ساعدووني مشكلتي سبة طلاقي تعببببببت

[لمووو]

بنات انا نفسيتي حيل تعبانه مشكلتي اني بعد ماولدت ولدي دم الدورة ماوقف ابدااااا انا لي سنة ونص تخيلو بنات سنه ونص دوره مادري نزيف
تعبت حييل لاني طلقت بهالسبب زوجي كان بيتزوج علي لاني عاالجت وماكو طبيب مارحتله يعطوني ادويه توقفها يوم يومين ووترد الدوره غزيره حيييل لدرجة ابدل كل 4 ساعات وويهي صار اصفر وذبل
بنات في شي غريب الدوره تنزل مثل دم متجمع كتل كبيره عزكم الله بشكل مستمر ووايد وايد والشي الثاني الغريب اني من اضغط على بطني(مثل الشد و طريقة الولاده) على طول ينزل الدم الغزير

بتقولولي راجعي طبيب يااكثر مارحت ياست سولي سونار واشعه مادري شنو ماكو شي

اذا تعرفون شنو هذا اللي فيني قولولي او اسم طبيب متخصص بهالامراض انا جد بحاله مايعلم فيها الا ربي لان اذا بستمر جذي لا يمكن اتزوج وانا عمري 21 سنه خربت حياتي بسبب النزيف اللي مو راضي يوقف سااعدوووني

 

[الجمال عنواني]

الله يشفيج خليج ع طول مع الدكتوره مالتج وتنضمها لج وانتي قبل الزواج كانت الدوره زينه؟

 

[لمووو]

كانت منتظمه قبل الزواج بس عقب الولاده صارت مستمره ماتنقطع الا بالحبوب ومن اتركها ثاني يوم ترد وزياده
حتى دكتورتي مالقيت عندها حل ماخذيت مننهم الا الاستغلال خذو مني فلوس الدنيا تحاليل ومسحات وكل مره سونار وسونار داخلي واشعه المراجعه الوحده تطلع علي 60 او اكثر مع الادويه ولا اشوف فايده تبهذلت والله وانا طالبه ادرس مو قادره على هالميزانيه للطبيب شهرياا وابي حل لو طبيب شااطر وفااهم

 

[love love]

حرام وليش ماصبر ريلج خو مو بايدج

مادري شقولج بس عليج بسوره البقره

 

[3aSaL Q8]

الله يشافييج يا اختي
راجعي هالدكتوره د.فاريبا فادودي ترى ممتازه وحده من اهلناا كان يحوشها نزيف وعيزت تروح دكاتره يسوولها سونار ويقولولها مافيج وهالدكتورة اكتشفت ان فيها تليفات كبر حجم الرحم شالته لها وعطتها ابره وقفت الدوره 6 شهور لان قالتلها التليفات تحب الدم وتعيش عليه
اهي بروفيسوره المانيه اصلها ايراني
عيادتها بمركز عنايه الالماني الطبي السالمية شارع المخفر - مقابل مخفر السالمية 22575077
وعندج الدكتوره سلوى الرفاعي هم ممتازه
وعسى ربي يشافيج وتبشرينه بشفاج يارب

 

[رحيل المرافيء]

يمكن معاج خمول بالغدة الدرقية جيكي انا جذيه الدم مايوقف على طوول نزيف
وبس عالجتها وقف الدم
وجيكي على الضغط
جيكي على الرحم تليفات ولا شي ولا اثناء الولادة شادين معاج
روحي طبيب شاطر
عندج نداء بو خضووور ممتازة ومو مادية

 

[غٌربَة مَشَشآعِر]

الله يشافيج يارب

 

[الصـوت الجريـح]

لا تسكتين على نفسج شوفي لج حل مثل ما قالوا البنات والأطباء اللي ذكروهم
مافي داء ماله دواء والله يشفيج يارب ^^

​

 

[** باربي **]

ياحياتي والله

وشنو مافيه حير يطلقج عشان هالسبب ما صبر على زوجته

لو اهو بتسوين مثله

حسبي الله ونعم الوكيل بالرياييل الانانيين

اهني ترى اخرطي

ليش ما تروحين برى ترى مو زين!!.؟ وعالجي بطريقه روحانية

 

[om-3abodey]

