ساعدو قلبي المسكين مشكلة اخوي

[انا بطة]

السلام عليكم بنات انا مشركاتي خفيفة و نوع الي ماحب اقول مشاكلي الا هل شي الي في قلبي الله يسلمكم انا نفس اي بنت خاطرها اتجوف اخوها متزوج و مرتاح و الي اكثر ودهم بهل الشي هلي اخوي مادري شفي مايقدر يتخذ حطوة الزواج كله شباب اهلنا تزوجو الا اهو يعني هلي من كثر ما ايسو معاه قالو بس كيفة يمكن ماله نصيب في الدنيا يتزوج انا معورني قلبي عليه احس احد ساحرة او مسوينلة عمل معنا انا ماصدق هل الاشية و اخر تفكيري اتيي بس من نفتح الموضوع يصارخ و يعصب و حتي لين هدي و انقولة يقول اوكي بفكر و بس ننطر بل شهور يعني اهوه يبي و مقتنع بالزواج بس حزت الحزة يطلع عيوب من تحت الارض انسان صعب الله يحفظة بنات ابي حل ابي شي مقنع اقول احس يبيلة غسل مخ حق يغير نظرته لزواج شلون ساعدوني :eh_s(11):

 

[bsko0o0ta]

اب اب اب

 

[al3sooola]

قعدي يمه واقري البقرة بصوت
سواء يكون نايم او قاعد

 

[є 3 τ и α q]

- الله يرزقه يارب ..
لآ تزعلين كثير عيال مثله
ولله الحمد الحين متزوجين ومع حريمهم ..

انا اعرف واحد انطوائي ولا يكلم احد ومنعزل مع نفسه دآيم
ولو امه ولا خواته يكلمونه بموضوع الزوآج ..
مآيرد عليهم ويتركهم ولا يعطيهم اي فرصه

وسبحان الله كلنآ قلنا هذا مستحيل يتزوج ..
وبيعيش حياته كذا ..

لكن بعد فتره الولد طلب من امه تخطب له
وجاها من نفسه .. بدون اي ضغوط

وتعالي شوفيه الحين ماشاء الله
متزوج وعنده بنتين وماشاء الله مرتاح وعايش
مع زوجته .. ^^


والله يستر على الجميع ..
مَاعليه يَ قلبي لآ تياسين ^^

 

[حبي لله اشد]

قعدي وياه سولفي شوفيه شسالفته
وودوه حق شيخ اذا حسيتوا فيه شي

 

[3w!Shni]

شغلي قرآن بالبيت وخليه شغال بالصالة ..

ادعيله

بس ديري بالكم تدخلون الفكرة براسه غصب..

هذا زواج وحرام تظلمون بنت الناس معاه ..

الله يهديه لما يحب ويرضى يارب ويرزقه بنت الحلال الي تغير فكرته ورايه عن الزواج

 

[أم توتو]

نفس اخوي بيصك الثلاثين وهو للحين مايبي يتزوج يقول بعدين وامي تحن عليه المشكله اهو الكبير نبي نفرح فيه ونشوف عياله بس للحين مايبي يقول خلوني على راحتي متى مابغيت جيت وقلت لكم

 

[صادقة بكلمتي]

الزواج قسمة ونصيب والله يهديه ويرزقه المره الصالحة عاجلا غير اجلاااااااااااااااا

 

[M!Ss 3B8RiNOaH]

الله يهديه للي فيه الخير والصالح حبيبتي

 

[سمو الغلآ]

الله يرزقه ان شاء الله

سكتوا عنه متى مابغى بيجي بنفسه بيقول لكم

 

[طموحه بزياده]

@@@





خلوه متى ما بغى يعرس ابيجيكم يركض خخخخخخ


حبيبتي انا اعرف شكثر بعايلتنا وجذي من برا ولصوا 30 وما يبون يتزوجون يا حليلهم متعقدين من الزواج هذيل شخلوا للحريم :eh_s(14):




ان شا الله الله يهديه ويقولكم دورولي بنت الحلال




@@@

 

[بيرزقني الله]

الله يرزقه اللي تسعده , لاتخلونه حنو عليه ليما يتزوج لا تيأسون
وصاجه الاخت شكثرهم اللي طافوا الثلاثين والخمس ثلاثين ماتزوجوا وعقبها تزوجوا وماشاالله واايد مرتاحين
بس هم انتو لاتخلونه بين الفتره والثانيه فتحوا الموضوع بهدوء وناقشوا فيه
واذا مايبي خلوه كيفه لي بغى يى
خاف انتو مخوفينه من الزواج بطريقه غير مباشره,يعني واايد تسولفون عن فلانه
مطاقه مع ريلها والا مطاقه مع اهله ,والا فلانه تدعي على ولدها وزوجته وجي يعني
فصار متخوف ويقول بنفسه ابعد عن الشر وغنيله شلي بعوار الراس والمشاكل اعرف وحده اخوها نفس اخوج واخرتها اكتشفوا هذا السبب وحاولوا يقيرون الفكره بنماذج حلوه جذي سوالف وهو مايدري شالمقزى.بس صج صج تقول سوالفنا قبل كله جي الناس اللي بينهم مشاكل فلانه وفلان ونادرمانسولف بالنماذج الايجابيه

 

[الـــــغــــلا]

الزواج قسمة ونصيب والله يهديه ويرزقه المره الصالحة عاجلا غير اجلااا
لا تحنون عليه خلوه متى ماابغا الزواج جاء وقاالكم

 

[حالة حنان]

الرياييل بير من الاسرار ومايحبون يسولفون
يمكن عنده مشكله وموحاب يسولفها ولا يبي احد يدري عنها
مره اخوي الصغير اكل بطاط ليز وغص وزرق اشوي ويموة اسم الله عليه
وديته للمستشفى تفاجاة جفت ريل اختي بالمستشفى يعالج ما ادري شفيه
وهو لما جافن انحاش قلت لاختي استغربة وسالته قال لا مو انا مصر ان مو هو
فهدوه خلوه على راحته لا تحرجونه وتغثونه تقبلي مروري اختي