سالفتي أصعب من الرياضيات

[دلع×دلع]

السلام عليكم



يعطيكم العافيه يابنات



تصدقون انا بخلص شهري



وللحين موفاهمه حسبتي؟؟ اهئ اهئ :eh_s(16):

السالفه ومافيها انا اخر دوره لي كانت تاريخ 13 اكتوبر 2009 وكانت فيها شوية لخبطه

وقالت لي الدكتوره موعدج مو على تاريخ الدوره, بعطيج اسبوع فوقها

يعني... اذا كانت اخر دوره 13 اكتوبر بيكون موعدي 20 هالشهر,, بس لان دورتي ملخبطه صار موعدي 27 ,, يعني باجر

اهئ اهئ:eh_s(16):

المهم.. سألت دكتوره ثانيه تقول بالسونار يبين ان موعدج 4 اغسطس؟؟؟؟؟

وسالت دكتوره ثالثه قالتلي موعدج 8 اغسطس

الحين انا موعارفه ولا فاهمه

مع ان راس البيبي تحت بس بعده مادش الحوض

وكل من يشوف شكلي يقول انتي مو ويه ولاده

مع إن الالام ذابحتني بآخر بطني


الحين شسالفه يابنات ,, انا خلصت شهري ولا بعد

بليزززززززززززززز

انقذوني

الله يشرح صدوركم يارب

 

[خليفة العظماء]

والله راسي نقلب

ماعندي فكره بس خليها على الله الولاده تجي بوقتها

 

[فـراوله]

ان شاءالله البنات يفيدونج

ومادري شلون الدكاتره كل وحده بكلمه

وليش الحساب مو على آخر دوره ؟

 

[فـراوله]

لو على حساب آخر دوره تكون ولادتج

بتاريخ 20-7-2010

ولو الدكتوره قدمتها أسبوع موعد ولادتج بتاريخ 27-7-2010

ليش بعض الدكاتره راحوا لشهر 8

على الأقل يقولون آخر شهر 7 اشدعوا راحوا لي شهر 8

بصراحه أنا احترت

 

[ام كوشه منكووشه]

رد : سالفتي أصعب من الرياضيات

والله انا ما عندي فكره ولادت وللحين مااعرف احسب كنت ذابله جبد امي مسكينه اهي اللى حاسبتلي صح وعطتني موعد ولادتي
شوفي انا بنتي داشه 3 سنين الحين وتوا قبل يومين كنت اسال امي اشلون احسبتلي بعد قلبي قعدت ساعه تشرح وهم مافهمت
حبيبتي ريلاكس ماله داعي تعورين راسج بحسابات ولويه اذا ياج الطلق معناته ولاده<<خخخخخ يعني يايبه شي يديد
قلبي انا باجر ادق على امي واخليها تحسب لج وارد لج خبر والله يسهل عليج انشالله وهديه منى لج دعاء تسهيل الولاده
يامسهل الشديد يا ملين الحديد
يامنجز الوعيد ويامن هو كل يوم في امرً جديد
اخرجني من حلق المضيق الى اوسع الطريق
بك ادفع ما لا اطيق ولا حول ولا قوة الا بالله العلى العظيم
والله يسه عليج انشالله وتقومين بالسلامه

 

[ديانا سبنسر]

الله يهون عليج ويقومج بالسلامة واالله ماعندي فكرة

 

[دلع×دلع]

احس لعوزتكم معاي

طبعا هذا حمالي الثاني,, وفي بجري ولدت طبيعي الحمدلله قبل الموعد الي عطوني بيوم بالضبط

والدكتورتين الي قالوا بشهر 8 ,, سألتهم ليش؟؟ قالولي هذا الي مبين عندنا بالسونار من حجم البيبي

مع ان البيبي وزنه ماشاء الله لا قوة إلا بالله 3 كيلو

يعني زين حق الولاده,, بس مادري شكو حجم البيبي بموعد الولاده

,,,

يعطيك العافيه ياخواتي الغاليات

والله ييسر لكم ,, ويزاكم كل خير

 

