سالفتي سالفة يا زمن تعالو ساعدوني يا خواتي

[ام عبداللـه]

السلام عليكم ورحمة الله وبركاته

بنات حابة ادخل بالموضوع لان الدنيا بدت اتصك فيني .. قصتي قصه ولو يصير سويت فلم عليهااا

بدايه القصصه..!

تزوجت من ثلاث سنوات عن طريق الاهل جو وخطبوني وللامانة كنت مترددة .. المهم تزوجت وسافرت ثاني اسبوع للعمرة مع خوات زوجي غصبن عني راحوا المهم.. بحاول اختصر.. سافرنا بسيارة انا وزوجي وسيارة حماتي الكبيره مع زوجها وعيالها اللي اكبر مني وحمواتي الثانيين بسيارة ثالثة..

سفرتي كانت اتعس شي بحياتي وكرهتني بالزواج لان خواته كانو ينامون بفنادق وانا ووزوجي ننام بالشارع نصفط السيارة وانام واسال ليش ماعندك فلوس انا اعطيك يقولي لا ماكو حجز كله فل انا كنت اصدق لدرجة اننا كنا بجدة وكانت الساعه 4 الفجر نحوس بالشوارع وكل ماقولة خل ننام يقول ادور علي فندق انا ماكنت ادري شالموضوع ولاكنت اعرفة عدل .. بالاخير صفطنا ونمنا بمسجد والله هذا اللي حصل الحين كل شي يهون عقب اللي بقوله الحين.. لما ردينا اكتشفت اني حامل صار لي شهر ولا ادري ..

بهالفترة نفسيتي تعبت وكان يطقني علي اتفهه الاسباب ويتهمني اني بعلاقة مع مسؤولي والله يدري اني شكثر متدينه واخاف ربي.. وبهالفترة كان لي 8 اشهور متزوجين وحامل بالشهر السابع ؟..كان بدال مايريحني ياخذني من المغرب نفتر بالكويت كلها لين الفجر اقسم بالله والكرسي هدني هد .. بالاخير يردني للبيت وزين اشوف طريقي.. مرة من المرات جيت من دوامي وقالي انزلي تغدي عند امي كنت حامل بالسابع .. قلت مالي نفس رفيجاتي مسووين بوفيه وكليت منه وبنام صعدت فوق .. اول مادشيت الا دازني بالارض ورفس وطق ويشيلني فوووق ويقطني تحت قمت اصارخ وجت خالتي وجو عيالها حمويني تخيلو من شافهم زوجي قام يستعرض قام يطق ويكفخ ويصلخ جلدي واهم متفرجين ملابسي تشققو جدامهم واهم ولاشي دقيت ع امي وجت خذتني تميت عند اهلي 6 اشهور عساس بتطلق بهالفترة كانو يتوسطون ويترجون الوالد بالاخير ابوي خذا منهم كلمه انهم لو يمد ايدة بتطلق .. ردينا لبعض بس طبعه ماتغير كان يطقني ليش اني ما اتابع افلام تركية كان يطقني ليش اني ما اتعشي اي سبب يطقني فيه وجدام اهله والخدامة ماكان يحترمني..

ولازلت حامل مراجعاتي انا لحالي اروح مصروف البيت انا كنت ادفعه عساس كان يقولي دور لي ودور لج بتقولون لي غلطانة صبرو ماشفتو المصيبة للحين..

