سبا اند هيلث والتسلخات

[اموووووووووولة]

السلام عليكم

بنات انا بسوي اشتراك حمام مغربي بهصالون بس مترددة

اول شي انا ماعندي خبرة بالحمامات المغربية بس من المنتدي لقيت بنات يمدحونه

وثاني شي من كذا بنت اسمع انها عانت من تسلخات وتبقعات من بعد الحمامات المغربية

ولمي كلمت الموظفة قالت لى الاشتراك بـ 240 دينار ودى اقط هالفلوس على كريمات طبية

وعيادات وقالت لى احنا نحط لج خلطات من عندنا وانا لازم اعرف مكونات الخلطة لاني حيل اخاف

الزبدة حدي مترددة ابيكم تشورون على اقط هالفلوس على عيادة جلدية وانا بالبيت اسوي لى حمام مغربي

ولا اتوكل على الله واشترك وشغل يسوي

هيييييييييييليب مي ياخواتي :eh_s(16): :eh_s(16):​

 

[اموووووووووولة]

شدعوه بنات انصحو اختكم ترا والله ماعندي خبرة بالحمامات المغربية واسعارها فيدونيي

 

[حنانو 89]

حبيبتي شنو مشاكل بشرتج هل العلاج متوفر بس مع الحمام المغربي ولا لازم دكتور جلديه؟
انا اشوف لو تروحين عياده جلديه وتعالجين وتسوين لو مره كل اسبوعين حمام مغربي سواء بالبيت ولا بصالون احسن وافضل... واحس ان الصالونات ماعندهم علاجات ولانتايج حق مشاكل البشره احسهم بس تنعيم الجسم ونظافه

 

[1001]

شدعوه هالمبلغ

لا يبا روحي عند دكتور جلديه راح ياخذ عليج اقل من هذا المبلغ

الحمام المغربي شغله عادي
يفركون لج البشره علشان تطلع الجلد الميت فشئ طبيعي في بنات جلدهم خفيف مايتحمل الفرك فيتسلخ الجلد ويحمر
ويحطون الطين المغربي عاد شوفي اذا اصلي مشى حالج اما اذا ابو طقه راح يلتهب التسلخات
وبعد مايجف الطين يفركون ويغسلون
وبعدها يحطون الخلطات الي ماتعرفين شنو مكوناتها

 

[اموووووووووولة]

حنانو 89 < شوفي الله يسلمج طبي وتخيري اهو سلولايت اهو سسترج مارك وكل الالوان بجسمي لوول معاج حق والله شكلى بسوي جذي


1001 < انا متخوفة منه لان يمكن مره سويته بس اتفرك بالبيت واتابع دكاترة على الانستقرام كلهم يحذرون من التفرك الزايد
ومصورين حالات ويقولون هذا نتايج الحمامات المغربية ,,

الله يوفقكم حبيباتي وييسر اموركم

استغفر الله تعبناا واحنا نعوبل بهالجسم ما يخترعون لنا جهاز ندخل فيه ونطلع الا وجسومنا سمبتيك

 

[<miss botamba>]

لحد يقص عليج بسوالف الحمامات الي اسعارها مبالغه

اغلى مبلغ تقطينه عالحمام المغربي 10 دنانير او 15 دينار غيره لا تروحين


وانا اسويه بروحي بالبيت سهل بس الظهر اوقات اتوهق خصوصا النص الفوقي ما اطوله بس عادي ظهري من فوق مافيه شي


شغلي الشاور عالماي الحار تقريبا 3 دقايق بعدها غسلي جسمج بماي حار بس تتحملين مو تحطين مغلي وتحترقين وتدعين علي لا حار تتحملينه وبعدها دهني الصابون وقعدي ربع ساعه كحد اقصى واقل شي خمس دقايق بعدها غسلين عدل عدل وبعدها فركيه من فوق لي تحت وعيدي عليه من فوق لي تحت وبس بعدها غسلي


انا كنت رايحه المغرب وجذي سوولي الحمام المغربي


وبعدها حطي زيت او ماسك عالجسم اذا تبين


زيت عندج بيبي اويل او بايو اويل او زيت لوز مر


والماسكات عندج شغله اسمها غسول مغربي بالحواي (اهيا طين براكين على ما اذكر) خلطيها مع شوي حلبه وشوي حنه وشوي خزامى (لافندر مجفف) وخليها 5 دقايق وغسلي بس الزيت ماينغسل

 

[حنانو 89]

حبيبتي مشاكلج اغلب البنات يعانون منها احسن شي تعالجين عند دكتور جلديه شاطر وتسوين لج بالبيت حمام مغربي كل ١٠ ايام .... ورطبي جسمج علطول بعد ماتتسبحين عشان لو مارطبتي وبس تميتي علي تقشير الجسم ترا يسود لازم ترطيب بعد التقشير وحتي بشكل عام ترطيب لان الخطوط ترا تجي من المتن والضعف فلو تميتي علي الترطيب وسواء ضعفتي متنتي اي شي ماراح يطلعلج ان شاء الله وانا حتي حاليا متجهه للاشياء الطبيعيه لترطيب الجسم مثل زبده الشيا وزيت زيتون بكر وزيت جوز الهند عشان احس الطبيعه افضل شي وان شاء الله تتعدل اجسامنا ياااااارب ....

مت ضحك علي جهاز يطلعنا سمبتيك اي والله لو في منه جان زين جان ناخذ قرض حقه هههههههههههه احنا البنات بس نعابل بنفسنا مساكبن ههههههههه

 

[عسى الله يهديني]

الحمام النغربي والتفرك مهم وهم العيادات مهمه
كل اسبوعين سوي مغربي بصالون او وحده تييج او انتي بنفسج
وروحي الطبيب عالجي كذا شغله واستمري

بالترطيب وبس