سبحان الله الحين يقولون ربع زوجي ياحلو قرار الروضان بدون مخصصات

[أم أفنان]

الــســلام عــلــيــكــم ورحــمــة الــلــه وبــــركــــاتـــه


أخــــوتــي الـــغــالــيات أمــس زوجـــي قــــاعــد بـــدوانــيه بلندن يــقــولــون الـــشــباب أحــنــا ظـــلــمنه الـــوزيــر

الــسابق روضــان الــروضـــان عــلــى قـــراره الســابق بــدون مــخصصات صــج الـــمــخصصات فــيــهــا ظـــلم

بـــس أحـــسن مــن الـــقـــرار الــجــديــد عـــلــى الأقــل قــبل الــقــرار أى واحد يـــروح بــس مــجرد لــجنه واى دوله

بــــدون واســطــه أمــا الــحــين الــلـه يـــسامحم حـــطين دولــتـــين الاردن والسعوديه


أرجـــــو الـــتـــعـــلــــيق بالـــعـــقــل

 

[$غــ(ز)ــل$]

انا اشوف القرارين ظلم
يعني اللي بدا المشاكل اهو الروضان لو قاعد على القرار القديم جان ماصار اللي صار

وماتدرين يمكن يجي يوم من الايام وترد القرارات مثل قبل
انشااءالله يااااااااااارب

 

[WaChoCha]

انا ما جربت العلاج بالخارج واتمنى ان يكون حملي وعلاجي بالكويت .... بس اعتقد ان كل القرارين ظالمين......... 15% من الشعب الكويتي عنده عقم ..يعني تقريبا 150 الف حالة الى 200 الف حالة اذا قلنا تعداد الكويتيين مليون ...مو شوية اذا ما يبون يسفرون العالم على الاقل يفتحون مراكز سنعة فيها تقنية عالية الارزاق بايد الله سبحانه ..بس حرام ناس وايد انظلمت وراح تنظلم من هالقرارات

الله يجبر بخواطرنا

 

[Amory]

اي والله الروضان ظلمنا والحين صج ان المخصصات ردت بس ليش ما يودون غير الاردن والسعوديه جنهم يقولون قعدو ابديرتكم ابركلكم

القرارين ظاااااااالمين حرام عليهم اللي قاعدين يسوونه واحنا ديرتنا ديرة الخير ومحد قاعد يعطينا من جيبه والحمدلله ديرتنا ما عليها قاصر.

 

[naz-naze]

خواتي انا اول وحده اختار السعوديه ليش مستغربين انا راجعت عندهم فوق الممتازين والله احسن من لندن والعلاج ممتاز وصراحه ومصداقيه

 

[tenten]

يعنى شنو فيها الاردن والسعودية فرق عن الكويت ؟؟؟؟

يمكن التكاليف ماديا تقول اقل بس كأجهزة وتقنية مختبرات لاااااااااا اكيد دول الغرب ؟؟ لان الغرب عندهم علم مووو عندنا ولاااا اجهزة ؟؟

وكخبره دكاتره اشطر بوايد ....

واذا على المخصصات اكيد ظلم واناوحده اقول وللحين

يـــــــــــــاليتنا قعدنا من غير مخصصات ؟؟؟

 

[um katkot]

