سبحان اللي غير حالي?

[احلا المزايين]

صج سبحان مغير الاحوالبيوم وليلة وبلحظة غضب يتغير كل شي
ماكان بيني وبين زوجي اي شي ابد ماني مقصرة بحقة
ومسويتله ليلة رومانسية ومابينا الا العافية
نام قعد مزاجه مقلوب كالعادة نوعا ماتضايقت بس مشيتها
لانه محجوز بالدوام بهاليوم قالي روحي بيت اهلج بنام بالدوام شكلي
رحت وحاطة ابالي باليل برد شقتي لاني ماارتاح الا بالنوم بفراشي
مو متعودة انام ابيت اهلي
يوم صار باليل دقيت عليه قلتله بودي ولدي الطبيب قال انتي وين قلت عند اهلي
شلون اتروحين مااتعلميني قلت انت قلت روحي قال لااااا لازم تستأذنين مني
وعصب علي المهم جو لامي ضيوف
فرحت الطبيب الساعة عشر
طلعت تلفوني والا القاه داق مرتين وماكنت منتبهة للتلفون لاهية مع الضيوف
دقيت عليه الا يصارخ وانتي شلون ماتردين علي
قلت كان عندنا ضيوف وانشغلت وانا الحين داقة اقولك بروح الطبيب
اهني زاد قام يسب ويشتم شلون تطلعين من البيت هالحزة
واهو والله بالايام العادية عادي عنده بس بهاليوم كان حاط حرة الدوام فيني
قلت ياابن الحلال معاي خدامتي واعيالي قال شوي وادق
كل هاذا وانا محافظة علا هدوئي
جيت بنزل الطبيب واللايدق انتي ليش مو مرتبة غرفتج اهني استغربت حسيت انه يتحجج لانه عارفني وعارف ترتيبي وتظافت
قلت بنزل المستوصف قال يعني طلعتي من غير شوري استغفرالله قلت قبل شوي دقيت علي وقلتلك وقام يصارخ علي ويسب ويشتم ويسكزه بوجهي
انا اهني الدم براسي فار دقيت عليه قلت لا تجي تاخذني من اهلي وقام يسب جان اسكره بويها
الحين يبنات اللي تحسفت عليه اتي دقيت عليه امس
ولارد احس اني غلطت للعلم لي ثلاث ايام ابيت اهلي
ماادري احس بتخبط مع ثقتي بحب زوجي لي وتعلقه باعياله
كالعادة اتفننن بحل مشاكل الناس واحتار بحل مشكلتي

 

[ماتغير شي]

شكله في احد مشيشه الله يهداه


لو حرة الدوام جان بس يوم ودق عليج وتعذر بس صارله ثلاث ايام


انتي ادرئ بطبع ريلج اذا اهو يستاهل انج تنزلين وتدقين عليه وتكلمينه وتعرفين ليش معصب فـ دقي عليه


واذا اهو من النوع اللي اذا دقيتي يترفسج ويكبر راسه ويصكه بويهج فيستحسن لا تدقين خليه لما يطخ


عسى الله يسخره لج ويبعد عنكم العين والشيطااان يارب

 

[ام الدرر]

ياحياتي الله يعينج
اكبر غلط الوحدة لما تزعل تروح بيت اهلها
او تقعد عندهم
اذا اول مرة يصير هالشي بينكم
انطري جم يوم حبوبة
لعل وعسى الله يهديه ويدق يسال
اذا ما تجاوب
حاولي بطريق غير مباشر
تفتحين باب حوار بينكم
مثلا تدزين مسج تطلبين فلوس لعيالج
او تبين ملابس لعيالج وتبلغينه انج بتروحين شقتج
وشوفي رده
عسى الله يهديه ويسخره لكم ​

 

[Patcholli]

ردي بيتج وقصري الشر السالفه كلش ماتسوى تكبرينها لي هالدرجه
خلاص كان معصب وشايش وانتي قلتي بعظمة لسانج ان مو طبعه جذي المفروض تمتصين غضبه وتردين البيت تدلعينه وتطخخينه مو تقعدين فبيت اهلج وتزيدين النار حطب
ردي الحين بيتج وحظنيه وقوليله ليش كل هاذا اشفيك شالي متعبك ومغيرك جذي ؟؟
لا تعاندينه عنادج كبر السالفه وايد ..

