ساعدووووووني :(

[نور Q8]

شلونكم بنات

انا حامل بالاسبوع ال 11 علي حسبه السونار المشكله اني لمن رحت موعدي

الدكتوره قالت ان البيبي اصغر من حجمه ووقتها كان بالاسبوع العاشر وفوق هذا

انا ناقصه ثلاثه كيلو في شي محيرني انا اخذ فوليك اسيد 5mg

ودكتورتي وصفتلي pregnaplan واهو في فوليك اسيد وقالت اخذهم مع بعض

بس انا سمعت ان كثر الفيتامينات باول الاشهر تضر البيبي ووممكن تشوه الله لا يقول

الي تعرف اي شي ياريت تقولي يزاها الله خير

ومنو كانت عندها البيبي صغير باول الاشهر

 

[اشلون يعني &]

الي اعرفه انه فولك اسيد مهم حق منع التشوهات
زين استشيري دكتورة ثانية اضمن لج

 

[نور Q8]

انا دقيت عليها وقلت لها الصيدلاني يقول موزين قالت مايضر

بس ما اقدر اغير من دكتوره لي دكتوره صعبه

 

[sosowaty]

الفوليك است وااااايد زين

 

[أبكاني ذنبي]

ماعندي علم

بس حبوب بريجنا بلان انا وصفتها لي الدكتورة بنص الثالث

 

[الجوهرا]

الفوليك اسيد مفيد للبيبي

 

[ديانا سبنسر]

الدكتورة ابخص

 

[ام فواازي]

انا مااستخدم الفوليك اسد بس بالثالث اخذ برغنت بلان
وترى الدكاتره مرات عيونهم على الفلوس
انا قالتلي صغير طنشتها لان توه حبيبتي ممكن تكونين حامل قبل الدوره ترى مستحيل الدكتوره بتعرف متى حملتي بالضبط هذا علم عند ربج لا تفكرين في كلامها واخذي بغننت بلان وطنشي الفولك لان اصلا البرغننت فيه فوليك
انا يوم قالتلي الدكتوره صغير كانت تبيني ازورها كل اسبوعين وغير جذي صرفتلي ادويه من صيدليتها تحسفت اني خذيتهم عطتني مثبتات و حبوب تزيد ضخ الدم للرحم على شنو عشان دم نزل يوم و وقف؟ صرفتهم و قطيتهم ماكليتهم وكا الحين البيبي وزنه زين و مافيه شي الحمدالله
انتي اذا شفتي الدكتوره بس ادور اعذار انج تدفعين فلوس اكثر وخري عنها غيريها هذه همها الفلوس
والله يتمم عليج هالفتره البيبي مايبين

 

[نور Q8]

^^^

اي انا حسيت فيها تبي فلوس ليش لان كنت بالاسبوع العاشر و٤ ايام
والبيبي يتحرك بالسونار خلتني اوسوس انا قايله من نفسي الموعد الياي
اذا حط لي موعد قريب بغيرها علي طول

 

[نوفلتي]

بس اخذي الفولك اسيد ولين دخلتي الرابع بتوصف لج فيتامينات .. واتوقع عادي يعطيج السونار اقل من حجم البيبي بشوي يعني مايخرع اذا وايد هني المفروض تحاتين...

 

[حب1985]

انا البيبي كان صغير بالنسبة لحجمه والفولك اسيد مامنه اضرار اذا زاد عن حاجتج يطلع مع العرق والبول وانتي بكرامة
وانا هم اخذ بريغنابلان بس الدكتور وصفه لي من الشهر الرابع ولما سألته قال لي ان الفيتامينات باول الاشهر تزيد اللوعة عليج ومامنها داعي بس ماقال لي انها تسوي تشوهات
انا كل اللي اعرفه ان فيتامين a كثرته موزينه باول الاشهر علشان جذي الحامل ماتاكل جبده وايد اذا باول الاشهر
بس في وايد دكاترة يوصفون الفيتامينات المتكامله للحامل باول الاشهر كل دكتور وطريقته يشوف شنو الحامل تحتاج
اذا محتارة سئلي دكتور ثاني شوفي شنو يقول