اسمحيلي اختي بس بعرف انتي مقتنعة بهلكلام
كانت الناس تروح و مافي اي مشاكل صح و الا لأ و كان في شروط كالتالي :
- ان يمر على زواجهم 5 سنوات و لم يسبق لهم الانجاب
ان يكون الزوجين كويتيان
اذا عندهم طفل واحد لازم يكون عمره 5 سنوات
و ان الزوجة عمرها ما يزيد عن 45 سنة
و ان يكون سبق لهم العلاج بالكويت على الاقل مره وحدة و لم تنجح العملية
يكون عندهم تقرير من مستشفى الصباح
و مدة العلاج 6 اشهر و يمدد ( في حالة الحمل او حسب العلاج و توصية المستشفى)
شنو صار حضرته الروضان الله لا يسامحه على قراره الظالم كنسل علاج العقم بالخارج خير شر و اعتقد البنات اذكرو هالشي من قبل و حاطين نشرات الجرايد الخاصة بهلقرار شيقول : ان الكويت ما تعالج عقم بالخارج لأنه ما يعتبر مرض و ان مو متكفلين في العلاج
و ان زيادة اجتهاد منهم راح يخلون العلاج بالديرة بالمراكز الخاصة مجاني ....
يعني بيوفر ميزانية وزارة الصحة ما ادري دافع من جيبه و عقب ما حط القرار تغير الوزير يعني الاخ الروضان طينها و خربها و مشى
ياما ناس كانو مقدمين وقفت اوراقهم
و عقب نزل الرار اليديد هذا و هو تقريبا نفس الشروط بس شددو عليها يعني لازم مايكون عندهم عيال خير شر و اللي سبق له الانجاب ماينظرون في طلبه و شي ثاني اللي عمرها 40 سنة ما يقبلون طلبهم بعد و مدة العلاج شهرين فقط و يمدد شهرين اذا احتاج الموضوع و بس اذا صار حمل لها 8 اسابيع بس اذا ما صار حمل ما تقعد و لايوم و لا لهم مخصصات عقب الاربع اشهر يعني خلا الاربع اشهر لازم تكون حامل
يعني انا بالديرة لما بلشت علاج من بداية المنشطات و اللوية صار لي 3 اشهر و ما يندرى شنو يصير علينا هناك
يعني القانون حسيت انه شكلي و على فكرة مسموح لكم محاولة وحدة و مسموحلكم روحة وحدة على حساب الحكومة بهلشهرين صار حمل خير و بركة ما صار مالهم شغل فيكم
و اذا بتروحون على حسابكم مسموح لكم مره وحدة فقط اجازة 3 اشهر بدون مرتب بس و من عقبها يقطعون اجازتكم هذا اذا على حسابكم و ما يصير تروحون مره ثانية على حسابكم
اهمه ما سوو العلاج بالمراكز الخاصة مجاني الا عقب ما صار ضغط على الحكومي متروس و المواعيد و التاخير و العمر يمشي حراااام والله حراام يعني المستشفى الحكومي ما يلحق شنو هالحال و الخاص انا اخذوها مني في مستشفى ما ني قايله اسمه مسموح حق كل ناس بيعالجون 3 محاولات على حساب شركة النفط ففلوسهم مضمونه ما اعرف احد من شركة النفط و لا احد حملو عندهم هذا شي بيد الرحمن سبحانه و تعالى بس لا تنكرون ان في ناس ما تخاف الله و تبي تستفيد ماديا
يعني يقول الطبيب مثلا ليش اخليها تنجح من اول مره و انا اقدر طلع فلوس من محاولتين بعد و يطلبون ادوية و اجراءات و تحاليل مالها لازمة انا مو غبية رحت كذا مكان و مجربة اكثر من مره افهم
عموما لا تقولين ان الروضان مظلوم انا ليلحين اقول حسبي الله و نعم الوكيل فيه ما عطانا فرصة عادلة نجرب فيها و الله كريم
انا اللي حرني اعرف وحدة تكسر خاطري ريلها صار مريض هناك و تعب و تاخرت عمليتها و عقب ما صار وقت ترجيع الاجنة وقفو مخصصاتهم و قالولهم ردو الديرة المره بتموت من البجي تقول الاجنة مجمدينهم خل يحطون لي اياهم يرجعونهم برحمي يقولون ما يصير و كلمو المكتب الصحي قالو لهم لأ
و رجعت تقول لو مو رايحه احسن تعبي صار على الفاضي و فلوس الحكومة حرام ... ما ادري شصار عليها بسال عنها ذكرتوني
حسبي الله و نعم الوكيل فيك يا الروضان كلكم راعي و كلكم مسئول عن رعيته ظلمتنا بقرارك و عفست الدنيا و خبصت
على فكرة كتبت ايميل حق جرايد اطالب فيها حقنا احنا الموظفات الكويتيات ان يعطونا اجازة تفرغ للعلاج بنرتب خصوصا ان محتاجين الراتب حق العملية مكلفة مو شوية
و قلت بكلامي انا احنا اهم من اجازة تفرغ فني و الا تفرغ رياضي صح و الا لأ يعني نقدم الاجازة على لجنة و مسموحلنا نقدمها مره بالسنة على الاقل حق اللي ما عندها عيال او تبي تحمل و يبيلها علاج
طبعا محد رد على موضوعي ايي مو مهم بس الله كريم انشالله احد يسمع صوتنا انا وحدة صار لي 11 سنة و حالتي نادرة و كل دكتور اروحله يقولي علاجج بره مو عندنا هالتقنية موجودة بره بس منو احاجي
بس بس قلبي يعورني تعبت
كلمت مره واحد مابي اذكر منو و شكيت له و انا ابجي جان يقولي الله كريم نطري و شوفي شيصير ؟؟؟
نعم قال اي نطري اذا حملتي صار و اذا ما حملتي بعد ارضي بقدرج
و منو قالك الحمدلله و الشكر اني مو راضية بقدري الحمدلله يارب انا انسانة مؤمنة بالله وراح اسعى و احمدربي على هذا البلاء انشالله ياجرني في مصيبتي يارب بس اسعى يا عبدي و انا اسعى معاك
سامحوني قرقت و طولت قهر قهر

