ساعدووووني ولدي رسب شسوي

[kbssma]

السلام عليكم ورحمة الله وبركاته
بنات ولدي كان باولي ابتدائي وثانية امتياز ويكرمونه ومرة كانت عندي وحده وقالت ولدج بكل شي شاطر بالدراسة والشطانه ومن يومه الولد قل مستواه والحين رسب برابعه ابتدائي والله اني بجيت بس ماني عارفه شسوي الحين اجيب له مدرسه والا ادخله معهد السيلكيا تكفوون اللي تعرف مدرسه شاطره تدزلي رقمها

ام محترة ومنقهرة علي روح قلبها ولدها::

 

[فوفو22]

لا عين ولا شي

اصلا كل عيالنا بالحكومه

ممتازين باولى وثانية وثالثة


والصدمه

يوم صار فيه نجاح وسقوط برابعه

وضحت الصوره

وتذكرت كلام نورية الصبيح وزيره السابقة

يوم قالت

نبي نطبق النجاح والسقوط من مرحلة اولى ابتدائي

كلوها الناس:eh_s(14):

وبالعكس

كلامها صح

كلنا ما ندرس عيالنا 100% ونركز على المراحل اللي فيها نجاح وسقوط

وهذه النتيجه

اللي درس واجتهد نجح

واللي مستواه اساسا بالفتره الاولى والثانية والثالثة ضعيف

اكيد مارح يكون عنده ظهر قوي لو ما قدم زين بالامتحان

حبيبتي

رب ضاره نافعه

شدي حيلج معاه السنه اليايه

وان شاء الله تشوفينه مع المتوفقين

 

[q879]

شنو معهد السيلكيا ممكن عنوانه لان بنتي ضعيفة بالانجليزي

 

[سيدة الكويت]

الله يعينج حبيبتى .........والله مو شئ سهل...شوفى نقاط الضعف وينها فى اى ماده ...شدى الحيل بالعطله

والله كريم

 

[أمواج البحر]

اول شي حبيبتي لاتقارنين مستوى ولدج باولى و ثانيه و ثالثه برابعه

لانه يختلف تمااااااااااااااااااما

رابعه صعبه وايد وامتحاناتهم ما كنت تعتمد بس على دراسة الفاينل كانت تعتمد على فهمه طول الفصل

واغلب اليهال يكونون ممتازين باول سنين دراستهم و برابعه يبين المستوى الحقيقي للطالب

مثل ماقالت كويتيه عسل اغلب الامهات معتمدين على انه ماكو رسوب باولى وثانيه

والمدرسات تحط امتياز للكل

وبدليل لما نروح حفلة التفوق مالت اولى وثانيه ماشاء الله الصف كله متفوق لكن رابعه ينعدون على الاصابع

اللي عليج الحين تشوفين نقاط الضعف فيه وتركزين عليه

دششيه نادي القاعده الحلبيه اسمع وايد يمدحونه

وشنو قصدج معهد السيلكيا؟ قصدج ديسللكسيا؟ اذا قصدج جذي على اي اساس قلتي ان فيه ديسلكسيا ؟ اهو مايقدر يقرا ولا يكتب يعني؟

اذا جذي عرضيه على اختصاصي اهو اخبر بهالشغلات

والله يخليه لج ان شاء الله

 

[بدوية اصيلة]

الله يعنيج يقلبى وان شاء الله ينجح عليج بتاسيسه من الحين بس لا تشدين عليه حيلل لايتعقد من الدراسة شوى شوى عليه وانا طرشتالج رقم مدرسة ممتاززة بنتعامل وياها وان شاء الله تحصلين مكان عندها

 

[kbssma]

مشكوورين كل اللي رد علي والله يعيني واقدر اسسه عدل