المهم وجا يوم قلت بروح اتقهوي عند اهلي وارد رحت ومارديت لان قبلها طاقني عشان ولدي كان يبجي يبي حليبة وانا قمت اسوي له الرضعه قام علي يقولي انتي طاقته حسسني جني خدامته قلت يبا يبي حليب شكو اطقة .. قام شالني من السرير ورضخني بالارض كنت توني طالعه من الاربعين..
رحت لاهلي وطلبت الطلاق قعدت عندهم سنة كاملة بهالفترة اهو راح لدوامي وقام يتكلم بعرضي عند رفيجاتي وراح لمسؤولي وتهاوش وياه وفضحني جدام عدوي قبل صديقي.. غير عن هذا تكلم بشرف خواتي جدام ربعه وجماعته وفضحنا بالاخير جا لبيتنا يترجا ابوي المهم مارضي ابوي قال الشور شورها خلاص .. كل مرة يشوف ولده كان يطلبني وامي تشوفة وتقولة طلقها كان يبجي مثل الياهل .. ساعتها عرفت انه مريض نفسي واكتشف هالشي متاخر ماكنت ادري ان خواته لما جو يخطبوني ماقالو لي انا اشتغربت واحد عمرة 31 سنة مو متزوج وياخذ وحده مو من جماعته ولما امي سالت ليش مازوجتوة قبل قالت هو مايبي انا كان عمري 22 سنة ولا ادري شالطبخه .. اكتشفت انه مريض نفسي .. انتقلت من دوامي القديم ورحت للجديد وبمنطقة ثانية مادريت انه عرف مكاني شلون مادري وجاني للجديد وقام يبجي جدام المراجعين فضحني وانا مادري شسوي رحت البيت وقلت لاهلي طلقوني خلاص .. مرت سنة والله ولا شي تغير جني اكلم نفسي بس يواسوني ويهدوني بالاخير ابوي زهق من ولدي وقال ردي له ورديت وانا والله مو مسامحه الوالد .. الحين انا عنده .. اي نسيت اقولكم انا اشترطت ارد قلت ما ارد الا لما احاجي دكتور الخاص فيه وفعلا رحت انا وامي للطب النفسي وكلمنا الدكتور قال يبي له 3 اسنين عشان يتعالج والحين رديت صار لي شهرين والله تعبت معاه للحين مريض وللحين اعالجة اهله الحين ينتقمون مني اي عزيمة اي مناسبة اقعد وياهم يحطون علي نغزات وسوالف مع ان اكبر حماه عندي كبر امي وكلهم كبار محد قدي .. ساعدوني والله اخاف علي نفسي وولدي وخدامتي ..

حمل ماقدر احمل اخاف ع الجنين يتشوهه من حبوبة انا قبل يومين انطقيت منه وابوي مفهمني واخوي مفهمني انسي ترجعين لنا انا شسوي الحين ساعدوني ترا في تفاصيل ماقلتها طويله وخفت تملون

وسامحوني ترا ملخبط كلامي

 

[ام عبداللـه]

انا قاعده ادعي واحتسب اللي يصير لي اجر من الله

بس يا بنات والله اشوف رياجيل خواتي ورفيجاتي اتحسر علي عمري

الحبوب اللي ياخذهم ينومون من الليل لين المغرب اليوم الثاني تخيلو ريوقي بروح وغداي بروحي اول مايقعد اسوي له غدا وعلي طويل يطلع ويرد متاخر وانا اقوم واعطيه الحبوب وهكذا

احس نفسي مو متزوجه بنات والله صاكه فيني الدنيا احس ولدي نعمه من الله واحسه بيجي يوم ويعوضني خير .. بس مابي عمري يروح انا توني 25 سنة والله منقهرة ..

كل ما اشكي لخواتي شيسوي وياي يحسسوني انه عادي واني مبالغه بكل شي مع ان الدكتور اللي قالي ان وضعه صعب وانه مريض من زمان واهله مايدرون والحين اخوانه كل ماشافوني يقولون انتي خربتيه من تزوجتو

وطالعين لي بسالفة جديدة قبل يومين متهميني اني اعطيه اكثر من حبه عشان اتخلص منه .. الله يدري بس

بنات ادري ماكو حل بس عطوني طرق احس ان ماكو شي وان الله يحبني واختارني من بين عبيدة عشان يختبر صبري


الله المستعاااااااااان

 

[عالمي انا غير]

ياحياتي الله يكون بعونج جد عورتي قلبي

كلمي هلج فهميهم هذي مو عيشه قوليلهم خايفه ع ولدي منه هو مريض نفسي بس مع هذا حاولي توقفين مع زوجج بعلاجه شوي شوي بتتحسن حالته مع الادويه والعلاج واستغفري اكثير وكل ما يصيرلج شئ قولي 7 مرات حسبي الله الذي لا الله الاهو وهو رب العرش العظيم واستقفري 100 مرة ع الاقل باليوم واقري سورة البقره لانها تفرج الهموم واذا ماتقدرين عليها مثلي ع اجزاء

وربي يكون بعونج

 

[~✿ ارتـِوآآآء روح !]