 

[$غــ(ز)ــل$]

ام كتكوت ..والله صاجه بكل كلمة قلتيها

حسبي الله ونعم الوكيل
حسبي الله ونعم الوكيل
حسبي الله ونعم الوكيل

 

[om-s3ood]

الله المستعاااان

 

[زهوور الريف]

والله شئ يعور القلب
ما اقوووووول غير حسبى الله ونعم والوكيل

 

[um katkot]

ولله ليلحين باط جبدي الروضان وايد مقهورة منه ليت احد يوصله كلامي أخ يا لقهر
و ابي اعرف العضوة صاحبة الموضوع اشدعوة الدفاع هذا عنه شكلج وايد مقتنعة بالقرار
هل حاشج اللي حاشنا يا ترى و الا انتي غير
على كلامج انتي صارلج سنة ابي اعرف اشلون صارلج سنة ؟؟؟ و القرار القديم يقول 6 اشهر و القرار اليديد يقول شهرين و انتي الحين حامل الله يتمم عليج يارب تقولين راح تظلين هناك لغاية الولادة عشان خايفين على الحمل ؟!؟!؟
بس لقيتج بموضوع تسالين اذا المخصصات انزلت تبين تروحين السوق ؟؟
بس ماشالله مقتنعة بالقرار لأنه مو مطبق عليج
باختصار اللي ايده بالنار مو مثل اللي ايده بالثلج الله يهنيج و يتمم عليج
بس رجاءا ماله داعي تعلقين على موضوع الروضان حبيبتي شهادتج فيه مالها مصداقية

 

[كمنتالبي]

أي والله صدقتي ..........

 

[اشتاق الى الجنة]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

حسبي الله ونعم الوكيل فيك وعليك يا روضان الروضان وكل من سعى معاك بهالقرار يا عساها ماتتعداك يا عساني اشوف الظلم اللي وقع علينا يقع عليك اللي اشد منه اللهم ان الروضان ارانا قدرته علينا اللهم فارنا قدرتك عليه

صدقتي يا ام كتكوت بكل كلمة قلتيها ويسلم راسج وعسى الله يفرح قلبج ويفرحني بذريتنا وكل البنات يا كريم اكرمنا يا رب فرج همنا وآنس وحشتنا وارزقنا يا رب

والله يهني الناس واللي الله ارزقه يقول الحمدلله

 

[ألماس وردي]

