سالفتي مع الشخصيه المشهورهــ ...............

[المسلقانة]

السلام عليكم ,,,,,,





بدخل بالموضوع ع طول ... الله يسلمكم كانت لي معامله عند الوكيل في وزارتي واقفه و دخلت ع الوكيل و شرحت له وضعي و مو راضي يوقعها لي ان و طالعه م مكتب الوكيل شفت احدى الشخصيات المعروفه عند باب الوكيل ... ف كلمته ع موضوعي ع اساس يتوسط لي عن الوكيل ... و ما قصر قال عطيني اسمج و اكلمه الحين انا بدش عنده الحين ... و كلملي الوكيل و قالي اوووك معاملتج عنده و بيعيد النظر فيها قلت له اووووووووووك متى يعتمدها لي الوكيل قالي هاليومين ... و قلي بلغيني شيصير معاج و عطاني رقمه الخاص ... و رحت شيكت مع مكتب الوكيل ع معاملتي بعد يومين و لقيتها موخالصه ... ف دقيت ع الريال وسلمت عادي وو بكل احترام كلمته بس من بين كلامه قالي مرتين (((حبيبتي))) و قالي اخر شي عيوني لج ... و انا حدي منحرجه منه ومن كلامه ... و الصراحه انصدمت حييييل ... مدري انتوا اشرايكم ؟؟؟ هل تحسون الوضع طبيعي او في شي غلط ؟؟؟ لأن انا يعني اسلوبي حدددددددده محترم معاه و انا بطبهي حيويه مع الرياييل و حتى شلونك شخبارك ما قلت له ... لأني مو متعوده اسولف مع الرياييل كلللللللللللش حتى اللي معاي بالدوام ولا بيني و بينهم سلام كلللللللللللش ... و حتى شكلي و لبسي محتشم حيييييييييييييييل ... انتظر ارائكم​

 

[Arabian Beauty]

حبيبتي هذا شكله مو ناوي خير ويبي يستفيد منج باي شي علبو ان خدمتها وماراح ترفضلي طلب

واكيد اذا شافج ساكته عقب هالكلام اللي قطه راح يعتبرج راضيه بهالكلام وبترضين باشياء ثانيه انتي تعرفينها

انا اقول توكلي على ربج و اهو اللي بيمشيلج المعامله مو فلان وعلان واخر شي وراها مصلحه مو لله .. وخلاص خليه يولي ولاتدقين عليه و لاتردين على اتصالاته اذا دق مبين هذا واحد يبي يلعب وقال خل استغل الفرصه .. توكلي على ربج وانشالله بتمشي معاملتج غصبا عن الوكيل اذا الله كاتبلج بس لانزلين من نفسج ومن سمعتج عشان واحد مبين يبي يستغلج

والله يوفقج

 

[.،:"$الـعـوبــــة$":،.]

باب يجيك منه الريح سده واستريح
شنو حبيبتي ؟
شهالميانة ؟
لا ياقلبي الله لا يحدك عليه انشالله​

 

[الأمانة والصدق]

والله اهو مافي ميانه بينج وبينه بس الله اعلم بالنيات وماندري نيته سيئه ولا لأ بس خلي ابوج ولا واحد من اخوانج اوريلج يكلمه يكون احسن

 

[Little_Queen]

شوفي حبيبتي في ناس اهما متعودين اسلوبهم جذي

يعني لا تسيئين الظن الا اذا شفتي بعينج

اهو ما شافج غير مره و معامله رسميه

و شوف كل يوم مليون بنت و بنت

يمكن تعود على اسلوب الحريم و كلامهم

لا تسيئين الظن و في نفس الوقت كوني حريصه و اذا حسيتي ان اكو باب بيدش منه سديه
و مافي مانع انج اذا عندج مراجعه مره ثانيه او بتتصلين تخلين الوالد او اخوج او احد من الرياييل يكلمه احسن يعني

 

[أغلى حبيبه]

انتي غلطانه

ليش ماخليتي ابوج اخوج ريلج اي ريال يدق

بس شكله بيطيح الميانه

احسن شي ماادقين مره ٢

والله يسهل اموورج ان شاءالله

 

[G!RLooNa]

شوفي حبيبتي في ناس اهما متعودين اسلوبهم جذي

يعني لا تسيئين الظن الا اذا شفتي بعينج

اهو ما شافج غير مره و معامله رسميه

و شوف كل يوم مليون بنت و بنت

يمكن تعود على اسلوب الحريم و كلامهم

لا تسيئين الظن و في نفس الوقت كوني حريصه و اذا حسيتي ان اكو باب بيدش منه سديه
و مافي مانع انج اذا عندج مراجعه مره ثانيه او بتتصلين تخلين الوالد او اخوج او احد من الرياييل يكلمه احسن يعني

نفس رايها

في ناس اهما جذي طريقتهم حبيبي وحبيبتي و عيوني لج جم فلانه عندنا ههه يعني اهما جذي اسلوبهم مو قصد استغلال او شي..

