ساندويش البريوش بالدجاج لذيذ ومن تصويري

[RoOoz]

بسم الله الرحمن الرحيم

السلام عليكم ورحمة الله وبركاته

شلونكم حبيبات قلبي يا عســــــــــــــــاكم دوم بخير

صورت لكم ساندويش البريوش اللذيذ بصراحه على الرغم من انه ساندويش الا انه يعتبر وجبة رئيسية بالنسبة لنا


المكونات :

صدور دجاج او دجاج مفيوح ومنزوع الجلد والعظم ومقصص صغار او تفتفتينه
بصل بكمية كبيرة نفس الحشو
فلفل بارد مكعبات
حزمة بقدونس مفرومة او كزبر اللي متوفر عندج
مايونيز
جبن كرفت
ساندويش البريوش الكبير انا افضل نوع ( لاباريس )
كمون
كزبر
فلفل اسود
كركم

الطريقة :

نقطع البصل صغار مكعبات ونحطه في المقلى من غير زيت ولا شي كأنه بنسوي حشو العيش

نحمس في البصل الى ان يوصل لونه البني وبعدها نضيف له الزيت ونحمس شوي ونضيف الفلفل البارد

نحمس نحمس لغاية ما يذبل الفلفل ابارد وبعدها نضيف الدجاج المفيوح والمقطع على البصل والفلفل
طبعا وراها نحط بهاراتنا اللي اهي الفلفل الاسود والكمون والكزبر والكركم ( لا تحطين ملح لانه للحين عندنا جبن كرفت )

بعد ما حمسنا وخلطنا عدل خلاص نضيف البقدونس بهذا الشكل

نخلط البقدونس شوي بس وبعدها نترك الخليط شوي يرتاح ونضيف عليه ملعقتين مايونيز كبار وملعقتين جبن كرفت كبار او على حسب الكمية اللي سويتيها
يعني الدجاجة الوحده عليها ملعقتين مايونيز وملعقتين جبن كرفت
مالكم شغل بالصور لانها كمية كبيرة لانه لما اسوي يكون لاخواني وريلي تقريبا اربع دجاجات لانه كل واحد تبارك الرحمن يحجز له بريوشه بروحه :jbdwjbd:

نخلط عدل ونروح الحين حق البريوش نفتحها بالنص وندهنها بجبن كرفت من الناحيتين عرفتو الحين ليش ماحطينا ملح لانها متروسة جبن كرفت ( على حسب لو تحبين جبن وايد او شوي بس حلاته لما يذوب الجبن )

وبعدها نحط من خليط الدجاج ونسكرها ونقصها مكعبات تقريبا تصير 8 قطع ونرش عليها جبن موزاريلا وندخلها الفرن لمجرد انها تسخن ويذوب الموزاريلا

وهذا شكل الطبق بالنهاية بس بصراحه اللي لحقت عليه من ورى اخواني وانا معاهم :eh_s(22): نسيت اصوره وهو طالع من الفرن خفت الهى بالتصوير وياكلونه عني :eh_s(9):

وتسلمون على طولت بالكم ومتابعتكم
اختكم ام خالد

وحياكم الله

 

[لحظة لقاء]

الله بريوووووووووش امووووووت عليها

تسلم ايدج يالغاليه

 

[اميرة المحبة]

تسلم الايادي يا ام خالد وهالطبق الكل يحبه

 

[versace]

yeslamoooo

 

[RoOoz]

الله يسلمكم يارب من كل شر

اسعدني مروركم الغالي

 

[sweet.girl]

تسلم اييدج على الوصفه الحلوة

 

[marshmelo0o]

تسلم ايدج طبعا البريوش لا يقاوم واي شي تحطين فيه يطلع لذيذ

 

[شوقي وغلاي]

رووووووعة هالطبق وما ينشبع منه وما تزهقين من طعمه ..... مشكوووووووووورة

 

[جارة القمر]

مشكوووووووووووره

 

[CUTE ENGINEER]

ما شالله شكله

روووووووووووعة

تسلم إيدج

 

[مجنونة بس عاقلة]

تسلم الأيادي

 

[قطوة@@]

يمي يمي

شكله يشووق
مشكوورة

 

[Snow angel]

شكلها يشهي تبارك الرحمن

يسلموووووو هاليدين ياقلبي

 

[Anestazya]

امممممممممم يشوووق

تسلم ايدج

 

[RoOoz]

الله يسلمكم من كل شر يارب
اسعدني مروركم العطر

 

[RoOoz]

تسلمون حبيباتي لا خلا ولا عدم
يسلملي هالمرور العطر

 

[RoOoz]

الاروع مروركم الحلو ياقلبي تسلمون

 

[*جـــودي*]

يسلموووو حبيبتي ماقصرتي ..

 

[[كـالا]]

طريقتج غير طريقتي

شكلها يمي

أكيد بجربها .. ريلي يموت على هالسوالف

تسلم ايدج وبالعافية عليكم

 

[cat_women]

يمي يمي
تسلم ايدينج