوااان واوراااق على سبونج بوب خليه احب شي ثاني غير انه اشوف بس التلقزيون. مو زين على عيونه الله يحفظه.

او مثلا يبي عيال عمه او خالته يمعيهم عندج يبيلهم العاب مختلفه خليييه يلهى معاهم . لا تعاابقييينه ولا تزفيييينه بالعكس الياهل مو زين عليه المعامله ادري انه غصبن عليييج بس لا اتبعي طرق ثانيه.

اقري كتب عن كيفية التعامل مع الطفل تفيدين نفسج وايد لانه سبحان الله احنا في اشياء اكيد مانعرفها.

باجر اب تذكرين هالايام او تضحكييين :)))))

الله يخليلج اوليدج ان شاءالله ويحفظه من كل شر.​

 

[قتوة البدو]

فديت مرورج يام تركي بس ولدي متاثر وايد بالرسوم قام يتحجى مثلهم وانا بس اضحك واهو يقولي ماما لاتسخرين مني
عطوني حل ولدي مصدق الرسوم والله قمت اخاف على يوم يحذف نفسه من الدريشه يسوي مثل سبايدر مان ​

 

[قاهره عذالي]

اي انا قبل وانا صغيره كنت حيل اتعلق بشخصيات الرسوم
مو شوي وودي ادش المسلسل داخل
قولي له ان سويتها ثاني مره
ترا ما اخليك تشوفه
ونصيحتي روحي محل فيديوات وديفيديات واشتري له دي في دي
خليه يشوف كل الحلقات وانه ماراح تفوته الحلقه ان راح الحمام ورجع
لانج راح تورينه بالدي في دي اللي طافه لما راح الحمام

 

[•Brown•Sugar•]

:\ انا اخوي كان متأثر بفاي ستي حيل حيل
تخيلو بالشارع يقول حق ابوي
بابا ادعم هالريال اذبحه واخذ فلوسه والمددس
وحط كلمه السر ع شان يطلع لنا دبابه @@
صار مخه كله عنف بعنف اسلحه وتدعم وذبح وبوق
الله يستر على عيالنا من هالتكنلوجيا المعفنه

 

[بربيره]

ما ينلام من يشوف هالعيون و هالسنون اشلون ما يغرم فيه لك شو مهضوووم لوووول صج معذب الجماهير اليوم شفت موقف حلو وانا بالسوق الياهل يحن على ابوه ابي برد جن يقوله سبونج بوب خايس هذاك بغا يموووووت من البجي لوووول والله ودي اساعدج بس الحب و ما يسوي

 

[برستيجي مآركة]

أنا انصحج شغليه بأموار ثانية غير متابعة افلام الكرتون والله نصهم دمار خاصة نكلودين وام بي سي 3 وكارتون نتورك مايعلمون شي صح زي سبونج بوب لما يشرب شي يجلس يطلع صوت من فمه يتشدا مدري يتدغر ويطلع اصوات من......؟ يعني من جد يعلم كل شي سيء البزران بعدين يظنون هذا الشي الصحح ويسوونه قدام الناس اشغليه باالعاب جديدة يحبها لعبي انتي معاه اشتري دفاتر الوان حاولي قد ماتقدرين تشغلينه ذاك اليوم وانا اتابع واحد من افلام الكرتون مع اختي والله اني شفت حركات مو للاطفال البنت مقربة من الولد والولد ذايب عليها اشووي ويتباوسون بشوف عيني والله بس شتسوين ان خليناهم يطالعون المسلسلات مشكلة اكبر واكبر بعد .. قرقت واجد بس من جد شي يقهر والله عذرا ع اطالتي عزيزتي..

 

[الشيخة@]

والله ماالومه انااقعدمع ولد ومنسجمه معاه حيل شلون ولدش
البنات فادوش اكثر مني تقبلي مروري

 

[aoky kaito kid]

احلى حل سبونج بوب ماات و قالك لازم تسمع كلام ماما و اذا حطوه فري التلفزيون و سوي بيتكم مثل حدائق بابل المعلقه خلي الرموت دايما فوق و قطي كل شي متعلق بسبونج بوب
حل اخر قوليله سبونج بوب يكرهني و مايحبك و مو حلو مايسمع كلام ماما و كله يقول كلام مو حلو
قلبي قاسي صح

 

[aoky kaito kid]

حل اخر و قوليلا مات اذا تبي يرجع لازم تسمع كلام ماما

 

[dnyay_mll]

الله يعينج
لاتسكتين وديه لدكتور نفسي زيـن
ترى المدرسه يايه وراح يتاثر حيل بالدراسه

 

[المصممة مسك]

الله يعينج يالغلا
بس فكرة الدي في دي حلوة

 

[الكشخه]

وديه نادي احسن من قعدته في البيت وخليه على طول مع الاقران وانتي ا\ا ما قدرتي تقنعينه ابوه اكيد يقدر عليه ودايما ادعيله بالصلاح

 

[كتكوته غنوجه]

ههههههههههههههه
الله يخليه لج
والله هذا حال كل العيال
واحد من جماعتنا مايلبس الا سبونج بوب>>لوتذبحينه خخخخخخخخخخخ
الله يخليهم وماعلي فترة وتعدي
وباجر يكبر ويذكر سوالفه ويضحك عليها لاطبيب نفسي ولاشي>>

 

[الأميرة جوري]

عادي ياقلبي ولدي عمره 4سنوات....يتحجى لغه عربيه يناديني >>>امى امى اين انتى هل انتى مشغوله هههه.....وحسيته بعالم ثاني رحت شلت الوايرات وقلت خربه اخوك ...اخذ فتره يبجى وكل يوم اوعده واقول بنصلحه وكل يوم عذر ابوك مو فاضي او المحلات مسكره ومن هالخرابيط لانه ماياكل ومرات يسويها علي نفسه شوي شوي صار ياكل وصار يروح الحمام بس كان يعوض يلعب كوره او مع اخوه ليمن حسيت الوضع اوكى شغلت التلفزيون وصار مايهتم مثل قبل انتى احرميه بطريقه مايفهم انج متعمده...ولدج كبير لازم تفهمينه

 

[جذابه بنت ذيابه]

ههههههه ياحلوه ..دربالج عليه يا قلبي
اعرف وحده ولد اختها قط نفسه من فوق البيت وتوفى والسبب سبيدرمان

بس يومه سبحان الله


اسم الله على وليدج ,, والله يحفظه لج يا رب

 

[ديانا سبنسر]

الله يعينج البنات كفو ووفو

 

[سيدة السلام]

انا بنتي نفس الشي على بارني
صارت جبدي تقلب كل ماشفته
مقررررررر كل يوم كل دقيقة كل ثانية
بس للامانة استفادت منه

 

[ام ميميتو]

حبيبتي لو انا مكانج امسح ام بس سي3 لانها تعلم الياهل شغلات وايد غلط و خلي يتابع سبيستون او طيور الجنه احسن شي خاصة طيور الحنه كلها اناشيد و اغاني تعلم الاطفال الصلاه و مادري شنو بس حلوه يعني فيها رسوم متحركه و الوان الله يخليه لج و يهدي

 

[سلاسل ذهبيه]

اشتري له لعبه يحبها واذا انشغل بها غيري التلفزيون وشوي شوي يصير مايطالع كل وقت وفهميه ان التلفزيون مره لكم ومره له
يعني لما يجي وقت الاكل تقولين بابا بيشوف الاخبار او المباراه واشغليه بنادي وابنشطه ثانيه غير التلفزيون