[دلع×دلع]

انطر الباجي اللي يعرفوووووووووووون

 

[نونه كيوت]

انـا كانـت ولادتـي فـي 12/7
كانـت دورتـي فـي 12/10
وحـددت لـي الدكـتوره فـي 21/7
وجـبت قبـل موعـدي باسبـوعيـن
فـاتوقع انـج لـو تقـولين للدكـتورانج خايفه من كبر حجم البيبي
يمكن راح يولدج طلق صناعي
والله يسهل ولادتج ويهونها عليج

 

[دندونه@@@]

امبي حبيبتي انتي مثلي ما ادري باي شهر الحين لعوزتني الدكتوره كل ما سألتها تمتمت باول مراجعه لي عند الدكتوره حسبتلي وقالت لج 6 اسابيع ولما شافت السونار قالت مافي جنين بس كيس خوفتني وقالت روحي عيدي تحليل الحمل قلت لها توني مسويته قالت خلاص روحي البيت وان نزل معاج شي روحي المستشفى على طوووول وبعد اسبوعين راجعيني مرو الاسبوعين بسلام بش شنو الرعب اللي عشته رحت لها وسوت لي سونار قالت الجنين بين قلت الحمد لله فقالت لي ان التبويض متأخر عندج ولازم انقص اسبوعين من الحسبه يعني لما تحسب لي من تاريخ الدوره يطلع معاها 8 اسابيع تنقص اسبوعين ويطلع 6 اسابيع فترة حملي واتوقع انتي مثلي لان دورتج ما كانت منتظمه عطي نفسج اسبوع الى اسبوعين والله يسهل عليج .....وادكر بحملي الثاني بكل مره اسوي سونار يأخرون موعد ولادتي لان البيبي صغير بالاساس طبيعته صغير وولدت قبل التاريخ اللي قالولي عنه يعني متى ما الله كتب يسهلها عليج لا تحاتين دام البيبي سليم

 

[مو عايشة بالدنيا]

خليها على الله ولاتحاتين
اهم شي مابقى شي على ولادتج

 

[_Pure_]

عادي اهما يشوفون حسب حجم البيبي بالسونار دام الدوره متلخبطة

و دام قالت ٨-٨ حطي فبالج ان هذا آآآآآآآخر موعد للولاده و بعدها لازم يولدونج

انا موعد ولادتي حسب الدوره ٢٤-٩
بس حسب السونار طلعلي كذا تاريخ و الدكتوره قررت تاخذ تاريخ ٤-١٠
بس انا اراجع عند دكتوره وحدة فا ماصارت الحوسة اللي عندج


خليج على دكتوره وحدة

 

[شوق شوقى]

الله يسهل عليح وتقومين بالسلامه

 

[noo7a]

لي يا وقته انشالله بتولدين بالسلامه
لاحسبه دوره ولا حسبه سونار
والله يهون عليج

 

[غنوة ستايل]

ياقلبي مثلي انتي انا بعد التبيوض متأخر ومو محددين عدل وقت الولاده
مره يقولون 11 / 8
ومره 13 /8
واليوم 18 / 8
لا وفي دكتور قال 20/8

يعني كل واحد يعطي على كيفه . انا تاركتها على الله .
الراس نازل بس بعده ما دخل الحوض والمشيمه مرتفعه وقال الطبيب الاسبوع الجاي راح اشوف التخطيط والفحص الداخلي .
على فكره سويت اليوم فحص داخلي وقال الطبيب بعد ما دخل الحوض

 

[وردة الكاميليا]

حبيبتي انت اتقولين راس البيبي مانزل بالحوض طولي بالج والبيبي ينزل بوقته الله يسهل عليج

 

[عـــزآآآآآهـ]

الله يجيبه بوقته ان شاء الله

اهم شي انتي لا تحاتين وكثري من المشي

 

[([عطر رومانسي])]

خليها على الله


بس اهم شي لاتطوفين مراجعاتج عشان تشوفين نبض البيبي لايقل


وانتبهي على حركته يوميا


وعسى الله يسهل على كل حامل