سافروا ليلة العيد ولااتصلوا

[رقية // الكويت]

السلام عليكم ورحمة الله وبركاتة

عيدكم مبارك بنات وتقبل الله طاعتكم

ماطول عليكم اختي سافرت مع زوجها وعيالها الصغار ريف زلمسي والحين صارلهم 4 ايام مادقوا اقلوبنا زايغة عليهم والله وخصوصا انا واختي والله بنموت من الخوف عليهم المهم راحو ترانزيت من الكويت لي مصر اقعدوا 4 ساعات وبعدها راحوا فيينا ومن المطار راحوا يأجرون سيارة وطريجها ساعتين بعدها طريج اريع ساعات حق ريف زلمسي بيوت مثل الاكواج

هذا اللي قالوه لنا قبل لايسافرون والحين اجهزتهم مغلقة ولادقوا ولاشئ والله ولاخبر عنهم ابد
والله قلبي والله كلنا محتاسين عليهم بنات شنسوي الله يخليكم اشلون نطمن عليهم بس نبي تطمن قلوبنا

الله يحفظهم يارب

 

[اميرة زوجي]

الله يطمنك عليهم
اتصلو بالسفارة الكويتية تاكدو

 

[رقية // الكويت]

هلا اختي والله قلنا اليوم اذا مادقوا ابنتصل عالسفارة عاد اي سفارة اللي في الكويت لأن اهم ماعندهم سفارة في الكويت

 

[فديت غلاي]

الله يطمن قلوبكم يمكن مالقوا محل خطوط او نسوا انهم يشترون بالمطار
تفائلوا بالخير
وان شاءالله مافيهم الا العافيه
وامانه اذا دقوا عليكم طمنيما ترا بنطرج

 

[هدوء العالم]

الله يطمن قلوبكم حبيبتي
بإتصالهم
ممكن ما لقوا خطوط
إن شاءالله مافيهم إلا العافية
وإن شاءالله تطمنينه

 

[<miss botamba>]

اذا اول مره رايحين المكان عادي يمكن بحوسه شوي والا لهوا

تفائلوا بالخير

وزلامسي امان وطريجها حلو ان شاء الله ماكو الا الخير

وطبعا اتكلمين السفاره الكويتيه بالنمسا مو السفاره النمساويه بالكويت

هذا ايميلهم

[email protected]

وهذا الرقم

00431405564649

 

[دله وفنجان]

الله يحفظهم يارب

 

[نقش حنه]

الله يطمنكم عليهم

 

[نياره]

الله يطمن قلوبكم ويحفظهم ويردهم سالمين

 

[ريانااا]

رقيه الكويت يمكن ماحصلو خطوط او تلفوناتهم طفت من الشحن وماعندهم شحن لاوربا لان بلاكات اوربا راسين واذا تعرفين اي فندق ساكنين دقي علي الفندق وتاكدي اوصلو ااولأ والله يطمن قلوبكم يارب

 

[- BambeNo -]

طمنينا عليهم ان شالله اتصلوا ؟؟
يمكن انشغلوا من مكان لمكان
الله يحفظهم

 

[@ام يوسف@]

الله يطمن قلوبكم

 

[بخـــارى]

طمنينا عليهم

 

[ماريا 2006]

رقيه طمنينا مع اني متاكده انهم مالقو مكان او ماعرفو شلون يتصلون بس والا الطريج هذا مو خطر ان شاء ماكو شي انا متاكده انهم انشغلو

 

[al_3needa]

الله يطمنكم عليهم ويقر عينكم بسلامتهم

 

[نـعـومـه]

اكيد وصلو ونشغلو ولهو بالرحلات وجذي

الله يطمن قلبكم ان شاءالله ادق اطمنكم واذا دقت هاوشيها عدل عشان لاتخليكم تحاتون

هههههه شريره مو

لا تحاتين اكيد نشغلو

 

[رقية // الكويت]

السلام عليكم ورحمة الله وبركاتة
ابشركم غصب مسك معانا الخط اختي ماصدقت قعدت اتصيح واهي اتكلم ريل اختي
وهي اتقول اخترعوا من صوتي فرحة على عبره ايقولون ابلاكاتهم غير عننا والله وبيتشرون خط بس اختي وامي طاحوا في اختي زف
وقسما بالله يابنات طحت طيحة عالغنفة من الفرحة وخذتني مثل الدوخة رحت غرفتي ونمت نومة طويلة

الله يفرح قلوبكم يابنات ويطمنكم على كل عزيز وغالي يابعد راسي كل وحده طمنتني فديت روحكم يابعد روحي كلكم

 

[ريانااا]

شفتي رقيه مثل ماقلتلج البلاكات اوربا غير اكيد الشحن خلص وماعندهم شحن اوربي الله يفرح قلبكم برجعتهم

 

[ماريا 2006]

مبروك والله دمعت عيوني الحمدالله اي احنا لازم نشتري ادبتر والحين صرت احطه بالتجوري والله لما ارجع الكويت لان ماظمن اسافر والقي وقت او مكان اشتري منه

 

[بخـــارى]

الحمدلله