سالفتي مع خدامتي اليوم

[مناير خزنة التاير]

صباح الخير يا ويه الخير

لا خلا و لاعدم من كويتيات و عضواته :eh_s(7):



هندية / ماعندنا شغل زايد عندي بنت وحده وانا مجابلتها ما تطبخ يعني تنظيف و غسيل و بس و طبعا مو كل يوم !

السالفه ان المحروسة قوية باس .. و علي بو انا صغيره علي بالها بتمشي كلامها

الله يسلمكم بين فتره و الثانية تعفر لازم تنزف و تمشي سيدة
طبعا 6:30 تنزل تزهب ريوقنا حق الدوامات و بس كل من يروح بطريجه
وبليل جدا جدا عادي 6 المغرب اهي صاعده ولاا شوفها الا ثاني يوم
نادري جدا تتاخر بنومتها الا اذا كنت معزومة طبعا اكون منومز بنتي و طالعه واهي وظيفتها تطالع التفزيون

اليوم

عطيتها امر زايد انها تقشرلي افندي حق الدوام عن الريحة ..
المهم
بدلنا و خلصنا و قعدت انطرها لين تييب جنطة بنتي لانها ما زهبتها .. جان سالتها حطيتي الريوق قالت اي و حطيت تفاحة قلت ليش انا مصويتج افندي ( لان لذيذ و وقته ) جان تقول انا اسوي 3 ريوق و قشرت لج افندي و ابدل بيبي !!!!!!!!!!!!!!!! قلت اوكي باجر تعالي الساعه 6 .. و مشيت جان تتحلطم بصوت عالي انا ايي الساعه 5 ماكو مشكلة
جان اصير :rgewrg::rgewrg::rgewrg::rgewrg:
جان ارد اقول لها شقلتي قالت روروحي روحي مع نظرة يعني فكيني
جان تقول انا زينة وهوالت الهنود .. جان اقول لا حبيبتي انا الزينة اذا مو عاجبج روحي زهبي اغراضج الحين تسافرين
جان تقول لا ما اسافر توديني بيت ثاني قلت لها حريمتج
تخيلوو تقولي طقيني بعد طقيني و تخزني بتحدي جنها المدام مو انا !!! :eh_s(14):

و ريلي واقف ولا احترمته تسكتني و تكلم تقوله لا ما تسفرني :rgewrg:

وايد عصبت خذيت بنتي و طلعت و قلت مابي القاها بالبيت

انا اقول اهي الظاهر وراها شي شايفه لها بيت ثاني بس ماراح تلقي بالراحة اللي عندي

شوروا علي شسوي معاها ! ابي اقرصها ! ابي تتادب ! اهي صار لها عندي 3 سنوات

 

[دار الإبداع]

الله يساعدج عليها

 

[eman12]

هذه قديمه ومتمرده الله يعينج اشلون الجديده
الله يعينا علي الخدم
حقريها
واذا افتحت الموضوع بردي قلبج معاها

 

[manoooram]

امبيه صدمتيني
وقحه والله وعينها قويه
حقريها وخلي بنيتج عندج وان مصختها لا تقعدينها
دايركت طقي تذكرتها وخلتولي ولا لا قدر الله تسوي فيكم شي

 

[شذى الدعوه]

الخدامات كل ماطولت عندج لازم تنحاس بالاخير حدها سنتين وجيبي غيرها
بس بدون زعل
الهواش كله على تقشير برتقاله والله ما ادرى شلون تاكلينها من ايدها تقشرها وايدها تبتل منها وتاكلينها

قلنا نعتمد على الخدم بس مو لهدرجه لاتزعلين منى الكسل موحلو

 

[سلاسل ذهبيه]

الخدامات كل ماطولت عندج لازم تنحاس بالاخير حدها سنتين وجيبي غيرها
بس بدون زعل
الهواش كله على تقشير برتقاله والله ما ادرى شلون تاكلينها من ايدها تقشرها وايدها تبتل منها وتاكلينها

قلنا نعتمد على الخدم بس مو لهدرجه لاتزعلين منى الكسل موحلو

صاجه شلون تاكلينها وحتى لو كميه كبيره بتاخذينها لدوام المفروض تقشرينه انتي لان مو كل الناس تتقبل تاكل من ايدي الخدم والخدامه اذا امرتيها لشي تافه تحقد عليج

 

[انسام الكويت]

نفس ردود الخوات بخصوص الافندي اذا ريحته قويه لبسي قلوفس الشفاف حق الطبخ وقشري وخلصي وقطي القلوفس وغسلي ايدج لا ريحه

ولا شي وبعدين لمن تراددج وطالع بنظره حاقده مفروض ريلج يزفها ويأدبها ترا الخدم يخافون من الرياييل وتتوب عن سوالفها لكن مايتقبلون من المراه انه

تصارخ غليها وتزفها وغيره تحقد وتشيلها بالقلب عموماااا انتي قدمي طلب خدامه ولمن تيي اللي قدمتي عليها حزتها سفروها واذا تبي تشتغل بيت ثاني

ودوها بيت ثاني واخذوا فلوس تفيدكم وايد ابرك من غثاها

 

[عتآق الخيل]

الله يعينك
مشـآكلهم كثرت وصاروا يخوفون سفريهـآ اريح لك
والله يستر عليكم منهـآآ .~
​

