سامعين بشبكة" دزلي" للرقم الثاني؟؟

[somebody]

السلام عليكم يا أحلى بنات.. انا ودي أعرف عن شبكة دزلي ، صار لي فترة يدقون علي من رقم غريب 22257777 و مرة جربت ودقيت على الرقم فرد علي الانسر مشين وعرفت انها شبكة دزلي، وبصراحه أول مرة اسمع فيها .. ياريت اللي تعرف شي عنها تفيدني بليييييز

 

[قوطي نيدو]

شنو هذي
حطي بالج ترى في شركات يسحبون رصيدج

 

[INFINITY]

اي هذي هابينلج فيها هبه حق الدقاات

يكون لهم جنه رقم ثاني وهمي و يدقون منه و عادي و يقدرون بأي وقت يكنسلونه

 

[somebody]

انزين يصير نستخدمها دولي ولا بس داخل الكويت؟؟

 

[al_sadeem]

هذا موقعهم

http://www.dizlee.com/secondNoServiceData.do

 

[Dandona]

لاتردين عليهم ترى يحسب عليـــج

هذا ياطويلة العمر خدمة من الاتصالات زين هذي قدييييييييييييمه بس مو معروفه حيل

انا سامعه فيها اكثر من ثلاث سنين وسجلت فيها سمعت اعلانها بمارينا اف ام وعقب صار برمز بسيط الرسوم

يصير لي خط وهمي واقدر اتصل على اللي ابيه بس ماأضاايق العالم لا مايصير لان راح تتحاسبين ويطلعون رقمج

بس ترى لما يدق عليج هالرقم يقولج في شخص يتصل بك ورقمه الوهمي كذا كذا كذا ويتكون من خمسه او ست ارقام ويحق لج تقبلين المكالمه او لا

اتمنى اني افدتج

 

[INFINITY]

دزلي مالها شغل بزين

للكل

 

[آلسحرآلحلال]

هاذي .... عشان تسوين لج رقم وهمي عشان اذا بدقين على احد وماتبينة يعرف رقمج الصجي ... ويصير رصيد المكالمة علية مو عليج...

اذا انتي مشتركة ....


بس وايد ناس استخدومهااا بشغلات مو زينة يعني يدقون و يأذون العالم وحتى لو شكيتي مراح يسون لج شي ينطرونج اسبووووع واكثر

 

[جماااانة]

اي انا عندي رقم وهمي من هالشركة

بس صج مرة دقت علي وحدة تستهبل بس اللي طالع رقمهاا الوهمي شنو كانت اذية وقليلة ادب :eh_s(14):

نااس فاضية ماعندهاا شغل تقولي انا لقيت رقمج الوهمي عندي وحبيت ادق اشوف منوو بالله شرد عليهاا قتلهاا وبعدين يعني شنو المطلوب مني ؟؟؟؟؟ قالت ولا شي منو انتي قتلهاا وانتي شكوو :eh_s(14):

وبعدين استوعب ان رصيدي راح فصكيته منهاا ورجعت تتصل يووم كامل بعدها ملت وما اتصلت :eh_s(6):

لا وشكلهاا صغيرة لان معاهاا وحدة يمهاا تتكلم باين من اصواتهم صغاار


والله هالخدمة حلووة وموو حلوووة

وبس ادري قرقت اشكثرر

 

[S.O.S]

ايه اعرفه .. بس هم بعد يصير تتصلين من غير ما تسوين اشتراك .. بس شنووو .. عقب ما تخلصين المكالمه ..يدزون مسج للرقم اللي دقيتي عليه بالرقم مالج ..
هذي انا قبل مخليتها للطوارئ .. اذا فلست وما كان عندي رصيد
اذيت امي وابوي فيها لوووووووووووووووووول >> لدرجه ان ابوي صار يرفض المكالمه .. مسكين لاعت جبده هههههههههههههههه

 

[somebody]

مشكورين يا حبيباتي على الردود
الله يعطيكم العافية