 

[بودي حبيبي]

حاولي تكلمينه بهدوء ترا الرجل احيانا يمر بضيقه بس يكتم بصدره مايفضفض حتى لام عيالهخاصة لما الامور تتعلق بالدوام ،،، حاوريه بهدوء دزيله مسجات شوق تعذري بطريقه حلوه
بس اكبر غلط انج تصكين التلفون بوجهه مهما سوا يبقى زوجج،،،
اتوقع كان مار بضغط
عسى ربي يصلح حالكم،،
تقبلي مروري

 

[*مطبخ الذواقة*]

حبيبتي ماله داعي تنطرينه ...ردي البيت عادي هذا بيتج وهو ريلج ...لا تعاندينه ..

يمكن ضغط دوام ضغط بسالفه شخصيه عنده ...أنت أول وحده بيحتاج لها لوبغى يفضفض ..


ردي ..وتوكلي على الله ...


وترى كل الرياييل جذي ..فجاءة يقلبون وفجاءة يصيرون شزينهم



نسال الله ان يسخر زوجج لج ...ويبعد المشاكل عنكم ...

 

[M!SS.LOBY]

لا حول ولا قوة الا بالله

 

[aloooya]

يمكن عنده مشكلة و مو حاب يقولج

 

[دروب البنفسج]

عادي يقلبي لا اتكبرين المسأله , اكييد مضغووط من الدوام وترا الرياييل اغلبهم ما يحبون يفضفضون او بالاحرى ما يعرفون ف تظل السالفه بقلبه ويحط حرته باللي حواليه من غير قصصد والله تلقينه بداخله متحسف ترا بس يندم تالي انه ليش سويت جذي ,

وبعدين حبيبتي المفروض انج تمتصين غضبه _ انتي قلتي داق ويقولج ليش مو مرتبه الدار / هاذا دليلانه كان متوهق يبي يفضفض او بالاحرى يعطيج اشاره ا تنبيه ترا انا متضايق ماني على خبرج يعني يفترض اتهدينه واتقولين اذكر الله وتسئلينه شنو مضايقه من غير حنه

والله السالفه ما تسوى اتظلين بيت اهلج - روحي بيتج على ابونه تبين ملابس لليهال وخليها عذر واذا شفتيه قربي منه وقبل كل شي لميه واعتذري منه وهديه تالي لي طاح الحططب قوليله انه اهوا ضايقج لمن زفج وجذي عشان لا اتظل بخاطرج .."


والله يهديه ويسخره لج ويسخركم لبعض

 

[اذوب بكلامه]

ياعمري قومي وروحي بيتك الحياه ماتسوى نضيعها
بالزعل قومي بسرررررعه وعلى بيتك

 

[أم فـرح الحلوه]

ياحياتي انتي ع قًولتج تتفننين لحلج لمشاكل الناس وصج حلولج دايما مقنعه بس هالمشكله انج زوجج صاد وماودج ع انج تدقين وفوق هذا يعني ٣ ايام لا هميته او حتى تحجج بالعيال لهذي الدرجه غيابنا حضورنا واحدوانتي من كلامج مبين مرتبه يعني اكيد لج لمسات بالبيت يعني ٣ ايام ما هز فيه شي مافيه شي ذكره يعني انت اعرف بطبع زوجج ودايما تقولين عنه غامض وما يتكلم ومن كلامج مبين انه منضغط وبيحط الحره فييج وانا عارفه انج متغافله عنه باشياء واجد عشان تمشي الحياه بس صكت هالتليفون من الضغط اللي فييج واحيانا المراه وحده تحس انها غاليه ويدق ويترضاها ويطنش عشان حتا لو عياله لان يونسها هالشي اذا مااعترف بالكلام ع الاقل بالكلام <<< قلبي يعورني مااقول الا الله يفرج همج وينور بصيرتج ويصبرج




اذا دقيتي مارد خليه جم يوم خلاص خليه يعرف قيمتج حتا انتي تتعبين ولازم يتحملج واذا انتي تبين شي ارتاحي هاليومين بيت اهلج لا تدقين او شي الا اذا تبين شي لعيالج <<< غثني زوجج من نوع اللي يكبر نفسه ويبني اتنازل واترجاه ولا كان شي صار









شكلي قعدت اقلبج ع زوجج <<< هذا وانتي شابكه من فوني

 

[الكبيرة]

أخ كل الرياجيل جذيه شنسوي مايتنازلون وبس يعصبون ويهاوشون ولا يعترفون بتعبنا معاهم نفس المشكله هما أنا ...

