ساعدوني..يابولي قطوة هدية وحدي متوهقه

[cadi28]

السلام عليكم
بنات الله يخليكم اللي عندها خبره بالقطاوة خل تساعدني حدي متوهقه عندي قطوة شيرازيه عمرها شهرين يايتني هديه مع بوكس مثل البيت لها وصحن كبير شوي حق الرمل وصحون الاكل والماي:eh_s(6): ما اعرف شنو اساميهم ولا عارفه شلون اتعامل معاها وشنو اشتريلها وشنو اوكلها ومن وين؟ بليييز نقذوني من كثر مو متوهقه افكر ما اخليها عندي بس مشوقتني وهم شويه اخاف منها مو وايد وما اعرف شلون العب وياها واختي تقول انها تشمخ بس ما تعورت وايد واهيه مطعمه وخالصخ بليز ساعدوني وشوروا علي
والله يعطيكم العافيه

 

[حبيبة عبادي]

يختي اذا صغيره وتشمخ قصي اظافرها وعادي ترى مدام عمرها شهرين اولا ما تكون مطعمه لانها اقل من 3 شهور واذا عضتج ترة عضتها ما تعور وكله لعبي معاها والعابها تلقينهم بمركز السلطان نفس الفاره هذي القطوه تموت عليهاولا توكلينها سمج بس دياي ولحم

 

[cadi28]

ويي جنه قالولي مطعمه؟؟ يمكن اكبر من شهرين؟ والله انا ما اعرف شي بالقطاوة حدي متوهقه مادري شسوي؟ اخاف تمرضوالا شي والله قاعده احاتي

 

[ياعشيري جعلك السلال]

وناااسه

حبيبتي من قال شهرين ما تتطعم

انا قطاوتي توني بايعتهم عمرهم شهرين ومطعمتهم ومدربين بعد

ولهم تطعيم ثاني بعد شهر

وكليها دراي فود تلقينه بالجمعيات مكتوب عليه كيتنز للقطاوة الصغار

ولا تعطينها اكل علب تو الناس صغيره

وسبحيها بالاسبوع مرة بشامبو جونسوون ونشفيها بالسشوار

 

[cadi28]

امبييييه شكلي بحسر بهالقطوة مسكينه انا وين والقطاوة وين ما اعرف ولا شي حقهم

 

[عجميه توت]

شوفي لعبها شوي شر بس لاتخافين انا ساعات العب معاهم ودي يتحولون نموره لعب اقشر والسباحه بالاسبوع مره شامبو جونسون بس اول الشي الجسم بعدين الويه على الخفيف موتغرقينها ماي واكلها تلاقينه بالجمعيات اخذي لها بالدجاج او الخضروات ماركة ويسكاس وبووووسيها حيل بالبنايه عني لاتشوفين الحين عندي 3 قطاوه اللي على الكيبورد والا يعضض ريلي وبخاطري نمــــــر

 

[dema Q8]

أول شي مبروك على الهديه وتتربى بعزج ههههه..شوفي حبوبه انا بعطيج معلومات راح تفيدج وايد اول شي الرمل الطبي أخذيه من مركز سلطان او ايس او سوق الحمام المهم انه يكون طبي افضل بعدين عطيها دراي فوود اللي اهو الاكل الناشف يصيرون حبوب هم تلقينه بكل مكان والسمج يخلي شعرها يحت .. انا كنت اشرب قطاوتي حليب التموين علشان يصيرون شويه متعافيين .. وبين فتره وفتره قصي اظافرها احسن لج واحسن لها طبعا بالبيطري قصيهم واي شامبو مال الاطفال تقدرين تستخدمينه حق القطاوه والافضل تاخذين لها شامبو قطاوه لان تكون فيه مواد تحميها من القمل واللي اهم من هذا انج تنشفين شعرها عدل عدل عدل لان الماي اذا تم بشعر اي حيوان سواء قطوه والا جلب راح يسبب مثل فطريات او حساسيه بالجلد يعني لما تسبحينها تاكدي ان الشامبو طلع من شعرها تماما وبعدها نشفيها بالسشوار طبعا كل القطاوه يخافون من السشوار ويشمخون وينحاشون انا كنت احطهم بالبوكس اللي اهو الصندوق مالهم واشغل السشوار عليهم عموما القطو حيوان نظيف يوصخ بمكانه وانتي حطي اكلها ومايها يم مكان الرمل ودايما غيري الماي مالها والاكل اذا ماكلته او اكلت شوي وخلصت شيليه عنها وعطيها بعدها ثلاث وجبات باليوم بالكثير اربع تعطينها وفي قطاوه مشافيح اربعه وعشرين ساعه ياكلون وسلامتج وتعيشين اتمنى اني اكون فدتج :eh_s(6):

 

[سكارف.فوشي]

صحن الرمل يسمونه لتر بوكس روحي مركز سلطان واشتري رمل حقها مع مغرفه ولا اقولج دخلي موضوعي المثبت عن الاغراض الي لازم نشتريها قبل لا نشتري القطوه وايد راح يوجهج وبس سهاله الباجي لا تحاتين
اهم شي حطي لها الرمل ووترسي بطنها ولعبيها لووووول

 

[cadi28]

مشكوريييييييين كلكم وما قصرتوا بعد عمري واللي عندها نصايح اكثر اكون شاكرتلها

 

[Aboosah]

وااااااااااااااااااااااااااو ونااااااااااااااااااااااااااااااااسه والله يهبلووووووووووووووون فديتهم

 

[الكرزي]

مبروووووك حبيبتي والبنات ماقصروا

 

[تولاي 2009]

ماقصرو البنات انا مثلج توني اعليميه هههههه

 

[D A N G E R]

خخخخخخخخخخخ

ماحبيت اطلع من دون رد الله يهنيك فيها اولا

ثانيا انا مااعرف شي بالقطاوه

حدي هامستراتي فديتهم

 

[AnnaLina]

ماعرف والله بس دوريي بالنت تلقين كل المعلومات