ساعدو بسبوس و ساعدو صديقتي و ساعدوني

[Little_Queen]

رفيجتي الله يسلمكم


لقت قطوه صغيرووووووونة بالشارع

خذتها و ودتها الطبيب على طول لأنه ويهها كان كله دم


طلع خشمها مجروح .. عالجوهاو عطوها ابره و قطره و نظفوها و كل شي

و خذتها رفيجتي البيت ...


و اليوم كان ثاني يوم لازم تروح مراجعه و تعطيها ابره ثانية


من أمس القطوة ما كلت ولاااااااااااا شي


اليوم بالطبيب الممرض غصببببها غصب تاكل نتفه كان غصب يدخله بحلجها و كلت الحمدلله


و لما ردت البيت عطتها رفيجتي مميه حليب و شربتها


بس ليلحين القطوة تكرمون ما أخرجت كلش !


لا بول ولا براز و انتو بكرااااااااااااامة !


مع انها كلت شوي و شربت ..


شلون ممكن نخلي القطوة تخرج ؟؟؟ اخاف تمووووت و احنا الثنتين تعلقنا فيها وايد


و سميناها بسبوس !! لأنه فجأة اكتشفنا انها ذكر مو أنثى ! و انا ليلحين أتكلم عنها بصفة الانثى !



ساعدوني .. ساعدو صديقتي .. ساعدو بسبوس

 

[سكارف.فوشي]

يمكن مو حابه الاكل غيروه
ولا تخافين اول وتالي بتاكل وبتخرج بس عطيها وقت
يمكن مستغربه المكان ومستغربتكم او ان في شي مضايقها او معورها ساحلوها لاعبوها عشان تاخذ راحتها
وكله بميزان حسناتكم انشالله

 

[Little_Queen]

مااااااااااااااااكو فايده


جربناله كذا نوووع أكل .. سائل و صلب و غازي ! ماكو غازي بس استهبل ..

أمس عطيناها اكل فيه شوي سائل .. ما كلت
اليوم بالطبيب جرب يعطيها بسكوت ناشف
ما كلت
عطاها نتفه توونة .. ما كلت
الي الدكتور بطل حلجهاااا غصب و حطلها نتفه دااااااخل حلجها .. يالله بلعتها ..
ما تقاوم ولا تعنفص ... بس ما تاكل بروحها لازم أحد يحط اللقمة دااااخل حلجها !
اقصد حلجه - قاعده احاول اتذكر انه بسبوس مو بسبوسه ! - ...
و الحليب اليوم عقب نتفه التونة يالله شرب ...
بس ما يبي بحقنه !
و ما يبي بصحن !
يبي بالممية ..

مو مشكلة يباااا عطيناه الممية ... يقص الحلمه !
غيرناله الحلمة 3 مرات ... يشرب شوي و يقصها ... و يقعد يموموووووووووو معصب يبي يكمل الحليب !

اما عن ناحية تكيفه مع المكان ... فاهوا حده تكيف !
يعني حبيبي و احنا بالسيارة رادين من البيطري كنا حاطينه بصندوق كل شوي ينط و يطلع راسه و يزحف على ريلي يقعد تحت ايدي عشان ادلك راسه !

يعني الاخ خذا على الدلع و المسألة ما اعتقد خوف أو استغراب لانه ماشالله اجتماعي و مو خواف .. يعني حتى ما خاف من الطبيب ولا من الممرض ولا حتى من الابره !

و قاسوله الحرارة بدون أدنى مشاكل .. هادي وايد اسمالله عليه ..

بس مادري شفيه لايعه جبده من الحمام ما يبي يدش !! مادري متعود عالافرنجي الظاهر ! والله العظيم مادري

 

[Little_Queen]

اي على فكرة خل اقولكم نوعه يمكن تقدرون تفيدوني زيادة


اهو نوعه طلع egyption mau

على قولة الممرض - هازا يجي من مصر .. عشان جذي ايجيبشن .. و هو وايد يقول ماو ماو ماو .. عشان جذي اسمه ماو ! -


نفس هذا

 

[سكارف.فوشي]

ممممممممممممممممم عيل مالج الا تنطرين
يمكن مزاجي جم عمره ؟

 

[Little_Queen]

اسبوعين تقريبا


ليلوم ما أخرج .. وديناه الطبيب قعدو يدلكووون المنطقة عنده بشاش ... يالله يالله أخرج شوووووووووويييييييييييييييييييه



شوية شوية حيل


و الدكتور فحصه قالنا إن مثانته متروسة ... بس الظاهر كلش كلش ما تعود يدش حمام بروحه ...


