ساعدوني :(

[مات الاحساس]

السلام عليكم
معاكم مات الأحساس من البحرين
طبعا عيزت وانا ادور واحوس بين هالمواضيع
ادور حل حق هالكشه :$
شعري يعني !!
قبل كان شعري طوووويل يوصل لنص ظهري وماقدر اقولكم غليظ لكن كثافته كانت زينه ومريحتني
رحت الصالون قبل العيد
وقلت حق الفلبينيه تقصه لي شويه من تحت على اساس ابي اغير الستايل
وحتته لي كله !!
يعني صار قصير
كان عندي تساقط قبل
بس الحين احسه وايد زاد !!
يممكن لانه قصير ويبين فيه اكثر من الطويل
تعبت والله تعبت منه
صرت استحي اشيل الشيله حتى في بيت يدي !!
عندي فراغات وايد
وكلها صايره جدام

ولما اتسبح اتعب نفسياَ
شعري يطيح في يدي
لما اغسله من الشامبو بس مع كل لمسه لازم يدي متروسه شعر
صرت اخاف اغسله !!
اخليه باليومين !!
بس عشان مايعورني قلبي وانا اجوفه يطيح !!
جربت دهون الدنيا
وماتم خلطه ماحطيتها
حتى ثوم حطيت وابوي كان بيطردني من البيت والسبه الريحه هههههههههه
عطوني حل بليز
ابي شعر مثل الأوادم تعععععععععععععععبت والله
توني صغيره على هالشعر
توني 20 !!
يزاكم الله خير ساعدوني
:eh_s(2)::eh_s(2)::eh_s(2)::eh_s(2)::eh_s(2)::eh_s(2):

 

[فراولة فسفوريه]

حيااج الله ماات الاحساااس وهلا باهل البحريين

اعرف ان في حبوب زيت السمك مكملات غذائيه تنفع للبشره والشعر

انشالله البنات يفيدونج

 

[مات الاحساس]

قالوا لي زيت حبوب السمك حق الي ماياكلون سمج
وانا قتليني ع السمج احلى وجبه عندي مومقصره من هالناحيه
اتمنى البنات يردون علي
مشكوره فديتج فراوله

 

[موزة ام فارس]

سوي ماسك السدر والحنة مرتين بالاسبوع او مره وحده
صج عن تجربة احسن علاج للشعرررر
والصبار الطبيعي عن تجربة يوقف التساقط عجيييب

 

[مات الاحساس]

السدر شنو :$
والصبار الطبيعي شلون يعني اشتريه ؟ << سمحي لي ع الاسئله :$
ابي شي ينبت الشعر مكان الي مافي

 

[موزة ام فارس]

السدر حبيبتي تلاقينه عند الحواي في ناعم مطحون او ورق انتي تاخذينه وتطحنينه
انا اشتريه دايما مطحون واعجنه بماي او قهوة واحطه بشعري نص ساعه واغسله
يكثررر الشعر عجييييب
الصبار تشترينه شتلة عادية من المشاتل وتقطعين جزء منه وتاخذين اللب اللي داخله
وتحطينه على فروة راسج ومع المساج الخفيف 3 دقايق وخليه نص ساعة
غسليه واستمري عليهم وان شاء الله شعرج يرجع مثل قبل واحسن

 

[مات الاحساس]

ياااارب الله يسمع منج
مشكووووووووووووووره وماقصرتي والله :$
ان شاءالله باجرب ^_^

 

[فدوووو]

في موضوع لاافراح هو اللي راح يفيدك

http://www.q8yat.com/t927660.html

 

[RAHAF Q8]

الله يعينج عاد الا الشعر

انشاء الله تنحل مشكلة شعرج
ولاحظت أكثر البنات بالقسم يمدحون السدر للشعر
جربي مدام جربتي زيوت ومافادت انشاء الله السدر يعطيج اللي تبيين

وحل أخير بس مؤقت= اكستنشن يسد الفراغات الي مأذيتج

 

[مات الاحساس]

فدوو حبيبتي جفته الموضوع
بس فيه اشياء مب متوفره في البحرين
للأسف الشديد
والسدر ان شاءالله راح اجربه
مشكورين وماقصرتوا

 

[q8 83]

انا بعطيج حل ان شالله يفيد معاج بس بشرط تطبقينه بدون ما تتنازلين عن شي

1- الشعر يحتاج تغذيه من داخل و برا يعني مو بس زيوت لا بعد فيتامينات راح اعطيج اسم فيتامينات عجيييبة خلال اسبوعين او اقل راح يفرق عليج التساقط اسمهم فيفسكال موجودين بكل الصيدليات وااااااااااااااايد زينين عن تجربه كنت اخاف امشط شعري من كثر ما يطيح بس من بلشت بهالحبوب و ما شالله الفرق واضح .

2 - خلي احد ايده زينه بالقص يقص اطراف شعرج يمكن ألي قصت لج ايدها مو زينه ان شالله امج تقص لج او اي احد تدرين ان الشعر يطول على ايدها .

3- لا تهرين شعرج بالزيوت حطيله مرتين بالاسبوع زيت او خلطه و خليه يرتاح باجي الاسبوع و لا تكثرين من غسله .

4- لا تحطين الشامبوا بشكل مباشر على الشعر خففيه بماي و غسلي شعرج فيه لان الشامبوا قوي على الشعر و خصوصا الشعر الضعيف مثل شعرج .

ان شالله اكون فدتج و ماكثرت عليج بالكلام و اي سؤال من عيوني

 

[$حبيبة عبودي$]

دشي ملفي الشخصي كاتبه موضوع عن الشعر روووووعه

 

[مات الاحساس]

مشكوووووره فديتج ماقصرتي
ان شاءالله راح اشتريهم واجوف
هههه بروحه شعري قصير اخاف اقصه واصير صبي

 

[Beyoncee]

جربي الخروع
ينبت الشعر من استعماله

 

[سمو الغلآ]

جربي هالحبوووب والله علييهم مدح مو طبيعي وانا ناويه عليهم ان شاء الله <<اخذي اللي جنهم بعلبه دواء هذي يمدحونها اكثثر

وهم هير فت فضضضيعه تطوول الشعر ..,,


<<سووي عنهم سييرج بقوقل وشووفي تجارب البنات ..,


ودعوواتج ..,

 

[مات الاحساس]

مشكورين :$
عاد الحين اخذ هاي الاخضر لو فيفسكال !؟
مايصير اخذهم اثنينهم بنفس الوقت :$؟