اسمحيلي اختي بس بعرف انتي مقتنعة بهلكلام
كانت الناس تروح و مافي اي مشاكل صح و الا لأ و كان في شروط كالتالي :
- ان يمر على زواجهم 5 سنوات و لم يسبق لهم الانجاب
ان يكون الزوجين كويتيان
اذا عندهم طفل واحد لازم يكون عمره 5 سنوات
و ان الزوجة عمرها ما يزيد عن 45 سنة
و ان يكون سبق لهم العلاج بالكويت على الاقل مره وحدة و لم تنجح العملية
يكون عندهم تقرير من مستشفى الصباح
و مدة العلاج 6 اشهر و يمدد ( في حالة الحمل او حسب العلاج و توصية المستشفى)
شنو صار حضرته الروضان الله لا يسامحه على قراره الظالم كنسل علاج العقم بالخارج خير شر و اعتقد البنات اذكرو هالشي من قبل و حاطين نشرات الجرايد الخاصة بهلقرار شيقول : ان الكويت ما تعالج عقم بالخارج لأنه ما يعتبر مرض و ان مو متكفلين في العلاج
و ان زيادة اجتهاد منهم راح يخلون العلاج بالديرة بالمراكز الخاصة مجاني ....
يعني بيوفر ميزانية وزارة الصحة ما ادري دافع من جيبه و عقب ما حط القرار تغير الوزير يعني الاخ الروضان طينها و خربها و مشى
ياما ناس كانو مقدمين وقفت اوراقهم
و عقب نزل الرار اليديد هذا و هو تقريبا نفس الشروط بس شددو عليها يعني لازم مايكون عندهم عيال خير شر و اللي سبق له الانجاب ماينظرون في طلبه و شي ثاني اللي عمرها 40 سنة ما يقبلون طلبهم بعد و مدة العلاج شهرين فقط و يمدد شهرين اذا احتاج الموضوع و بس اذا صار حمل لها 8 اسابيع بس اذا ما صار حمل ما تقعد و لايوم و لا لهم مخصصات عقب الاربع اشهر يعني خلا الاربع اشهر لازم تكون حامل
يعني انا بالديرة لما بلشت علاج من بداية المنشطات و اللوية صار لي 3 اشهر و ما يندرى شنو يصير علينا هناك
يعني القانون حسيت انه شكلي و على فكرة مسموح لكم محاولة وحدة و مسموحلكم روحة وحدة على حساب الحكومة بهلشهرين صار حمل خير و بركة ما صار مالهم شغل فيكم
و اذا بتروحون على حسابكم مسموح لكم مره وحدة فقط اجازة 3 اشهر بدون مرتب بس و من عقبها يقطعون اجازتكم هذا اذا على حسابكم و ما يصير تروحون مره ثانية على حسابكم
اهمه ما سوو العلاج بالمراكز الخاصة مجاني الا عقب ما صار ضغط على الحكومي متروس و المواعيد و التاخير و العمر يمشي حراااام والله حراام يعني المستشفى الحكومي ما يلحق شنو هالحال و الخاص انا اخذوها مني في مستشفى ما ني قايله اسمه مسموح حق كل ناس بيعالجون 3 محاولات على حساب شركة النفط ففلوسهم مضمونه ما اعرف احد من شركة النفط و لا احد حملو عندهم هذا شي بيد الرحمن سبحانه و تعالى بس لا تنكرون ان في ناس ما تخاف الله و تبي تستفيد ماديا
يعني يقول الطبيب مثلا ليش اخليها تنجح من اول مره و انا اقدر طلع فلوس من محاولتين بعد و يطلبون ادوية و اجراءات و تحاليل مالها لازمة انا مو غبية رحت كذا مكان و مجربة اكثر من مره افهم
عموما لا تقولين ان الروضان مظلوم انا ليلحين اقول حسبي الله و نعم الوكيل فيه ما عطانا فرصة عادلة نجرب فيها و الله كريم
انا اللي حرني اعرف وحدة تكسر خاطري ريلها صار مريض هناك و تعب و تاخرت عمليتها و عقب ما صار وقت ترجيع الاجنة وقفو مخصصاتهم و قالولهم ردو الديرة المره بتموت من البجي تقول الاجنة مجمدينهم خل يحطون لي اياهم يرجعونهم برحمي يقولون ما يصير و كلمو المكتب الصحي قالو لهم لأ
و رجعت تقول لو مو رايحه احسن تعبي صار على الفاضي و فلوس الحكومة حرام ... ما ادري شصار عليها بسال عنها ذكرتوني
حسبي الله و نعم الوكيل فيك يا الروضان كلكم راعي و كلكم مسئول عن رعيته ظلمتنا بقرارك و عفست الدنيا و خبصت
على فكرة كتبت ايميل حق جرايد اطالب فيها حقنا احنا الموظفات الكويتيات ان يعطونا اجازة تفرغ للعلاج بنرتب خصوصا ان محتاجين الراتب حق العملية مكلفة مو شوية
و قلت بكلامي انا احنا اهم من اجازة تفرغ فني و الا تفرغ رياضي صح و الا لأ يعني نقدم الاجازة على لجنة و مسموحلنا نقدمها مره بالسنة على الاقل حق اللي ما عندها عيال او تبي تحمل و يبيلها علاج
طبعا محد رد على موضوعي ايي مو مهم بس الله كريم انشالله احد يسمع صوتنا انا وحدة صار لي 11 سنة و حالتي نادرة و كل دكتور اروحله يقولي علاجج بره مو عندنا هالتقنية موجودة بره بس منو احاجي
بس بس قلبي يعورني تعبت
كلمت مره واحد مابي اذكر منو و شكيت له و انا ابجي جان يقولي الله كريم نطري و شوفي شيصير ؟؟؟
نعم قال اي نطري اذا حملتي صار و اذا ما حملتي بعد ارضي بقدرج
و منو قالك الحمدلله و الشكر اني مو راضية بقدري الحمدلله يارب انا انسانة مؤمنة بالله وراح اسعى و احمدربي على هذا البلاء انشالله ياجرني في مصيبتي يارب بس اسعى يا عبدي و انا اسعى معاك
سامحوني قرقت و طولت قهر قهر