فلازم الحين عقب ما نوكله نمسكه و نقعد ندلكله المنطقة ليمااااا يصرف مثانته


مسكين حبيبي اليوم كان قاعد يتحدى كلب و احنا بالطبيب !! مستوي عالكلب عشان الكلب مربووووط و هذاك ينابح بويهه و هذا يخترع يركض يشمشم ريلي !! ( ياخذ الطاقة منهم ! ) .. و يرد يستقوي عالكلب !


احسه قطو أهبل حبيبي فديييييييييييت خباله

 

[حلاها بلاها]

متاكده ان عمره اسبوعين ؟؟

لان القطاوه ما يبتدون ياكلون بروحهم الا بعمر شهر او ست اسابيع... غير جذي لازم تعطينه الحليب بالرضاعه لين يكبر.. والله يعينج و يصبرج عليه ^^

بس انتي تقولين ان يطامر و يمشي.. يعني معناته ان عمره اكثر من اسبوعين صح؟.. شوفي اذا عنده انياب او لا
اذا عنده يعني المفروض يقدر ياكل.. طيب جربتي تعطينه من اكل البيت؟..قطاوة الشارع ما يعترفون بالاكل المعلب او البسكوت.. جربي الدياي مثلا تعطينه دياي او سمج.. القطاوه يحبون الزفره

وعن مسالة الخروج .. طبيعي اذا ما اكل شي ماراح يخرج او يخرج بس بكميه قليله.. بس لا تقطعون عنه الحليب دامه يحبه يمكن لي كبر اشوي يبتدي يتقبل الاكل

 

[Little_Queen]

عنده أنياب ..

بس انيابه صغيرة

مادري والله انا كلش ما عندي خبره بالقطاوة هذي رفيجتي لأنها كانت تربي قطوه من قبل قالتلي هذا تقريبا عمره اسبوعين او ثلاثه مو أكثر !

اهو يطامر و يمشي و عادي يتصرف كقطو كبير بس حيل صغير

ليلحين ما يبي ياكل بس يبي يشرب حليب

و اليوم هم سويناله موضوع التدليك .. و هم أخرج شووووووووووووية

بس اليوم صار تطور .. انه راح صوب التراب ماله و قام يشمشمه و حفر فيه حفرة صغيرة .. بس ما أخرج فيها ... قعد يطالعها و يشمشم


و مشى !


بس عرف الظاهر انه هذا يحفرون فيه و يسوون .. بس اهو ماله خلق يسوي أو بالاحرى شكله مايعرف يسوي بروحه لازم نسويله التدليك


و فعلا نبهتيني و لفتي نظري يا حلاها انه نعطيه اكل بيت .. انا ورفيجتي مكشخينه شاريله أكل معلب و بسكوت ! صح والله خل نجرب نعطيه اكل بيت


و اهو وزنه الحين بالظبط 485 جرام ... الدكتور قال زين مافيه شي ..

 

[وردة-الكويت]

الله ياجرج يارب

ويشفيه

شوقتيني حطي لنا صورته الشخصيه

 

[يا صغر الفرح في قلبي]

والله شوفي
انا اللي اعرفه ان القطااوه الصغااار ما يخرجووون !!!!!!!!!!! او يمكن يخرجون شوووويه وامهم تمسحه لهم بلسانها ؟؟؟؟؟؟

اذكر لما كانوا قطاوتنا يولدون كنا نحطهم بكرتونه مع امهم ,, ومايروحون الحمام الا اذا كبروا شوي
تخيلي عمري ما كنت اشوف وصاخه بالكرتونه ؟؟!!!

 

[يا صغر الفرح في قلبي]

بس ترى قطوج جيييكر
لووووووول
حده شكله عاادي
بس صج يزاج الله خيير شكلكم قلبكم وااايد طيب اللي حنيتوا على هالمسكين ,,,,

 

[Little_Queen]

عاد تصدقون انا ليلحين ما صورته بتلفوني .. الصور كلها بتلفون رفيجتي ... و كله أنسى اخذهم منهااااا .. ما أتذكر أصور الا و احنا بالبيطري ذيك الايام و اقولها صوريه لأنه انا اكون ماسكته و اهما يعطونه الابره <<< اهيا تخاااف تشوفهم و اهما يقزونه و اهو يعنفص بإيد الممرض .. فانا امسكه و امسح على راسه عشان يهدى ..

