سالفتي مع اول تجربة حمل

[fatma q8]

السلام عليكم
هذي أول مشاركه لي بس كنت وايد استفيد من هالمنتدى الي ما شاء الله كل شي في .
والحين ببدي السالفه ​

انا اخر دورة لي كان تاريخها 1/2/2011 وشهر 3 حللت وقالولي حامل بس من مراجعاتي وبالاسبوع السادس تحديدا قالولي دار الشفا ان الجنين مافي نبض بس احنا نحتاط تعالي بعد اسبوعين وبعد اسبوعين لغو موعدي ورحت عن د. نجيبة القطان قالتلي ان الجنين بينزل واصل عنق الرحم وعطتني احبوب المهم بعد اسبوع رحتلها قالتلي في بقايا خل انسويلج تنظيفات طبعا انا تصروعت مابي عملية كله حمل شهرين وقبل يوم العملية بيوم سبحان الله نزل علي دم وقطع ورحت مستشفى الصباح سوولي سونار داخلي وقالو الرحم نضيف بس في بقايا مشيمية بعنق الرحم وعطاني الدكتور احبوب ميثرجين و بونستان وقالي الدم يستمر 7 تيام والحين انا اليوم السادس والدم بس خف اشوي ؟؟
فيا حبابي ابي اعرف من خبراتكم ؟
جم يوم يستمر الدم بعد الاجهاض بدون تنظيفات ؟؟
وليش يعطون بونستان مع الدوا هل لانه ينشف الدم حسب ما سمعت ؟
وعند منو اسوي تحاليل الاجهاض اذا تعرفون دكتورة زينه ومو ماديه؟
أدري فيكم ما تقصرون معاي:yaaaaaarb:​

 

[انا حبه للابد]

للرفع

 

[فرفشه منعنشه]

حبيبتي ماعندي اي خلفيه بس الله يعوضج انشالله ويرزقج الذريه لاصالحه

 

[fatma q8]

مشكورة وماقصرتي عالرد بس انشا الله البنات الي عندهم فكره يساعدوني​

 

[زين ودلال]

الله يعوضج ويعوضني معاج ان شاءالله

انا دم الاجهاض نزل بس 7 ايام يعني اليوم الثامن طهرت

اجهضت وفترة الحمل شهر بس

وعن التنظيفات والحبوب كلش مادري لان ماسويت

 

[bloody a]

الله يعوضج انشاء الله ويرزقج بالذريه الصالحه
بصراحه انا نفسج بس كنت بالاسبوع الثامن وماسويت لا تنظيفات ولا خذيت حبوب
امي وخالتي يابولي ادويه من مادري وين لهوم و رشاد وحلبه
و١٠ ايام وطهرت بدون التهابات ولاشي بالعكس رديت احسن من اول وتقوى جسمي وطبعا التغذيه كان لها دور

 

[bloody a]

ايي صج وعلى الدكاتره
رحت دار الشفا وما غشمروني سيده يوم شافو ماكو نبض قالو تنظيف جان انحاش
ورحت حكومه قالو سوي تحليل جان انطر وطلع هرمون الحمل وايد نازل واصلا كان الجنين طايح قبل لا احلل بس ماكنت متاكده
جان اكشت بموعدي الثاني و عالجت نفسي بالبيت لا طبيب ولا غيره
بس اهتمي بنفسج و تدفي عدل ولا تطلعين ليما يرد روعج

 

[janoona]

مادري والله ماعندي خبره بس ان شاء الله الله يعوض عليج يارب

 

[سموره 87]

انا مسويه تنظيفات مانظف رحمي الابعد 20يوم

 

[××بنت الشيوخ××]

الله يعوضج يارب

 

[fatma q8]

مشكورين وماقصرتوا عالردود بس أنا من الي قريته بالانترنت انه الي اجهضت مثلا وكان حملها شهرين وماسوت تنظيفات احتمال اتشوف الدم 40 يوم مثل النفاس , أنا من جذي رحت حكومه خفت الخاص يبون افلوس من جذي يقولون تنظيفات على طول
بس محد نصحني اسوي تنظيفات قالولي كل شي راح ينزل و واذا ما نزل ينزل بالدورة اليايه سمعتو من هالكلام من قبل ؟؟؟​

 

[موجة ~ بحر]

الله يعوضج خير

 

[نـعـومـه]

يمااا انا بالاسبوع السادس وماكو نبض والدكتوره تقولي تعالي بعد اسبوعين عشان نسمع النبض لان النبض يبين من السابع مو السادس :/

لايكون يصير فيني اجهاض

 

[fatma q8]

إنشا الله ما يصير شي بس انتي لا توسوسين أنا كنت 6 ونص وماكان في نبض عطتني مهله اسبوعين لانه قالتلي احتمال الحمل صاير آخر الشهر بس سبحان الله طلع ميت​

 

[عبث طفله]

الله يعوضج خير يارب ..

والتنظيفات انحاشي عنها .. اشربي القشعه ترى وايد زينه موجود بالعطاره ...

 

[Lorda]

اول شي الله يعوضـج ان شاء الله

--

وبعدين لا تخافين ترا الاجهاض شي عااادي
والدم شي طبيـــعي ،، لا تشغلين روحج بشكثر راح يتم ينزل عليّ

ولا تسووين تنظيفات ، البيبي صغير والرحم راح ينظف مثل ما قالولج مع الدورة

انا كان لي حالة اجهاض قبل حملي الثاني
ماذكر شكثر تم ينزل عليّ ،، بس طــوّل شوي :_(

و هم دورتي عقب الاجهاض كانت قويـة وينزل وايد
وانا كنت اكثّـر من الاعشـاب عشان انظف اكثــــر

---

فـ عليج بالاعشاب كثر ما تقـدرين عشان تنظفيـن
ودورتج اللي عقب الاجهاض ، هم كثري فيها من الاعشاب عشان رحمج ينظف

وان شاء الله اذا اكو دورة وحدة عقب ووراااها ماكو لي 9 شهوور )

----

ولما يموت الجنين خصوصا بأول 3 شهور
يكون خيــرة ... و رحمة من ربج
يا ان يكون الجنين فيه عيب أو الكروموسومات فيها شي غلط أو الحيوان المنوي والبويضة فيهم شي

بكل الحالات كل شي يصير خيـــرة وحمدي ربج عليها
وبيعوضج خيــر عنه

 

[fatma q8]

الحمدلله على كل حال ومشكورة على الرد حبيبتي بس القشعه نفسها عشبة المدينه ؟؟​

 

[سوسو طوطو]

الله يعوضج حبيبتي
ما تدرين يمكن خيره
لا تسوين تنظيفات المثرجين يساعد على تنظيف الرحم و يطلع اللي باقي في الرحم تحسين زي النزيف مع تقلصات
ويعطون البونستان مسكن بس يعني ما ينشف الدم
عشان ما تحسين بالالم
وسلامتج حبيبتي ​

 

[*ريما*]

الله يعوضك يارب