سبب تأخر حملي سنتين دشو ماراح تتوقعون

[سميره مملوحه]

قوه بنات شلونكم شخباركم
من زمان ماكتبت موضوع
انا الحمدالله ربي رازقني ببنتين وعسى الله يرزق كل محرومه بالدريه الصاااالحه وتقر عينكم بشوفتهم

انا من ويبت بنتي الثانيه وسبحان الله تأخرت كل شهر اقول حامل وتنزل الدوره تقريبا راح يصير لي سنه ورحت عند احسن الدكاتره وفحصوني وسويت تحاليل وكللل شي سليم الحمدالله
وحتى زوجي راح حلل المسكين شك بنفسه وقالوله طبيعي الحمدالله ماكو شي

وحتى رحت فحصت بالمانيا وقالت ماافيج شي بويضاتج زينه

وظليت على هالحاله كل مانزلت الدوره اقعد ابجي وابجي وريلي يهديني

واثاري السبب مني ومن زوجي تتوقعون شنو


طووووول هالسنتين واحنا نستعمل الزيت اللي ينحط قبل الجماع بالمناطق الحساسه عشان تسهل عملية الجماع من ماركة ديوركس ان شاءالله فهمتوني شنو اقصد
طلع يسبب ماااانع الدكتوره قالت اهوا يعتبر مثل الواقي اللي من ماركة ديوركس قالت لي حتى الدهن مالهم يسبب مانع عشانه يقتل الحيوانات المنويه واحنا ماندري :eh_s(11):

وبعدين قطيت كل الانواع اللي عندي الله يعزكم بزبااااله ومن ثاني شهر من خليته الحمدالله الحمدالله حملت وفرحتنا ماتتصورونها جنه اول حمال لي ههههههه والحمدالله على كل حال اجهضت توني بالشهر الاول مومهم المهم اني حملت

ومرت حماي بعد نبهتني وقالت لي ترا الدهن يسبب مااااانع واحنا يغافلين لكم الله

اتمنى اني فدتكم بتجربتي
وعسى ان شاءالله الله يرزق كل وحده تبي الحمال :yaaaaaarb:

واسفه عالقرقه:eh_s(7):

 

["*آآآنؤؤؤقهـ*"]

حمدلله عرفتي سبب

وفطنتي له..


حمدلله انه مو سبب قوي يمنع وحملتي

يالله لك الحمد والشكر .. مبروك ويتمم عليج يااااااارب

 

[سميره مملوحه]

حمدلله عرفتي سبب

وفطنتي له..


حمدلله انه مو سبب قوي يمنع وحملتي

يالله لك الحمد والشكر .. مبروك ويتمم عليج يااااااارب

اي والله الحمدالله اني عرفت السبب وان اكون نبهت اي وحده فمكاني

وانا حملت واجهضت بس الحمدالله اني عرفت السبب

 

[الريمـ اللعوبـ]

الله يرزقج يارب بالحمل السليم حبيبتي


وانا نفس حالتج جبت بنتين وسبحان الله ماحملت وكل ما اروح دكتور يقول تبويضج ممتاز وموعارفه السبب
وكل شي بيد رب العالمين

 

[الريمـ اللعوبـ]

الله يرزقج يارب بالحمل السليم حبيبتي


وانا نفس حالتج جبت بنتين وسبحان الله ماحملت وكل ما اروح دكتور يقول تبويضج ممتاز وموعارفه السبب
وكل شي بيد رب العالمين

 

[سميره مملوحه]

الله يرزقج يارب بالحمل السليم حبيبتي


وانا نفس حالتج جبت بنتين وسبحان الله ماحملت وكل ما اروح دكتور يقول تبويضج ممتاز وموعارفه السبب
وكل شي بيد رب العالمين

الله يرزقنا ياااارب
ويرزق كل محرومه :yaaaaaarb:

 

[ديزاينر الكويت]

ييجوز

بس مو شرط يمكن ماركه عن ماركه يختلف لان انا استخدمه و تم الحمال مرتين

 

[ملامح بريئة]

اذا الله اراد شيئ يقول له كن فيكون

 

[مدام شانيل]

اي حبيبتي فعلا عازل ويقتل الحيوانات المنوية انا والله كنت استخدم كلوميد وتخيلت الجفاف وادوس على نفسي بس عشا نقدر نخلص بدون لا مريم ولا حتى اللعاب خلي كل شي طبيعي وربي يرزقنا بالحمل العاجل ياااارب ومعوضه خير انا بعد حملت واجهت وانطر احمل والله كريم

 

[انتيكا]

الحمدلله والله يرزقج يارب
صج يسبب منع لا مكتوب عليه من ورا شكلج مانتبهتي ان له تاثير عالحيوانات المنويه انا لما قريت قطيته

 

[ملكه الحطب]

زين قلتي بس انا راح استخدمه ان شاء الله بعد مااولد لانه ماابي حبوب مانع ومفكره اقعد 3 سنين مااحمل

 

["*آآآنؤؤؤقهـ*"]

الله يعوضج خير .. سموحه مانتبهت للاجهاض من فرحة الحمل حمدلله على كل حال

 

[مارياq8]

جزاج الله خير كتبتي هالموضوع عشان البنات يستقيدون بعد
الله يرزقج بالحمل والخلقه التامه

 

[اختكم نونا]

مكتوب عليه يمنع الحمل في انواع ماتمنع تسالون الصيدلي