سالفه التوجب

[امنيه]

السلام عليكم
ابي اناقشكم على سالفه التوجب

الحمدالله الله رزقني ورحت الحج هالسنه وكان كل شي اوكي ما امدح روحي انا واعوذ من كلمه انا اوجب بنات القسم ورفيجاتى من ولادتهم ولما احد فيهم يسوي عمليه يعنى ما اقصر معاهم خصوصا مع رفيجاتي بالدوام
اللى حز في خاطري في منهم حتى مسج ما دزوا لى ولا تحمدوا لى بالسلامه ومع منو مع اللى اعزهم حييل
انتو لو مكانني ما تتضايقون حتى قطيت نقزه على غشمره مع رفيجتي الثانيه علشان توصل لهم ان انا ماخذه بحاطري عليهم
حتى مو عارفه اذا اعطيهم صوايغ او لا لان حاسبتهم

ابي رايكم

 

[∫ ∫ ∫ ∫ جــوان ∫ ∫ ∫ ∫]

اول شى الحمد لله على سلامتج وتقبل الله طاعتج

وبراييى دام انج ما تقصرين واهم ما دزو حتى مسج خلاص انتى لا توجبينهم مره ثانيه

وبالنسبه للصوايغ جيبى جركل ماى زمزم واذا معاه تمر او شى وحطيه للقسم للكل واحتسبى اجره على الله

 

[Q8.Bee]

رد : سالفه التوجب

وعليكم السلام و الرحمه

تقبل الله طاعتج يا الغاليه

رايي عطيهم الصوايغ و على قولتهم خجليهم بالطيبه

و عامليهم بما يرضي الله ..

و بالنهايه القرار لج

موفقه حبوبه

 

[*ريما*]

رد : سالفه التوجب

خلاص الي يوجبك وجبية
وبانسبة للصوايغ عطيهم دامك حاسبتهم

 

[A L L U R E]

رد : سالفه التوجب


خلاص لا توجبينهم مره ثانيه موكفو هذول ~

 

[شووكولاته]

ياعمري انتي جايه من الحج

تقبل الله طاعتك

سوي خير وقطيه بحر ماتدرين شنو ظروفهم

 

[امنيه]

صح كلامج شوكلاته لدرجه وحده منهم مكتبها مقابل مكتبي وعلى طكول معاي ما توقعتها جذى ودي اتشرهه عليها

 

[امنيه]

شدعوه من 20 بس 6 اللى ردوا

 

[روح امها]

الحمدالله على سلامتج
وتقبل الله طاعتج

صح انا معاج هالشي يضايق
بس شنو تقولين في ناس مو كفو

عطيهم الصوايغ وخليها على الله
صيري انتي احسن منهم

 

[super.cute]

رد : سالفه التوجب

انا اقوول اللي ماوجبج لا توجبينه مره ثانيه --وبالنسبه للصوايغ--عطيهم وكسري عينهم دامج ناويتهم لهم--ولج الاجر فيهم

 

[**تاجر الزين**]

تقبل الله طاعتج

احرجيهم و وزعي الصوغه اللي جايبتها لهم عشان يحسون على دمهم

 

[كويتية و عتيبية]

رد : سالفه التوجب

تقبل الله طااعتج والحمدلله على سلآمتج..

صج يحز بالخآطر بس انتي سووي اللي عليج وخليج أحسن منهم رآح ينقدوون على انفسهم مع الوقت ..

 

[منطوق الغلا]

رد : سالفه التوجب

تقبل الله طاعتج الغلا الحمدالله ع سلامتج


كوني انتي الاحسن واسبقيهم بفعل الخير ع الاقل انتي بتاخذين الاجر الغلا



الله يعطيج ع قد نيتج يارب

 

[گـحِـلْ |~]

رد : سالفه التوجب

,

الحمد لله على سلامتج وتقبل الله طاعتج
عطيهم الصوايغ وكأن ما في شي ,
هم بنفسهم راح ينقدون على نفسهم ويحسون .

,

 

[بواسم]

حج مبرور وذنب مغفور وبما انج حجيتي لازم تبدين حياة جديده

انتي عطيهم الصوايغ ومرة ثانيه لا توجبينهم وهم راح يفهمون

والاجر لج

 

[بعد عمري]

هلا حبيبتي حج مبرور وذنب مغفور إن شاء الله
قلبي انتي ياية من الحج ماعلي خلج انتي احسن منهم ودامنج يبتيلهم صوغة خلاص عطيهم ترة صدقيني اهمة اللي بينحرجون منج لانهم ماسئلوا عنج ولا تحمدوا لج بالسلامة وانتي تذكرتيهم

 

[مربى و قيمر]

رد : سالفه التوجب

اتقبل الله طاعتج وحج مبرور وذنب مغفور
ان شاء الله
الحين طاف
الى وجبج وجبيه ولاتقصرين معاه
انا حاسه فييج لانها صارت لى

 

[LaLi chocolate]

اول شى تقبل الله طاعتج وانشاءالله حج مقبول وذنب مغفور


انا من رايي انج وايد متضايقه وشكلج وايد تعزينها وانا لو منج عادي اعطيها الصوغه واشره عليها علشان لا يكون


بقلبج عليها شى واهي ما تدرين شنو ضروفها قوليلها وشوفي حبيبتي .

 

[مجبوس]

رد : سالفه التوجب

الحمدلله علي السلامه وتقبل الله طاعتج


ماادري شالاوادم اللي توجبينهم وتحشمينهم واهمه ابد عمك اصمخ لا حيا ولا مستحه وانا حاسه فيج بس انا علي ولادتي

وما توقعت بعد من ناس وايد اعزهم :0bee2e8d89: المشكله انا احنا سنعين وانحسب الناس كلها مثلنا


:denya:

ونصيحتي لج صيري احسن منهم وديلهم صوايغهم وتشرهي عليهم عادي طلعي اللي بقلبج وقولي ولو انكم ماوجبتوني

بس انا بسوي بأصلي ييبيها علي ضحك وانتي اتبردين جبدج فيهم نغزه خفيفه :eh_s(4):

 

[Tom ♥ Jerry]

.



وآيد ناس جذي
مو كل الناس تعرف الوآجب نفسج يا الغاليه : ) !
لو كل الناس مثلج جان الدنيا بخير

لا تحطين في بآلج انا قبل كنت اتضآيق نفسج
آمآ الحين الي يبي ايي و يوجب على راسي و الي مآ يبي هم على راسي : *
مآكو وقت حق الشرهه


طنشي عشان تعيشين