أعيني نفسك عشان ربي يعينك, بذور الخير نميها, قوي علاقتك بربك,
تقربي له يتقرب لك, صدقيني ما فيه أقرب لك منه ولا أحلم لك منه,
أنتي جربي وما راح يخذلك.. ~​

كون عندك يد ورجل وأنتِ بعافية هذي أكبر نعمة تحمدين ربك عليها..
إذا أنتِ تبحثين عن الحلول والرآحةة ماراح يعطيك إياها إلا اللي يملكها..
إلا اللي خلقها..الله..
تبين السعادة والراحة تقربي له يعطيك إياها..
ربك رحمته أكبر مما نتصور ونتخيل, ​

اذا اخذك اليائس والضيقه وحسيتي ان الدنيآ ضايقه فيك تذكري هالايه "ولقد خلقنا الانسان في كبد " مو انتي لحآلك كل انسان ربي خلقه يكبد بها الحيآه
تذكري دآيم الحيآه ماهي الا طريق وبعده في حيآه ثانيه حياه ابديه حياه احسن بمليون مره من فتن هالدنيا​

​

كل هموم بني آدم متشابهة بس القوي قوي بإيمانه .. ​

اقري وتآملي​

كن بالله راضيا وابشر بالنتائج التي تسرك ولا تستعجل
يوسفْ عليه الصلاة والسلام وشابّين آخرين
كانْ يوسف الأجّمل والأحسنْ بشهادتهِم
"إنا نراكـَ منْ المُحسنين "
لكّن اللّه أخرجَهم قبلُه !
وظل هو - رغم كُل مميزاته - بعدهم في السجن بضعَ سنين !
الأول خرجَ ليصّبح خآدماً
والثاني خرجَ ليُقتل !
وَ يوُسفَ انتظرْ كًثيــــــــــراً !
لكنُه خرجْ لُيصبح عزيز مصْر ..,
ليُلاقي والديه .. ليفرحَ حدْ الاكِتفاء
•*•

​

إلى كُل أحلامناْ المُتأخِرة !!
تزيني أكَثرْ
لكـِ فألْ يُوسِف
إلى كُل الرآئعيّن الذينْ تتأخْر أمانيُهم عَن كُل منْ يُحيط بهْم بضعَ سنِينْ
لا بــأسْ
فمْا حدثَ معْ يُوسفْ يحدُث دائماً معْ الرآئعِين دائماً يبقى
إعْلان الأولْ لآخِر الحفلْ ..!
إذا سَبقكَـ منْ هوْ أقلٌ منكـَ
فأعِرف أنْ مَا ستَحصْل علّيه
أكَبر مَما تتصّور

​

تأكّدْ أنْ اللّه لآينسْىَ { وماكان ربك نسيا }
وأنْ اللّه لآ يضُيع أجر المحُسنِينْ
وأنه سبحانه الجبار فسيجبرك أكمل الجبر وأحسنه ..

​

فقط طهر قلبك واعمره بالرضا والتسليم للعليم الحكيم

​

الذي يعلم ما كان وما يكون وما لم يكن لو كان كيف يكون

​

سبحانه ..

​

​

​

​

​

 

[~✿ ارتـِوآآآء روح !]

