ساعدوو قطوتي عفيه

[hayzabona]

قوه خواتي

انا عندي قطو عمره تقريبا 9 اشهر

كان مزاجي يعني فجأه يلعب يلعب وفجأه بس بينام

شي طبيعي وكان متبتب شوي وخواتي يقولوله انت يالدب البطه

لين مره سبحته وسشورته وحاشه هوااا

صار بس يرجع

يمشي ويرجع والله
باليوم ست مرات يرجع

مع الابر والحبوب خق مده الترجيع بس هم ظل مريض ويرجع الفير والعصر

قامت امي ودته الطبيب مره ثانيه قال هذا داش فيه هوا مافيه شي جايد حطيته بداري داري حاره وصرت كله احطه بفراشي والحفه

وهو كله نايم يكسر الخاطر جنه ادمي وتخيلو انه يحن يعني تعبان

الحين الحمدلله وقف ترجيع بس مايلعب وكله يحقر صارله يومين على هالحاله ماكو ترجيع بس ماله خلق كله بينام ويشرب ماي وشوي يااكل بسكوت بس بسكوت البسكوت الوحيد اللي ما يرجعه

شسوي بنات شكلها عين ؟؟؟ احد صارله هالموقف وشنو سويتوو لاتقولين حليب لأن فيه حسياسيه من الحليب البسكوت زين بس كلش ماكو طاقه ويحقرني مابي يلعب وضعف واايد

 

[semony]

والله ذكرتيني كان عندي قطوه وجاتو عين من شخص نعرفه


والله خليته يتوضاله بالماي وروشته فيه والحمدلله اتحسن وماعاد تعب

عموما سويله حميه لانو طالع من مرض ومعدته ماتتقبل اي شي حاليا

اعطيه لباب الخبز مغمس بالحليب وكمان حاجات خفيفة بالسرنجة زي الزبادي


لا تعطينه اشياء دسمه الين يتحسن

الله يشفيه يارب

 

[sweet cake]

طبيعي يحقر لأنه ما تشافى تماما.. هو صار احسن بس للحين مريض.. انطري عليه واهتمي بتغذيته وما يشوف شر ان شاء الله..

وعلى فكره ترى حتى الحيوانات تجيهم عين

 

[shurooq]

اي تييهم عييين ويموتون بعد من العين


شوفي اهو مريض حرام

خليه بمكان دافييي وحتى الماي دافي


وانا اذكر انه قطوتي يوميا اوديها البيطري يغزها ابره عشان تنزل الحراره

ولا تسبحييينه كلشششش


الجو بارد


بالاسبوع مره


وطمنينا عليه

 

[mss.lol]

عاادي انا جم مرة اودي قطوتي الطبيب ويعطيها دوا تكون تقريبا

اسبوع او اقل تكون كل نايمه ومالها خلق

بس عادي مع العناية و الاهتمام ترجع مثل اول ^^

صح ممكن ياتله عين !!

 

[lojeeen]

ميخالف حبوبه اهو في مرحله نقاهه طبيعي انه ما استرد كامل نشاطه لأن الترجيع وايد يحرق المريء و يخربط المعده

سألي البيطري عن فيتامينات تعطينها له حتى تتحسن نفسيته و تقوى مناعته

 

[تيشيرت اخضر]

انا صار وياي مثل ماصار وياج او قمت عطيت قطوتي الأكل الجديد او اشربها حليب الطازج او ماسبب حساسيه ولا اي شي

بنات ترى انا اسمي (تيشيرت اخضر)او ماراح اقصر وياكم ان شاء الله او اي وحده فيكم تبي مساعده اتكلمني عالخاص اوك اعتبروني اختكم الصغيره او اي موضوع تبون فيه مساعده ان شاء الله ماراح اقصر وياكم والي اقدر عليه اسويه ان شاء الله او ماراح اقصر يارب

 

[ساره ام مريوم]

ما يشوف شر انشالله,اهم شي دفيه عدل و حاولي لا تسبحينه هالفتره,الله يشفيه حبيبتي.