واحد يصير لنا كان يشتغل بالاعلام و كان كله يشوف وحده فنانه معروفه اهيا حيييل طيوبه وعلى نياتها وكانت كل ما كلمته تقوله حبيبي فلان و تقول شنو تبي ولا السالفه خخخخ يعني كلش كلش مو قصدها حبيبي بمعنى حبيبي
لما اهوا قالها اخت.. ترا انا متزوج لا تقولين لي حبيبي ههههه مسكينه انحرجت وايد قامت تقوله اخ فلان لووول حتى مرته قالت له حرام عليك عاد فلانه حدها على نياتها عادي انا راضيه تقولك حبيبي هههه انا شكو قايله قصه حياتي مادري

المهم انه لا تسيئين الظن و تقدرين تعطين احد يكلمه مره ثانيه

 

[اميره1980]

الريال هذا ما تعرفينه اصلا ليش مكلمته عن موضوعج؟؟ علشان شخصية مشهورة بس؟؟ انتي اللي بديتي بالكلام وياه و اكيد على باله انج تبينه
لا تردين على اتصالاته و لا تدقين عليه

 

[شقاوه صمت]

امممممممم مادري انتي سالي عن اسلوبه اذا اسلوبه عفوي من غير قصد طوفي

بس اذا لا خلاص ويتق الله يجعل له مخرجا تركيها على الله


والله يسهل عليك

 

[هواجيس الفجر]

بناااااااات مثل ما قالو البنات في ناس جذي متعودين يعني انتي اخذيها بحسن نية

نفس دكتوري يقول للبنات حبيباتي يا بابا باباتي لووووووول يونس

بس ماادري بسالج اذا اهو رجال كبير بالسن يمكن نيته زينة و مو قاصد بس اذا كان صغير نوعا ما ماادري الله يعلم بالنيات
وانتي خلاص دام ماخلص معاملتج شكوو تدقين عليه اهو سوا اللي عليه و خلاص يعني فشلة مو مجبور فيج ولا تزعلين من كلامي اهو توسط لج و الوكيل و كيفه قبل الواسطة و لالا يعني ليش الاحراج

 

[المسلقانة]

و الله مدري شقوووووووووول ......!!!!
هو كبير بالعمر بالنسبه لي يعني فيه 48 تقريبا ... و بنته الكبيره اصغر مني بسنتين ... و انا مادقيت ععليه الا عشان يشوف معاملتي واسلوبي حددددددده رسمي معاه ... و الله اعلم بالنيات

 

[ترانيم القصيم]

سلامات يا أبو الشّباب ؟ وشهو حبيبتي خيـر ؟ لا يكون حنّا في باريس و إلا روما و الوضع فري ؟

ترانـا مسلميــن !!! حرام وش ذا الكلام !!

 

[ترانيم القصيم]

سلامات يا أبو الشّباب ؟ وشهو حبيبتي خيـر ؟ لا يكون حنّا في باريس و إلا روما و الوضع فري ؟

ترانـا مسلميــن !!! حرام وش ذا الكلام !!

 

[أحبه موت]

ما ابي اسئ الظن بالريال بس يمكن اهو متعود على حبيبتي وياعمري فا تلقينه مع الكل يتكلم جذي انتي للحين ماعندج دليل قاطع ان اهو مو زين
ثاني مرة ان حاول مني ولا مناك خلاص خليه يولي وباب يجيك منه ريح سده واستريح

 

[حبـ admant ـك]

المفروض ماتتصلين لاهو ابوج ولا اخوج ولا احد من اهلج
شلون تتصلين حق واحد غريب
الله يهديج

 

[حليبه]

ليش متصله عليه من البدايه

 

[دنيتى زوجي M]

احسن حل المره الثانيه خلى احد من اهلج يكلمه

لان سبحان الله انتى ماتدرين شنو نيته

حتى لو نيته صااافيه بس شنو حبيبتي وووين قاعدين مايجوز

 

[جوك احلى جو]

توني بقول خلي واحد من اهلج الرياييل يكلمونه افضللللللل

 

[دانة من البحرين]

والله مدري شقولج بس كنه مصخها وايد ما وراه خير خخخخخخخخخخخخخخ

 

[نـ(المطيري)ـازكـ]

انا اقول لاتسيؤن الظن ..

شوفي اخيتي يعني هالكلمات انا اشوف عادي والله اعلم بالنيات ..

يعني مرات الوحدة من كثر ماتقول ياعمري وياحياتي ويعيوني صار هالحجي لابد بكل جملة تقولها ..

سبحان الله يمكن يبي يبشرج او يبي يساعدج بهالاسلوب .. ماتدرين ..