أعيني نفسك عشان ربي يعينك, بذور الخير نميها, قوي علاقتك بربك,
تقربي له يتقرب لك, صدقيني ما فيه أقرب لك منه ولا أحلم لك منه,
أنتي جربي وما راح يخذلك.. ~​

كون عندك يد ورجل وأنتِ بعافية هذي أكبر نعمة تحمدين ربك عليها..
إذا أنتِ تبحثين عن الحلول والرآحةة ماراح يعطيك إياها إلا اللي يملكها..
إلا اللي خلقها..الله..
تبين السعادة والراحة تقربي له يعطيك إياها..
ربك رحمته أكبر مما نتصور ونتخيل, ​

اذا اخذك اليائس والضيقه وحسيتي ان الدنيآ ضايقه فيك تذكري هالايه "ولقد خلقنا الانسان في كبد " مو انتي لحآلك كل انسان ربي خلقه يكبد بها الحيآه
تذكري دآيم الحيآه ماهي الا طريق وبعده في حيآه ثانيه حياه ابديه حياه احسن بمليون مره من فتن هالدنيا​

​

كل هموم بني آدم متشابهة بس القوي قوي بإيمانه .. ​

اقري وتآملي​

كن بالله راضيا وابشر بالنتائج التي تسرك ولا تستعجل
يوسفْ عليه الصلاة والسلام وشابّين آخرين
كانْ يوسف الأجّمل والأحسنْ بشهادتهِم
"إنا نراكـَ منْ المُحسنين "
لكّن اللّه أخرجَهم قبلُه !
وظل هو - رغم كُل مميزاته - بعدهم في السجن بضعَ سنين !
الأول خرجَ ليصّبح خآدماً
والثاني خرجَ ليُقتل !
وَ يوُسفَ انتظرْ كًثيــــــــــراً !
لكنُه خرجْ لُيصبح عزيز مصْر ..,
ليُلاقي والديه .. ليفرحَ حدْ الاكِتفاء
•*•

​

إلى كُل أحلامناْ المُتأخِرة !!
تزيني أكَثرْ
لكـِ فألْ يُوسِف
إلى كُل الرآئعيّن الذينْ تتأخْر أمانيُهم عَن كُل منْ يُحيط بهْم بضعَ سنِينْ
لا بــأسْ
فمْا حدثَ معْ يُوسفْ يحدُث دائماً معْ الرآئعِين دائماً يبقى
إعْلان الأولْ لآخِر الحفلْ ..!
إذا سَبقكَـ منْ هوْ أقلٌ منكـَ
فأعِرف أنْ مَا ستَحصْل علّيه
أكَبر مَما تتصّور

​

تأكّدْ أنْ اللّه لآينسْىَ { وماكان ربك نسيا }
وأنْ اللّه لآ يضُيع أجر المحُسنِينْ
وأنه سبحانه الجبار فسيجبرك أكمل الجبر وأحسنه ..

​

فقط طهر قلبك واعمره بالرضا والتسليم للعليم الحكيم

​

الذي يعلم ما كان وما يكون وما لم يكن لو كان كيف يكون

​

سبحانه ..

​

​

​

​

 

[احساس ملكه]

يااقلبى الله يعينج ويفرج لج

وحسبى الله ونعم الوكيل فى ااهله وكل من يغش بنات الناس عسااه حوبتها مااتعدا اهله وكل خوااته يارب

والله من قلتى انه يخليج تنامين بالسياره ويفتر فيج وانتى حامل ويمد ايده عليج وانتى بالسابع عرفت انه مو طبيعى

حبيبيتى زوجج مريض نفسى مو صاحى وعنده ملف يتعالج ومتعود يمد ايديه ويطق وحتى وانتى حاامل مد ايديه

الى مثله مامن طب ولا يفيد فيه الصبر والله مااحب اشور عليج بالهشور بس السالفه وااضحه مااتدرين بيوم يقوم يذبحج وانتى ناائمه والعذر انه مو صااحى
طلبى الطلاق ولا تنطرين شى من اهلج لانه بااين مايهمهم الا مصلحتهم

وطمنيينا عليج والله يفرج لج ويستر عليج ياارب

 

