وعليكم السلام هلا حبيبتي ,, اي درجة الحصان ولا المرة لوووووووووووووووووول عندي الحصان لونة احلا ,,
عموما سمعيني حبيبتي معني قلت برفع ايدي من سالفة الشعر لان وايد خوافات ومو سهل الصبغ كلش يبيلة لعب باللالوان
بس دامج تصبغين شعرج وجريئة بقولج ,,, شوفي موضوعي الي تسحبين الصبغة ؟ من محل اسمة جرين لايت او اميركان لايت او جرين اميركان لوووول ماذكرة يصير عند النسائم بالسالمية الدفالوبر البنفسجي (الاكسجين 30 ) والبودرة الزرقة ,,, (( هذول عدة السحب , )) تحطينة على شعرج بس انش بعيد عن الجذور ,,,,,, مسافة 1 انش ) لان الاكسجين راح يتمدد من الحرارة لا تخافين راح تصبغ الجذور بسسسسرعة بعد مايتمدد ,,, بعدها ,, شوفي حبيبتي اللون هذا ماني عارفتة شنو انا عني اشوفة اشقر مو وايد على رمادي على ذهبي وشوي لو تلاحضين فوق في برتقالي ,, تحت شعرها عندي حلو بس فوق جنة صابغتة بصالونات الكويت لووووول المهم ,, توقعي ان ماراح يضبط كامل برفكت عشان جذي دايما يسونة ويفي عشان يضيع الترقع ,,لووووووول
المهم اللون الي انتي شايفتة تروحين محل لوريال فوق النسائم الي بالسالمية او اكو محل يمه لبناني المهم صبغ ايطالي او بولندي ,, تطلع لج دفاتر الصبغات اكو صبغة ايطالية عليها لونين ,, فجي الدفتر وقعدي نقي اللون بس اخذية في لون رمادي اللون الي تبينة يطلع ان شاء الله اذا سويتي السحب ,, حطية بعد ماتسوين الصبغة ,, هاللون مايبيلة كوركتر وايد اللون الازرق او البنفسجي بس ان حطيتي كوركتر بنفسجي شوي يصير رمادي حيل ,, على تقريبا شسمها مايا دياب ,, والكركتر تلاقينة عندها بعد اسمة كوركتر مو صبغ لمن تشوفين بالالبوم اكو دائرة دايما بروحها مع الشعر لون زيتي واحمر واصفر وبنفسجي بالدفتر اخذي البنفسجي ,, وشلون شوفي بصراحة اول يومين راح يصير شوي على ازرق او رمادي واضح تالي يخف ويطلع لج اللون (( هذا الي يسمونة مرحلة الرنساج )) الكوركتر
عرفتي ان شاء الله ماقرقت على الفاضي يبيلة اللون قلب اسد واحساس جراح ويد امراه لوووووووول والله يوفقج ويضبط اللون ,, تبينة اكيد يضبط 100 بالمية قعدي اسبوع صبغي فيه مو بيوم واحد هذا اذا قدرتي
1: شعرج واهو وصخ مدهن حطي الاكسجين عليه (( الي اهو السحب ))
2: غسليه بحمام زيت فقط لا تحاولين تمشطينة
3: تحملي اللون المقرف الاصفر الشمسي او النحاسي لون يفشل لوعة ( هذي اصعب مرحلة ))
بعد يومين من هالمرحلة الصعبة ممكن تحطين مرة ثانية الاكسجين بس هالمرة نص ساعة اقل من المرة الاولى عشان يطلع لج اياه برفكت وكلهم نص ساعة او اذا شعرج ثقيل او حبتة قوي حسب انتي راقبي الوضع بتطولين ولا بسرعة بتغسلين ,, واذا ضبط معاج من اول مرة السحب خلاص ماله داعي مرة ثانية
4: نطري جم يوم نفس الشي عشان يرتاح شعرج بس بحمام زيت تغسلينة
5 بعد يومين ,,, لو تروحين الجمعية اي صبغ سكة تشوفينة مكتوب لؤلؤي اشقر رمادي ,, راح يطلع لج باذن الله
بس هم اقولج روحي عند لوريال وايد حلوة اصباغهم بس شوي قامت تضرب بالعالالي اكو محل يمها لبناني يبيع خوش هم
6صبغية اي شي على رمادي وان حبيتي تخلطين مع الصبغة شوية بنفسجي (سوالف مايا دياب )
7: غسلية بشامبو وحمام زيت ترسية وبلشي مدة اسبوع بس هوا تنشفين شعرج لا تمشطينة بس يرتاح وتالي شدي عليه لين ماتقولين بس
8: شوفي روحج وعيشي حياتج اليديدة الباربية لوووول وشغل هلو كتي وتعودي على الناس بيسئلونج وتعالي شرحيلهم انه تعبتي عشان يضبط اللون لووووووووووووووووووول فديتج وان شاء الله افدتج وربي يوفقج ,, عاد عسا ماينكسر ظهرج خلي اختج تساعدج حق الجزء الي ورة راسج ماتطولينة ))
9: ان شاء الله مايطردوننا لان هني قسم المكياج مو الشعر لوووول
^____^
