سبايك الذهب

[الليدي...عمشه]

السلام عليكم

سمعوا السالفه انا عروس وما البس ذهب نهائيا وعايلتنا نهائيا ما يهتمون بالذهب ولا ينعرض يعني الذهب لتجوري وذخر للعروس
انا مو موظفه والذهب ذخر وحرام يجي المهر اقطه على جناط وخرابيط صح

ففكرت اشتري سبايك ذهب بدال لا اشتري طقم حاسبين علي المصنعيه ولي جيت ابيعه طاح نص سعره والذهب غالي هالايام
والسبايك ما عليها مصنعيه يعني بس بالغرام يعني مو ضايعه الفلوس فيه

شرايكم؟؟

 

[كول سلو]

رد : سبايك الذهب

والله السبايك حييييييييييييل بتفيدج ولابغيتي تبيعين ماتتحسرين لان الذهب نحطه بالكبت وكلش مانلبسه

 

[الليدي...عمشه]

رد : سبايك الذهب

تسلمين يا قلبي


وباقي البنات نبي تفاعل بعد

 

[@Miss Dio@]

رد : سبايك الذهب

بس الذهب غالي حيل حبييتي واصلا قاعد ينزل شوي شوي اول الجرام ب 3 دنانير هالحجي من سبع سنين وانا لما كنت عروس كان الجرام ب 6 و7 والحين 10 دنانير الجرام يعني واصل الذروه حطي هالنقطه ببالج
انا اهم شي ان البنت بجهازها تاخذ اللي بخاطرها فيه لأن هالمرحله من احلى ايام حياتها

 

[[[ عيون جابر ]]]

والله كيفج بس الذهب نااااار صاير بس لأنج عروس مجبوره تشترين

 

[الليدي...عمشه]

رد : سبايك الذهب

بسبه غلات الذهب فكرت بالسبايك

يعي اقول لو حاطه 1000 دينار
1000 راح تجيبلي طقم واحد ناعم << هذي لو نزل الذهب وجيت ابيعها راح تجيبلي 500 دينار واقل
بس راح تجيبلي 100 غرام سبيكه وحده <<سعرها فيها بس راح اتاثر تاثر بسيط اذا نزل يعني على حسب الغرام

شرايكم ايهم احسن

 

[الليدي...عمشه]

رد : سبايك الذهب

اب اب اب

ابي شوركم

 

[ام عفراء]

أنا من رأيي خير الامور أوسطها
يعني لا تشترين كله أطقم ولا يكون كل فلوس الذهب سبائك ماتقدرين تلبسين شي منهم

يعني أخذي لج طقم واحد ذهب والباقي أخذي فيهم سبائك
عشان ماتخلين بخاطرج شي

 

[KOKO_284I]

رد : سبايك الذهب

عين العقل حبوبه

 

[بنت النوخذا]

نصـــــــــــــــــيـــحه

سعر الذهب ( الاونصه او السبائك ) الان جدا عالي
و ممكن ينزل بين لحظه والثانيه او تكون موجهه تصحيحه
قويه فه سوق الذهب و التجارة فيه جدا خطره
وممكن ما تاخذين سبائك
ممكن تاخذين ليرة رشيديه ( عصمليه )
ام خمسه تاخذين بعدد معيين لقيمه فلوسج
وكل ما احتجتي تبيعين وحده
او ممكن سبائك بس لا تاخذين كبار حييل
اخذي من امهات 50 غرام
و خل افيدج بشغله ؟؟؟؟؟
لالا تشترين سبيكه مو مغلفه في غلاف بلاستك
مال غرفه التجارة
لانه السبيكه اللي مو مغلفه سعرها اقل





واذا قصدج الاستفاده من المبلغ .... خليه وديعـــه اضمن


بالتوفيييييييييييق يا رب للجميع


:001::001:

 

[راعية الطيارة]

ليش تفكرين بالبيع و انتي توج عروس حبيبتي اخذي طقم استانسي و اكشخي و مو مشكلة لو بعد جم سنة بعتيه باقل

السبايك حق وحدة عندها فلوس زايدة و تبي تحفظهم او تشتريهم وقت رخص و تحتفظ فيهم ليما يغلا السعر تبيع لكن الحين السعر غالي و هذا مهمرج مو فلوس زايدة
اذا خاطرج بسبايك اخذي بس مو كل مهرج .

بالتوفيق و الله يسعدج و يهنيج .

 

[غلا الروح0]

رد : سبايك الذهب

ليش تاخذين سبايك وماتلبسينهم وكل سنه لازم اطلعين زكاتهم حبيبتي طقمين فظه تقليد الماس والباجي حطيه وديعه احسلج

 

[ملاككك]

ما ايد فكرتج

 

[ملح الدنيا فيني]

طقم ذهب

والباجى سبايك