ياقلبي فضفضي وماعليج كلنا خواتج
صدقتي بكل كلمة
بس ما أقول إلا حسبي الله ونعم الوكيل لكل من حط وسعى ورا هالقرار
وياريت يحسون فينا بس للأسف ماعندهم هل المشكلة
حسبي الله ونعم الوكيل فيهم كلهم

 

[أم أفنان]

السلام عليكم ورحمة الله وبركاته


على ما اعتقد كتب بالعقل

خواتى لا تفهمونى غلط انى ادافع عن الروضان لا ادافع عنه لا دنيا ولا اخره ولا ايدة قرارة انا ضدة القرارات العشواعية الى تتخبط ولا زلالت تتخبط

ام كت كوت افهمي صح ولا تظلمين الي حاشج حاشنى

على كلامج انتي صارلج سنة ابي اعرف اشلون صارلج سنة ؟؟؟ و القرار القديم يقول 6 اشهر و القرار اليديد يقول شهرين و انتي الحين حامل الله يتمم عليج يارب تقولين راح تظلين هناك لغاية الولادة عشان خايفين على الحمل ؟!؟!؟
بس لقيتج بموضوع تسالين اذا المخصصات انزلت تبين تروحين السوق ؟؟

مو فهم قصدج
وبوضح لج شى ترى رحت على حسابى من غير مخصصات وحتى ليما ودونا مسشفي حكومى بغيد ولازم مترجم معاج عكس الخاص يكون قريب ويوفر لج مترجم

يا رب العرش الكريم يرزقنى ويرزق كل محروا ولا يخسر تعبنا ولا غربتنا
كمنتالبي
والليا اختى كلهم ظلم تشوفين ناس تاخذ وناس ما تاخذ والفنسية تلعب دور
والله ما راح يحسون ويا رب يسامحنى على الكلام ما راح يحسوان إلا ليما أقرب الناس لهم يصير فيهم هذا الاحساس

والله العلم ويارب يسامحنى على هذا الشى ليما فجوا المخصصات احساس انهم فاجينه لناس معينى هم يبونهم يرحون ولا يقطون من جيبهم شى بعدين قعدين يتخبطون


وبالنسبة للعلاج بالسعودية والاردن عن تجربتى وتسمح لي اختى naz-naze وعند افضل دكاترة سمير عباس اول محاول ولا حوله ولا قوة الابالله كانت عناية مركزة بسبب الابرة الى عطانى وكرهت العلاج بالسعودية
الادن افضل وكنت عند زيد الكيلانى ومعين فضة والرازق الله قبل كل شى ولاكن لندن تقنية ودقة
رحنا من غير مخصصات وقلوا لكم 6 شهور والحين المكتب الصحي يقولا بس 3 شهور راح منه 2 شهرين باقي شهر وربي كريم يرزقنا ويزق كل من يتمنا من اوسع ابوابه
وهم اقول حسبي الله ونعم الوكيل

 

[ملاك-77]

الله كريم يرزقني ويرزق الجميع يارب

 

[أم أفنان]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

حسبي الله ونعم الوكيل فيك وعليك يا روضان الروضان وكل من سعى معاك بهالقرار يا عساها ماتتعداك يا عساني اشوف الظلم اللي وقع علينا يقع عليك اللي اشد منه اللهم ان الروضان ارانا قدرته علينا اللهم فارنا قدرتك عليه