 

[%دانة%]

لا حول ولا قوة الا بالله

 

[احلا المزايين]

ام فرح انتي منو احسج اتعرفيني

 

[احلا المزايين]

ومشكورين بنات عالردووديعطيكم الف عافية
انا والله مترددة
وعسا ربي يفرجها

 

[مصممهــ]

وينك ترى قلبي لطاريك عطشان ***** وعروق قلبي ماتحمل غيابك


دزيله مسج << بهل بيت << ^_^​

ماينقص من غلا الغالي سوى غيابه​

وردي لبيت ريلج حبي<< اول شي بتسوينه انج تردين بروحج يعني مو معاج ياهلو ماشي وسوي له عشا كيوت واكشخي له وجي<


واذا لقيتيه عصب وقعد يصارخ اسكتي ولاتكلمين بشي< نصيحه عشان مايعطيج المقصوم ^_^ طاخ طيخ<<


واسأليه خلصت؟ من كلامك


اذا قال ايه << روحي وبوسي راسه خده الي اهو<< ^_^


وقولي له لاتخلي الشيطان بينا قلبي تراا انا سندك وانت سندي مايصير ياقلبي تزعل علي<< الي صار صار وخل نبتدي صفحه يديده

وانا يمك المفروض الشي الي مضايقك تقولي عليه عيل انا وجدي اهني وكوني مرتك شحقه وسوي روحج تتدلعين عليه ^_^

جود ينكسر خاطره ويبتسم >_<

اتمنى اكون افدج يا عسل



وسلامتج قلبي<< ​

ربي يسخر لج ريلج ويهدي لج عيالج ويوفقج دنيا واخره اللهم امين​

 

[امـ خــزامـى]

مااعرف بالضبط اسلووب زووجك
بس اذا ينفع معه التغلي تغلللي

 

[احلا المزايين]

وينك ترى قلبي لطاريك عطشان ***** وعروق قلبي ماتحمل غيابك


دزيله مسج << بهل بيت << ^_^​

ماينقص من غلا الغالي سوى غيابه

​

وردي لبيت ريلج حبي<< اول شي بتسوينه انج تردين بروحج يعني مو معاج ياهلو ماشي وسوي له عشا كيوت واكشخي له وجي<


واذا لقيتيه عصب وقعد يصارخ اسكتي ولاتكلمين بشي< نصيحه عشان مايعطيج المقصوم ^_^ طاخ طيخ<<


واسأليه خلصت؟ من كلامك


اذا قال ايه << روحي وبوسي راسه خده الي اهو<< ^_^


وقولي له لاتخلي الشيطان بينا قلبي تراا انا سندك وانت سندي مايصير ياقلبي تزعل علي<< الي صار صار وخل نبتدي صفحه يديده

وانا يمك المفروض الشي الي مضايقك تقولي عليه عيل انا وجدي اهني وكوني مرتك شحقه وسوي روحج تتدلعين عليه ^_^

جود ينكسر خاطره ويبتسم >_<

اتمنى اكون افدج يا عسل



وسلامتج قلبي<< ​

ربي يسخر لج ريلج ويهدي لج عيالج ويوفقج دنيا واخره اللهم امين​

الله كلامج عيشني بحلم وردي
مشكورة حبيبتي علا روحج الحلوة
والله كريم

 

[مصممهــ]

ومشكورين بنات عالردووديعطيكم الف عافية
انا والله مترددة
وعسا ربي يفرجها

ياروحي لاتترددين :eh_s(7): انتي عندج عيال وحرام تشتتينهم :eh_s(2):

فكري زين >> بنهايه القرار لج بس توكلي على الله يالغاليه

روحي صلي لج ركعتين ادعي ربج ان يهديه وردي بيتج تراا الحرما مالها غير بيتت زوجها يالغلا :eh_s(7):

انتي مو صغيره << :eh_s(1):

 

[ميمي..]

ارجعي البيت احسن سالفه ماتسوى وانتي ام عيال