بس خلاص اوعدكم انشالله باجر احطلكم الصورة


ياصغر الفرح في قلبي : والله كلامج نفس كلام الدكتور بالظبط ، اهو قال انه اهو ما يخرج لأنه ليلحين ما يعرف ، اهو متعود انه امه تلحسه و تدلكه فيخرج ، و بما انه يتيم و ما عنده ام ... فنصحنا انه ندلكه بقطن فيه ماي دافي .. و هذا الي صار ..

بس هااااااااااااااااااااااااااااااا تعالي ..
بعد قطووووو بالشارع شنو بنلاقيه ؟؟شيرازي ولا هيمالايا ؟؟ اكيد قطو عادي.. بس ما أرضى تقولين عنه جيكر

هذا وللللللللللدي حبيبي !!


شكله عادي بس اهو دمه خفيف .. والله صج برئ .. طفل والله احس كأنه انسان .. طفل بيبي يخاف و يشيطن و الله يكسر الخاطر


رفيجتي و اهي توصفلي شكله شلون واقف بوسط الشارع خااااايف من السياييير يدعمونه و مايدري شيسوي وين يروح !

والله العظيم عيني دمعت عليه حبيبي

امبي حتى الحين عيني بتدمع !!


ياربي هذي روح ... حرام تنقط و تتعذب و دام الله مقدرنا نسوي خير في هالروح المسكينه ليش ما نسوي ... و الله يحميه يارب والله مادري شقول ودي أدعيله الله يسعده و يوفقه بس اتذكر انه قطو مو آدمي !

بس هم الله يفرح قلبه مثل ما فرح قلبي انا و رفيجتي والله صار وناستنا و صرت كل يوم اروح حق رفيجتي بس عشان اشوفه و العب معاه !





بس ببشركم بنات الحمدلله الحمدلله الحمدلله اليوم بسبوس راح و حفر التراب و أخرج فيه .. و عالغدا حطتله رفيجتي دياي مفيوح جان ياااكل .. و شرب شوي حليب .. و أخرج مره ثانية

و قام يعرف التراب ماله ..


الله لا يحرمني منكم يا بنات والله


و نطرو صووور بسبووووس الصغير غدا

 

[twilightxlove]

hahaha el 7mdella 3ad el 86awa eshw8oon

 

[يا صغر الفرح في قلبي]

لووول يا ام الجيكرررررررر :23_asmilies-com:


تدرين انا مره ربيت قطووو قصدي قطووه نفس اللي حاطه صورته اهي قطوه شوارع ربيتها من اهي صغيره بس كانت وااااايد شيطانه ودمها خفيف ,, نفس ولدج بسبووووس ,,,,,,,يحليلها سميتها خوخه :eh_s(20): كانت اياااااااااااااااااام والله حيييل افتقد القطاااوه :eh_s(22):
احبهمممم
:eh_s(22):

اذكر قطوتنا خوخه من كبرت شوي انحااااشت :ssssso: امبيه عوورت قلبي:eh_s(16)::eh_s(16):

بس المفاجاه !!!!!!!!!!!!!!!









رجعت لنا بعد فتره واهي كبييييره وحاااااااااااااااااااااااااااااااامل وناااااسه
عاد كنا نعطيها اكل اهي وعيالها بس ماكنا نخليها بالبيت لا بره البيت
لان قطاوة الشوارع تلاقينهم شياطيييييين وما يحبون الحكره والقعده بالبيت لووووووووووول يحبون الهياته مو نفس القطاوه عيال الحماااايل كله لابدين بالبيت ويخافون يطلعون يااااي لوووووووووووول :sfg:



المهم حطيلنا صور هالجيييكر خلاتذكر قطوتي خوخه عفيه مو تنسسسسن ,,, يحليها كنت اقول ياربي شكلها مو شكل انثى شكلها عتوي مافيها انوووثه لوووووووووووول حشيت فيها واااااااااااااايد


المهم وبالنسبه للاكل ترى عادي تاكل من اكل البيت يعني عطوها لحم ودياي وشوي عيش من اكلكم ماله داعي اتكلفوون على عموووركم
ولا تنسووون الحليييب