صدقتي يا ام كتكوت بكل كلمة قلتيها ويسلم راسج وعسى الله يفرح قلبج ويفرحني بذريتنا وكل البنات يا كريم اكرمنا يا رب فرج همنا وآنس وحشتنا وارزقنا يا رب

والله يهني الناس واللي الله ارزقه يقول الحمدلله

أخــتــي الــفـــاضــلــه مــس جــاندوفلي أفــهـــمى الـــعــنـــوان بالعـــقل أنــا قـــصدي قــبل أنــتــي أشـــلون وافــقو

عــليكم لــنــدن صــح مــجـــرد لــجنه فــقط بدون مخصصات الــحين حـــاولى أنــتــى او غــيرج يــروح أى دوله

بدون الشروط التعجزيه

الروضان يقولون ربع زوجي سوه شغلتين ولاوزيز سوها مثل العيادات الخارجيه مثل أبن سينا والعيون وكثير من المستشفيات

صاير دوام عصر حق الكويتين فقط واصبح حق كل اللجنسيات

والشغله الثانيه حق العقم بدون مخصصات بس مجرد لجنه ويوافقون عليكم مو مثل القرار الجديد

 

[um katkot]

الله يرزقنا اجمعين و ما يضيع تعبنا يارب و تمسح على قلوبنا و تسخر لنا من عبادك اللي يسهلون امورنا بنات حبايبي في اية تبشر الصابرين اجرا مضاعف و من عقبها اجرا بغير حساب شفتو يالي تقرون كلامي هذا و تطلبون الذرية و قاعدين تسعون كلكم حسناتكم مضاعفه بغير حساب الحمدلله الحمدلله احنا انشالله اذا ربي راضي علينا وتقبل منا دعائنا و صلاتنا و صيامنا انشالله لنا اجر غير احنا الصابرين كثرو من الصلاة و الدعاء و الصيام و وزعو الصدقات و لكم الاجر يا حظنا على هالاجر
تذكرو كلامي و انشالله الله سبحانه بيرزقكم صبرا جميلا
الصبر يا بنات مفتاح الفرج و ما ضاقت الا فرجت الحمدلله الرزق مو عند البني ادم الرزق عند الله سبحانه و الا لو عند مثل نمونه الروضان جان علوم
ادعوا ادعوا
منو تعرف قصة المراة اللي كانت تدعي ربها و راحت حق النبي و ياه كلام الله سبحانه ( اني كتبتها عاقر)
كانت تلح و تحن بالدعاء لما الله سبحانه رزقها
الله استجاب لها و هو قادر على كل شي
في شي بس بنات نراجع انفسنا و نحاسبها
في واحد قال اطلب و ادعي ربي و ليلحين قالو له لأن ربك سبحانه طلبكم و لم تستجيبوا كان لازم البني ادم ايشوف و يحاسب نفسه هو مقصر مقابل ربه سبحانه
هذا اختبار من الله و انتو كلكم مسلمين الحمدلله انا ادري ان كلكم تعرفون هالكلام بس انا قلت اكتب شي مفيد و نذكر بعض احسن

 

[tenten]

جزاكم الله خير والله يرزقنا بالذرية الصالحه ولاااا يضيع لنا تعب

 

[lovemyself]

هدونىىىىىىىىىىىىىىىىىى بس والله يا انه فى قلبى الاااااااااااااااام وجروح والسبب الوزير الروضان اقول حسبى الله ونعم الوكيل الله ياخذ حقنا منه قعدنا ست شهور واحنا ننطر العلاج برا اخرتها ماكو شى والله قلبى يعورنى اهو ما جرب معاناتنا عنده عيال ومتمتع يهالكرسى لا والحين مجلس الامه اقول بس يا ويلك من الدعاء والله دعيت ليما قلت بس قلبى انفطرررررررر من هالقرار تعبنا بالمعاملات وتعرفون ماكو واسطو وماصدقت واخيرا واخرتها كنسل الموضوع واضطرينا نسوى هنيه كله منه ما خسر من جيبه شى ولا افتقد الشعور بالامومة والعاطفة الله لا يوفقه وبصراحه بالدستور من حق كل مواطن ان الدولة تتكفل بعلاجه مجانا يعنى هذا ابسط حقوقنا ما قلنا لازم برا انتوا جهزوا مستشفيات عدله حرام عليهم والله حرام من يسمع ويحس والله ضايعين احنا