ساعدو هالعايله من البرد اللي جاي ..وخلو عيالهم يعيدون ولكم الاجر

[مظلومه ياناس]

السلام عليكم يا اهل المنتدى الطيب
بنات عندنا اسره متعففه متكونه من الام والعيال 5 ايتام و صغار يكسرون الخاطر كلهم صبيان ... ابوهم موفي من سنتين ..وهالاسره مسكنهم ابوي جزاه الله خير بملحق بيت اهلي ومن غير ماياخذمنهم الاجار يبي الاجر ابوي فديته........... عاد اليوم لزيارتي لاهلي شفت عيالهم بره ويتنافضون من البرد كسروا خاطري وعوروا قلبي ........... قلت بجمع لهم فليسات قبل هالعيد واوديها لامهم تشتريلهم كسوة الشتا
من عندي ومن عند خواتي وجاراتي جمعتلهم مبلغ صغير و طرى علي بنات منتدى كويتيات قلت اللي يبون الاجر واايد
بحاول من اليوم لي 3 ايام او 4 ايام وبعدين بعطيها المبلغ اللي جمعته ............ بنات عفيه اللي تبي تتصدق تدزلي عالخاص وانا ادزلها السايق ياخذ منها المقسوم......................... وجزاكم الله الف خير​

 

[المطيريه]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

وي فديتهم الله يرزقهم يارب

جم اعمارهم

ابي اشوف الي حوالي اذا عندهم ملابس او العاب حقهم

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

والله يختج يابنت العم ما اعرف اعمارهم بالضبط بس انا شفت اصغرهم كانه بو 3 سنين ........ انا والله ماقد رحتلهم لان امهم حيل تستحي وماتطلع من بيتها الا للضروره بس امي دايما تزورهم وتجيبلنا علومهم ........... بنات عفيه مانبي ملابس نبي نعطيهم مبلغ وامهم كيفها تتصرف فيه
اخاف اعطيهم ملابس ومايقبلون فشله .... والا ياكثر الملابس عندي مكوده بس استحي اعطيهم .........يتراوالي عيديه احسن والا اشرايكم؟؟؟؟؟؟؟

 

[فديت منورة]

جزاكم الله خير

تكفين ممكن عنوانهم

طبعا الفلوس او الاكل انفع لها

الله يفدركم على فعل الخير

 

[ام ورود مول]

الله يساعدهم ويرزقهم ويقدركم على فعل الخير
شيكي الخاص

 

[مـزعلـة النسـا]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

الله يرزقهم من بابه الواسع

والله يجزاج على فعل الخير

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

منوره ياقلبي جزاج الله خير ........ انا بعطي عيديتهم لأمي وامي توديها لهم لانها ماتقبل اي شي حيييل تستحي .........حتى ابوي كل يوم تدزله واحد من عيالها تبي تعرف قيمة الايجار بس ابوي يرفض.......... ما ادري اخاف احط عنوانهم وتصير سالفه
مثل ماقلت اللي تبي ادز لها السايق وياخذ المقسوم ........ لاني بحاول اعطيهم عيديتهم قبل لا امشي للحج
وجزاكم الله خير حبايبي

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

جزاكم الله خير

 

[أستغفِرُ الله]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

الله يرززززززززززززقهم إن شاء الله
إنزين يعني ما أقدر أدز هدوم و عبي ؟

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

اختي استغفر الله
الله يرزقج يارب بالزوج الصالح انتي واختي ان شاءالله بدعيلكم بالحج هالسنه وكل البنات
بالنسبه للعبي والملابس هي عيالها كلهم صبيان اكبرهم 14 واصغرهم بو 3 سنين .......... وما ادري بالنسبه للملابس اذا اقدر ادزهم والا لا لاني اذا بوديلهم ملابس لازم اوديهم المصبغه واشيك عليهم اذا فيهم شي يعني عباله وانا ماعندي وقت الخميس بمشي للحج
جزاج الله خير وعسى الله يرزقج على قد نبيتج ياااااااارب

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

فوق

 

[مظلومه ياناس]

رد : ساعدو هالعايله من البرد اللي جاي ..وخلو عيالهم يعيدون ولكم الاجر

بارك الله فيكم يا اهل الخير