00000000000000

ويزاكم الله خيير على اللي تسوووه ترى كل شي باجره ,,, واااااااااااااي شنو يعورني قلبي لما اشووووووف قطووو مدعوووم:ssssso: لا ورفيجاتي يدرون فيني احب القطاوه فلما اركب وياهم بالسياره ويشوفون قطو بالشارع انا اقولهم ديروا بالكم لا تدعمونهم تدرين شنو يسووون ؟؟؟؟؟؟؟ يروحووووون صوبهم بسرعه يعني جنه بيدعمووونهم علشااان يبوون يخرعوووني واااااااااي


قرقت وااايد جني صح ؟؟؟؟؟؟؟؟؟؟؟؟؟؟؟

 

[حلاها بلاها]

زيييييين يا الله عالبركه لول .. مشا الحال هاااااا فرجت اخيراااااااااا ^^

بس هااااا خلي بالج مو تكثرين له الاكل حتى لا يصيرله اسهال و يتلفكم .. عطيه باعتدال

ونبي صورته ^__^

 

[lojeeen]

نبي صورتاااااه يا ربي من قلتي انه ماو اشتهيت اشوفه هههههههههههه هل فصيله صج شخصيتهم وايد حلوه و مرحين

و الحمدالله على سلامه بسبوووس و افعصيه بالنيابه عني ^^

و خليج دوم معانا بهل قسم نسولف مع بعض عن حيواناتنا

 

[يا صغر الفرح في قلبي]

شدعوووه وين صورة هالشاب الوسيم ؟؟؟؟؟؟
والله اني ناطرته وناطره اخبااره حبيت هالقطووووووووو

 

[Little_Queen]

سووووووووووووووري حبيباتي بس من الاسبوع الي طاف ما شفت رفيجتي ولا شفت بسبوس


باجر بشوفها و باخذ الصووووور منهااااا ...


و أبشركم


باجر الله بيرزقني بقطووو

هم يتيم امه انحاشت عنه ... و ماكو احد يهتم فيه

اهو و عنده 3 خوات بنات ..

انا قررت اتبنى الذكر ..
رفيجتي ( ام بسبوس ) اخذت انثى .. عشان تزوجها حق بسبوس

و 2 لا يزالون قيد التبني


بس حييييييييل صغار ليلحين ما ياكلون بس يرضعون ... اتوقع عمرهم شهر ..



باركولي

و باجر بودي قطوي الصغير الخاص الى الطبيب يفحصه و يقزونه ابر و مادري شنو يخربطون فيه .. و بشوف شنو بسميه


عطوني اقتراحات

و انتظرو باجر صور بسبوس ( ولدي البكر ) .. و قطوي الجديد .. ولدي الجعده

 

[يا صغر الفرح في قلبي]

سووووووووووووووري حبيباتي بس من الاسبوع الي طاف ما شفت رفيجتي ولا شفت بسبوس


باجر بشوفها و باخذ الصووووور منهااااا ...


و أبشركم


باجر الله بيرزقني بقطووو

هم يتيم امه انحاشت عنه ... و ماكو احد يهتم فيه

اهو و عنده 3 خوات بنات ..

انا قررت اتبنى الذكر ..
رفيجتي ( ام بسبوس ) اخذت انثى .. عشان تزوجها حق بسبوس

و 2 لا يزالون قيد التبني


بس حييييييييل صغار ليلحين ما ياكلون بس يرضعون ... اتوقع عمرهم شهر ..



باركولي

و باجر بودي قطوي الصغير الخاص الى الطبيب يفحصه و يقزونه ابر و مادري شنو يخربطون فيه .. و بشوف شنو بسميه


عطوني اقتراحات

و انتظرو باجر صور بسبوس ( ولدي البكر ) .. و قطوي الجديد .. ولدي الجعده

مبروووووك حبيببتي يتربى بعزج يااااااااااارب

بس ياربي جني سامعه ان تربية الذكر اصعب من تربية النثيه لووووووول
يعني الذكر اذا كبر شوي ياذيج -الذكر يوصخ اكثر من النثيه ويبول على الاثاث وياكل اكثر من النثيه لوول

 

[عذبـة]

اي على فكرة خل اقولكم نوعه يمكن تقدرون تفيدوني زيادة


اهو نوعه طلع egyption mau

على قولة الممرض - هازا يجي من مصر .. عشان جذي ايجيبشن .. و هو وايد يقول ماو ماو ماو .. عشان جذي اسمه ماو ! -


نفس هذا

هههههههههههههههههههه اش الدكتوره الفله هآدي
يقلبي سموه ماو معناتو باللغه الفرعونيه قط ...


يجنن ماشاء الله يابختها الله يهنيهااا
نفسي بوآحد زيو :eh_s(2):