حبيبتي من صجج طلقج عالشان جذي

الي صار معاج صار معامي ورفيجتي امي كان السبب تليفات وشالوهم لهاورفيجتي الغدة تخيلي كان رمضان وتحسب انه دورة مسكينه ماكنت تدري قلت لها من صجج للحين فاطرة هذه استحاضة يمكن موحيض روحي سوي تحاليل ويوم سوت طلع الغدة

 

[لمووو]

فديتكم بناااااااات مشكوورييين اليوووووم من يصبح الصبح برووح واسوي اللي قلتولي عليه اكيد فيني وحده منهم لانه مووصج اللي قاعد يصير فيني
واقولكم شيصير معاي
الله يجزااكم خيير ريحتووني الله يطمن قلووبكم مثل ماطمنتوني قولو اميييييييييييييين

 

[فديت منورة]

الله يشافيج حبيبتي

ليش ماتروحين للحريم اللي يعالجون في شغلات مايعرفونها بالمستشفيات

 

[سلايل*عبس]

ياربي قلبي معاج والله - لاوصغيره بعد حسبي الله ونعم الوكيل بس

حبيبتي روحي حق ناهده العلي ترا شاااطره - وفي وحده من الخوات قالتلج عن البروفيسور فاربيا مادري ليش اقنعني حجيها روحي يمكن شفائج الله حاطه بايدها - وداومي على الاستغفار - والرقيه الشرعيه اذا عندج ايفون ترا موجوده بالاب ستور بصوت القطامي كامله شغليها ونامي عليها وهم انتي اقريها على نفسج واقري البقره يوميا لاتخلينها والله يشافيج ياربي ..

لاحول ولاقوة الا بالله ..
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج
اسال الله العظيم رب العرش العظيم ان يشفيج .. امين

 

[ملكة ورود]

السلام عليكم
اذهبي لعند هذي دكتورة شاطرة حيل بصراحه


الله يشافييج يا اختي
راجعي هالدكتوره د.فاريبا فادودي ترى ممتازه وحده من اهلناا كان يحوشها نزيف وعيزت تروح دكاتره يسوولها سونار ويقولولها مافيج وهالدكتورة اكتشفت ان فيها تليفات كبر حجم الرحم شالته لها وعطتها ابره وقفت الدوره 6 شهور لان قالتلها التليفات تحب الدم وتعيش عليه
اهي بروفيسوره المانيه اصلها ايراني
عيادتها بمركز عنايه الالماني الطبي السالمية شارع المخفر - مقابل مخفر السالمية 22575077
وعندج الدكتوره سلوى الرفاعي هم ممتازه
وعسى ربي يشافيج وتبشرينه بشفاج يارب

 

[بوسيcat]

الله يشافيج اختي
وهذا ريلج مافيه صبر صج انه اناني من اولها جذي

كل شي له حل وانشالله تلاقين العلاج
ونبي اطمنينا عليج

 

[حناينq8]

اسال الله العظيم رب العرش العظيم ان يشفيج

 

[ياسمين الاردنية]

الله يشفيكي ....... طمنيني عنك شو بصير معك

 

[الباحثات عن الجمال]

أسأل الله العظيم رب العرش العظيم أن يشفيك.
وربنا يعوض عليكي بزوج صالح إن شاء الله المهم يا حبوبه روحي لأي من الطبيبات اللي قالو عليها البنات وسوي سونار ثلاثي الأبعاد على الحوض والبطن وقياس ضغط الدم وعمل صورة دم كاملة واختبارات سيولة الدم واختبارت الغدة .[font=&quot] [/font] [font=&quot]قشر رمان مطحون قدر ملعقة ومثله معه من العفص المطحون ويعجن ذلك في عصير أوراق الآس (الريحان) ويلف منه بالشاش قدر تحميلة (لبوس) مهبلي يوضع في المهبل من المساء للصباح ويغير مع الإكثار من شرب عصير البرتقال.
[/font]
[font=&quot]وقولى لنا النتيجة إن شاء الله يكون لها حل وبالعافية.
[/font]

 

[سميه الحلوه :)]

فيه شي اسمه استحاضه أرقي نفسج
سوي تحليل للغده ساعات تسوي نزيف

اسأل الله العظيم رب العرش العظيم ان يشفيكي
الله يأجرج في مصيبتج ويخلف لج خير منها

بس اهم شي لا تسكتين عن نفسج اتكلي على الله وادعي

 

[منديلة]

ياختي جربي الطب الشعبي الله يشفيك ان شاء الله