[كويتيه فرنسيه]

الله يعنيج حبيبتي

دامه مريض فعذره وياه وماينشره عليه انتي جدامج حل من الاثنين


ياتصبرين وتكملين رحلة العلاج وياه وانتي تقولين يبيله 3 سنوات مو وايد ترا صبري وراجعي وياه وان شاء الله يتشافا ويعوضج عن كل شي

واذا ماتقدرين تصبرين قولي لابوج وامج انا مااقدر اتحمل وابي اتطلق واقنعيهم بس حطي في بالج شغله مهمه ترا يمكن تتطلقين وماتحصلين زوج غيره << وايد بنات زين واخلاق وقاعدين في بيوتهم

وانتي لج الاختيار انا لو مكانج اصبر واحستب الاجر واستمر وياه بالعلاج حرام تتركينه مو ذنبه انه مريض

 

[كويتيه فرنسيه]

^^ الي تقول ممكن يقتلج ترا اهو مريض نفسي والمرض النفسي حاله حال اي مرض لو بيقتل جان قتل احد من اهله الي صار له وياهم 30 سنه

 

[عالمي انا غير]

صح الطلاق انسب حل ومالج شغل بهلج واجهيهم قوليلهم ماتحملين حياتج انا لو منج اخذ ولدي واروحلهم هم هلي وين نروحين يعني

 

[عالمي انا غير]

^^ الي تقول ممكن يقتلج ترا اهو مريض نفسي والمرض النفسي حاله حال اي مرض لو بيقتل جان قتل احد من اهله الي صار له وياهم 30 سنه

لا التفكير المريض نفسي غير يعني ممكن عنده هله شئ وزوجته شئ ثاني يختي يخوف والله احترت بردي :eh_s(1):

 

[الغلا كله لبوي]

مااقول غير الله يهدي اهلج وشلون ابوج يسوي جذي

يردج لواحد مو صاحي ليش ماتكلمين امج وتخلينها توقف

معاج وتفهم ابوج انه مريض نفسي


وخواته بدل مايشكرنج ويصيرن بصفج لاانج عايشه مع واحد مريض

يتكلمن فيج وينغزن عليج صج قله ادب ويجعل حوبتج ماتعداهن

مالج الا ربج فراج الهموم وسامع الاصوات وفاتح الابواب ومجيب الدعوات

صلي وادعي بااخر الليل فأنا سهام الليل لا تخطئ

وربي يوفقج ويكتب لج الي فيه الخير

 

[Tom ♥ Jerry]

,،


كسر خآطري يمكن فيه آنفصام بالشخصيه و لا شي !
عآلجيه حبيبتي .، مو بيده الي يسويه فيه
كلا من المرض ! صبري و عالجيه و آهم شي نفسيته اثناء العلاج
لازم تكون حلوة و رآيقه عشان يتعالج بـسرعه
و لا تنسين تقريبنه من ربه خل يكبر الوآزع الديني عنده .،

(=


الله يعينج تعبي وياه هالـ 3 سنين عشان نفسج و عيالج و بيتج

 

[زين ودلال]

لا حول ولا قوة الا بالله..حسبي الله ونعم الوكيل

ادعي..لايرد القضاء الا الدعاااااااااء

 

[ام عبداللـه]

انا عارفه ان ماكو حل واني لازم اصبر واحتسب الاجر من رب العالمين

بس كتبت موضوعي حابة اقرا كلام يشجعني ويرحيني ويخليني اكمل

ياقلبي صج انتو خواتي ربي يوفقكم وماتشوفون يوم اقشششر

 

[احساس ملكه]

^^ الي تقول ممكن يقتلج ترا اهو مريض نفسي والمرض النفسي حاله حال اي مرض لو بيقتل جان قتل احد من اهله الي صار له وياهم 30 سنه

