الدكتور يحيى علي
الدكتور طيب وايد ويحاول يساعد الطالب كثر مايقدر ويعطي فرصه ,عاد لنا امتحان المدتيرم لأن الدرجات مو شي وسهله وايد .
يعطي بونص بس مو وايد عطانا 2بونص
المحاظرات ممتعة والدكتور يونس ومايقصر بالساعات المكتبية يساعدج ويعيد لج النقاط .
الأنتقاد الوحيد أن الدكتور مايفهم عدل والماده تحتاج فهم
وأعتقد هذا السبب في نتائج الشعبه ألي كنت فيها
ونتايج الشعب
9 ف ,,, 9 د ,,, 15س,,, ب6,,, أ لأسف بس2
والله ماودي أنتقدا لأنه خوش دكتور بس لازم أكتب الصج
بنيان التركي
بنيان قبل كان بخيل بالدرجات بس الحين تغير
يبي كل يوم تحضير عن شي خذيتو قبل او شي بتاخذونه وحتى لو ما رفعتي ايدج راح يخليج تشاركين غصب حتى لو كنتي مو عارفه الاجابه وما راح يخليج الا لما تجاوبين حتى لو غلط المهم اجابه واذا سكتي هم ما راح يخليج حتى لو قعد المحاضره كلها عليج وامتحاناته سهله بس طويله وعادة يكون مقالي وشرحه ممتاز يدخل المعلومه غصب بالمخ
الدكتور فلاح ثاني شامان
اول شي بالشرح توب بس امتحانته اشوى صعبه وشديد مع الطلبه بس كلمة حق تنقال كل اللي يسويه علشان مصلحتهم وحقانى ودقيق بالتصليح اهو يخوف الواحد بس للامانه شرحه توب ويحاسب ع الغياب
رمضان عبدالستار
طريقـتــه :
محاضرته ممـله والحضور اشك انه له اهميه عنـده بس اذا عندج هومورك تقدرين تسوينه بالمحاضرة ..
الامتحانات مقاليه..سؤال واجابته بصفحه أو ثتنين .. يعطيكم الاسئلة قبلها بجم يوم ،والسؤال عبارة عن اسم فصل وتلخصوون الفصل وتحاولوون تترسوون صـفحة الاجابة..طبعا القـوائـم ما قصرووا قامو يلخصون ويحطونـه بالتصوير =)
خل يعرفج ..وكلشي راح يصير اوكي ..
سووا بريسينتيشن .. اعمال اضافيه ..ترجمة فصل ..هذا كـله يزيدكم آخر الفصل ..وايد وريه ويهج بالمكتب الفوضوي الي اهوو فيه ..عشان يحس انج شاده حيلج..
يرفع الكـل قريد آخر الكوورس
