ساعدوني

[قلب ريلها]

السلام عليكم اخباركم خواتي
حبيت انزل موضوي الطازج

تذذكرون قصة اجهاضي :bbbiu: المهم اليوم رحت حق الدكتور حق فحوصات ليش من احمل اسقط 3 مرات مرتين شهر وشي وثالث حمله داشه الرابع
المهم سويت الفحوصات الحمدالله تمام والبويضات الحمدالله حجمهم اوكي ومافيني تكيس وتبويضي اوكي كل شي الحمدالله رب العالمين :yaaaaaarb:وانا مسقطه شهر 7 وللحين ماحملت اول شهرين من بعد الاسقاط ماياتني الدوره ونزلت عقب ودورتي منتظمه بس للحين ماحملت ومو عارفه ايش السبب المهم قال لي كل شي طبيعي فيج بس طلب اسوي اشعه الصبغه ليش وانا احمل طبيعي وماعندي مشاكل وطلب بعد ريلي يسوي فحص عينه ليش وانا متاكده ان ريلي مستحيل يسويها وكل حملاتي طبيعيه الحمدالله

 

[كاف نون يكون]

اقنعي زوجج يسوي العينه يمكن يكون الخلل منه
وانتي اقري ع نفسج وعليج بالرقيه الشرعيه

 

[هيبة ملك]

أرقي نفسج أختي

 

[ابدا يالغالي مانساك]

حبيبتي هو الحمدلله
انتي مافيج شي وتحملن بس الدكتور ليه يبي الفحوصات بيشوف
سبب هالاجهاض عشان لاحملتي ان شالله يعرف شنو ويكون حريص
وانتي سوي اشعة الصبغه وزوجج عادي لحي عليه وقولي لهاااا
وربي يثبة حمالج ان شالله

 

[برنسيسة2007]

حبيبتي مو السائل المنوي ممكن يتغير ويصير فيه حلل:
مثلا الاتهابات-دوالي الخصيه وغيرها من الاسباب يصاب فيه الذكر باي وقت لذلك خلي زوجج يفحص دامج سليمه ميه ميه
ونصيحه لج:
١-اذا سويتي الصبغه وطلع عندج انسداد اخذي عشبة المدينه
٢-اختي تجهض في الشهر الخامس ومو عارفين الاسباب حتى الجنين خذوه يفحصونه عشان يعرفون الاسباب ولا اعرفوا السبب وبعد فتره واهي وزوجها من دكتور الى دكتور طلع الموضوع بسيط عندها جرثومه في الرحم وترا الالتهابات خطييييره ديري بالج منها فانتي تاكدي مافيج جرثومه وان سليمه ايضا من الالتهابات
٢-ادعي الله وحصني نفسج

 

[قلب ريلها]

مشكورين خواتي ماقصرتوا

 

[جديده 1]

افحصي الغدد عندج كلها .. افحصي الاجسام المضاده .. اذا دمج سالب لازم تاخذين ابر من بعد الاجهاض حق البيبي القادم

 

[قلب ريلها]

افحصي الغدد عندج كلها .. افحصي الاجسام المضاده .. اذا دمج سالب لازم تاخذين ابر من بعد الاجهاض حق البيبي القادم

فحصت الغدد الحمدالله مافيها شي

سويت فحوصات للاجسام المضاده بعد الحمدالله رب العالمين كلهم نيقتف ومافيني شي سليمه

كل الفحوصات الحمدالله رب العالمين طبيعيه بس موعارفه السبب

 

[حلو القصيد]

الله يرزقنا كلنا ياررررررررررررب

 

[اخت خالتهم]

الله يرزقـج يـارب يـا كريـم

 

[جديده 1]

الصبغه يسوونها اللي مايحملون بس انتي تحملين فمالها شغل ماعنده سالفه ..
سألي عن فحص الجرثومه بالرحم قرأت وحده كان هذا سبب اجهاضها