حبيبتى المريض النفسى مايختلف عن الى فيه عله بعقله اثنيناتهم مايتحكمون بمشاعرهم ولاعواطفهم ولاردت افعالهم
بعيد الشر عن الاخت صاحبه الموضوع باقولج قصه حقيقيه صارت من سنوات عن وااحد كان متزوج مريض نفسى و ويعالج عند الطب النفسي ويطق مرته ومره طقها وهى حامل وراحت لااهلها وطلبت الطلاق تخيلى دش بيتهم واهلها طالعين والبيت فاضى وذبحها بسلاح معاه وهى حامل < هالبنت كانت تشتغل بنفس دوام اختى الله يرحمها برحمته:eh_s(2):

انا ياصاحبه الموضوع والله قلبي معورنني عليج باعرف شلون ااهلج سااكتين ؟؟وهو ماذيج كذا مره واهله معاه شايفين اذيته ويزيدون باذاهم لج حسبى الله عليهم

 

[أنسأنة غير]

وووووووووووربي عورتي قليبي


تبين الصرآآحـــــــــــة بعد صبرك ربي بيفرجهـــــآ هذا ربي رب العالمين الي ارحم من امي وابوي اشكيللللللللللله
نصيحة نصيحة اشكيله ابكيله طلعي الي بقلبك له وبتشووفين ؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ســتارز]

اذا كان عنيف ويطق واهله عارفين وساكتين اسمحيلي اقولج كل شي وله حدود

انج تعيشين بطق كل يوم لانه مريض ومو مسؤول عن تصرفاته ... مو منطق

واذا اهلج شالوا ايدهم عنج ...مالج الا القضاء يفكج منه اهو واهله

 

[~✿ ارتـِوآآآء روح !]

يؤؤؤؤ معليييش حبيبتي اسفةةة توني الاحظ كلامي مشبك ​

اذا اخذك اليائس والضيقه وحسيتي ان الدنيآ ضايقه فيك تذكري هالايه "ولقد خلقنا الانسان في كبد " مو انتي لحآلك كل انسان ربي خلقه يكبد بها الحيآه
تذكري دآيم الحيآه ماهي الا طريق وبعده في حيآه ثانيه حياه ابديه حياه احسن بمليون مره من فتن هالدنيا
كل هموم بني آدم متشابهة بس القوي قوي بإيمانه ​

 

[برستيجي مآركة]

ياحبيبتي انتي الله يكون معك ويصبرك انتي حاولي تكونين معه تساعدينه في مرضه واقري عن مرضه شوفي شنو ينفع معاه وتركي الشي اللي يخليه يمد يدك عليييه صبري عليه اخذيه على قد عقله وربي بيجازيك ان شاءالله ناس واجد لما يشوفون حريمهم يكونون بجنبهم فترة علاجهم تنكسر عينهم انتي اللحين احسن من اهله اللي بس اسم واذا بتطاوعين اهل الزوج يووه ياكثرهم اهل الزوج اللي لسان وكلام وهم مو دارين وين الله حاطهم معروفة بعض اهل الرجل لو تصبين عينك ماي ماينفع خلك مع زوجك هو بوولدك اصبري وكافحي..
واذا حسيتي الشي زاد وزاد اكثر واكثر ماللك الا الطلاق وربي يعوضك خير ياقلبي انتي الله يعينك ويساعدك ويصبرك..
ذكرتيني ببنت خالي تزوجت واحد طلع فيه مس مسكون الله يكفينا الشر وهي ماتدري ولاقالوا لها اهله عنها تخيلي عروس وطاح قدام عينها وهي ماتدري شسالفه بعدين اخته قالت لها وهذا هي صبرت وحمدالله ربي رزقها منه بولد وبنت اللحين...

الله يكووووون معك ياام عبدالله>>نفس امي فديتها هع >>آآآآاوت

 

[قاهره عذالي]

مالج الا التقرب من الله والدعاء والرقيه الشرعيه بالبيت كله وهم وديه مطاوعه يقرون عليه مع علاج الطب النفسي
والله يشفيه ان شاء الله
واستخيري في امرج