 

[باقة ورد]

عادي خل تقشرلها الافندي مع الدسوس شنو المشكلة من زود الشغل اللي عندها صج خدامتج وقحة بس دام محتاجتها طوفي لما تنتهي مدتها ترى كل الخدم الحين صايرين جذي

 

[أمـ مبارك]

امبيه صج السالفه موصج

عشان قشر برتقاله كل هذا ؟؟ وبعدين الافندي ماكو ريحة لو بصل شلون ؟ ؟ ؟ ؟


وشلون تاكلين من ايدها فرضا ايدها وصخه او مسويه شي ماينقال عليهم


والسالفه عادية سكتي عنها ويومين راح تمشي اوكي


والهنديات استغفر الله بس للسان والمرادد جاهزات ومايخافون الا من الرجاحيل لو زوجج صارخ عليها احسن


واذا عارفه شغل البيت لاتسفرينها وولا شي سكتي عنها

 

[مناير خزنة التاير]

حبيباتي علي سالفه الافندي .. مو عشان انا كسولة او ربايدية لا والحمدالله قايمة بشغلي
لكن صارت عرض ذاك اليوم :eh_s(1):

اهي حتى ريلي ما هابته واهو واقف جدامها !

 

[ناتشوو]

انا لو مكانج
اقلعها
عاد براحتكم
مكتب او تسفرونها
يعني اتحمل
غباء
كسل
بطء
تقعد متأخر
بس
تحط راسها براسي
ولا حتى تخاف من زوجي

وانت شغلج خفيف
وبنوتتج
مالها شغل فيها
خلاص
اعتمدي ع اللي يشتغلون بالساعات
وبنتج حطيها بحضانة
ولا تذلني خدامة

وسالفة الافندي غريبة عجيبة
انا استغرب من اللي يطلبون
ماي من الخادمة
بس تقشير الافندي جديدة علي

 

[متواضعة]

طنشيها حبيبتي الله يهديها لج يارب

 

[طاالبه]

يا مناير دام مثل ما تقولين صار لها

3 سنوات عندج ما قصرت صراحه

ومثلج عارفه الغربه بالنسبه للخدم

لها أثر نفسى فياليت تشوفين أهي

شنو اللى يريحها وتسوينه لها حتى لو كانت

تبي بيت ثاني تحققين لها رغبتها علشان ما تكسبين فيها أثم

وجزاك الله خير​

 

[نجمه444]

ياعمر ي بما انها تبي تروح خليها تروح خافي على بنتك الله يحفظها لك مشاكل الشغالات كثرت هالايام ويخوفون اهي نوت الزعل والا ما في زود شغل او تعب

 

[om MaRyooM]

3 سنوات وجذي اسلوبها ؟؟ ولا فجاة تغيرت ؟؟

غريبة والله


بس عالحالتين دامها بهالوقاحة علطول غيريها والله يعوضج اختي شتسوين
بالنهاية عندج طفلة ! تخافين عليها

 

[PuPa^^SWeeT]

اولا كل هذا علي تقشر افندي


لو طبخة شتسوي عيل


لو سلطة


لو حمسة


بعد بتحلطم


وبعدين بنات اتقولكم بتطلع اكيد تبي ريحتها حلوة



بتقشر افندي مايصير

و الخدامة مافيها شي لو قشرت




ولا قصصت ولا طبخت



اهيا تعودت عالكسل فما تبي زيادة



و شكلها تبيج اتعصبين



طلبيلج خدامة يديدة من توصل



قلعييها بالمكتب و اخذي فلووسها




بعد هذا ابسط حق يكفله لنا القانون

 

[الكويت حياتي]

الله يحفظج منها وسالفه الخدم قديمه اغلب البنات استغنو عنهم الحين الكل هب بالشركات والله يعافي الحظانات افتكي ماراح تخلصين من بلاهم

 

[المهفة]

يبا خدامتج لقت لها بيت ثاني وضبطت امورها وباقي الهوشه
تهاوشت معاج بغض النظر عن السبب عشان تبلغج انها تبي تشتغل ببيت ثاني
سفريها بسكات

 

[شـيـوخـهـ]

الهنود جذي تعاملهم خصوصا لي طولت عندج تنفش ريشها

بس السبب انج مدلعتها ... تبين تقرصينها ردي البيت وكل يوم طلعي لها شغله

وسالفة النوم والرباده عندهم ... لي رديتي لا تخلينها تصعد الساعه 6 ليش ان شاء الله مدام تتفلسف على راسج

على الشغل الي عليها زيدي الشغل عليها هذا لو انتي تبينها لو ماتبينها قلعيها ماعليهم حسافه ماشفت الراحه الا لما

راحت خدامتي الهنديه قبل انا اشتغل عنها ويستعبطون وايد يوم يت اتسافر عشان تبيني اردها شفت نظافه وترتيب عمره ما مر علي

بثلاث سنين الي قعدتهم عندي ,,, كل يوم وانتي طالعه الصبح من الدوام عطيها شغله تسويها جايده ولي رديتي شيكي سوته ولا لا

وبنفس الوقت كلميها بنفسيه ولا تعطينها ويه لين تتعدل عقب ردي لاسلوبج الي قبل