شوفي انا بشرتي مختلطة تميل للدهنية
اغسلها يوميا بصابونة فير اند وايت بفيتامين سي -------------- من كثر ما اذكرها بكل موضوع مفروض تكون لي نسبة من الشركه
خخخخخخخخخخخخخخخخخخ
المهم وعندي تونك هملايا بالياسمين خفيف ورقيق على البشره امسح ويهي بقطنه منه لما ارجع من الدوام وقبل لا اروح الدوام عادي كثر ما تبين هو حيل رقيق وخفيف
مرتين بالاسبوع احط سنفره على ويهي اي سنفره عندي وايد واسنفرها بالة نيتروجينا ويف اللي تدور
تسوي الويه ناعم
قبل لا اروح الدوام احط كريم غارنيه للصباح واخفي بعض الحبوب او العيوب بعدين اطبطب بالبودره على ويهي شوي وخلاص
لما ارجع مثل ما قلت لج انظف ويهي بالصابون فير اند وايت بعدين بالتونك بعدين احط كريم تغذيه
انا انصح بمنتجات مثل غارنيه وايد خفيف وحلو على البشره لكن حاليا استخدم كريم خاص للتغذيه على برنامج وصفته لي الدكتوره
اشوفه زوين بس مو حيل
وبالليل احط كريم ... مثل كريم فير اند وايت
ومرات كريم دالفور .................. ادري بتقولون مو زين وخطير بس انا استخدمته مرات كثيره ومجازفه
او احط اي خلطة اكون شاريتها من عطار للتصفية او التبييض او انتي سويها من النت بس كوني حذره بالمكونات
عندي بخاخ ماي ورد كل ما حسيت اني تعبانه بخيت ويهي علشان انتعش وتنتعش بشرتي
في نصيحه وايد قالوها لي
جيبي كوب ماي دافي الصبح على الريق وحطي عليه ملعقة عسل وعصرة ليمون واشربيها
بيساعد بتحسين بشرتج
ونصيحه ترى البنات اللي تشوفين بشراتهم تهبل كلهم يستخدمون كريمات وخلطات وبلاااااااااااااااااوي الدنيا
بس ما يعلمون
انا هذا كل برنامج ما عندي غيره حاليا ودايم ابدل بالكريمات ملوت العنايه من فتره لثانيه علشان اجرب نوعيات افضل واحسن
---------------------------------------
بالنسبة للمكياج :
كريمي للمناسبات ............ كريولاين سوبرا كلر
كريمي للطلعات .............. مينارد مع بودرته وتراه واااااااااااااااااااايد خفيف بس يهبل على الويه
قبل لا تحطين مكياج غسلي ويهي بالصابونه وسنفريه عدل علشان يصير ناعم وعقب بخي ويهج ماي ورد وكثري وخليه ينشب وعقب حطي مرطب وترى غارنيه ينفع يهبل
او حطي فيتامين سي بودي شوب كمرطب يهبببببببببببببببل
ولا تقربين صوب مناطق الدهن الخشم والجبهه مو ناقصين ترطيبهم من الله يلمعون من الدهن
ولما تخلصين حطي مثبتج الفكسر وكريولاين يهبل الفكسر مالهم
وطبعها المثبت تحطينه بالمناسبات مو كل يوم للدوام
وسلامتج قلت لج كل شي استخدمه الاولى والتالي
ادري انهم وايد اشياء بس بعدين بيصيرون عادي من كثر ما تكررينهم كل يوم
