ساعدوني,,وين اسوي هالعمليه,,

[%فتون الليل%]

السلام عليكم ورحمة الله وبركاته,,
شلوكم بنات,,بأدش بالموضوع على طول,,
أنا حامل بالسابع وفيني فتق بالسره وودي أسوي عمليته بعد ما أولد بالسلامه إن شاء الله,,
وين تنصحوني أسويها ,, ورجاءا اللي مسويه هالعمليه وحملت بعدها وماعانت بالحمل الثاني وما تأثرت العمليه بشيء اتمنى تدخل وتكلمني عن عمليتها,,وين سوتها؟؟ وشكثر خذت بعد العمليه عشان يلتأم الجرح؟؟ وجم كلفت عليها؟؟
ومشكوره لكل وحده تفيدني واللي ماعندها فكره ياليت ماتطلع بدون رد,,,وأدري ماتقصرون كلكم,,,

 

[بنفســـــج]

ما اعرف بالفتق لكن اعرف ان دكتور محمد الجار الله يسويها أشوف اعلانها بالعيادة عنده

ان شاء الله الي سووها يفيدونج وتقومين بالسلامة

 

[زهرة الخليج 81]

عسى ربي ييسر امورج يارب
بس انا اعرف الدكتور خالد عياش بالشفا اهو بالجراحة ماشاللله شاااااطر بس مادري بخصوص حالتج ماسمعت عنها

 

[afesa]

روحي عند خالد العنزي ....مبدع واهو يوجهك وينصحك ويقولك وين تروحين ..اهو استشاري بامراض الجهاز الهضمي بس باسالك اذا ناويه تحملين ليش بتسوينها الحين ؟؟؟اجليها شوي اذا تقدرين تصبرين وتتحملين الفتاق وييبي كل العيال اللي مخططه تييبينهم وبعدين سوي اللي تبين ..

 

[a6oby]

الدكتور هشام بو رزق سوالي العمليه بس انا مو متزوجه دكتور رائع

الله اقومج بالسلامه

 

[%فتون الليل%]

بنفسج,,زهرة الخليج,,شرفني مروركم ومشكوره عالمعلومه,,,
afesa,,,مشكوره عالمرور حبوبه,,وإذا عالحمال مانخلص زوجي مايرضى أقول هالحد بأوقف,,,
وعايلتنا كل حريمنا يجيبون لين توقف من الله,,,وأنا صغيره والفتق مخرب شكل جسمي,,,موقادره ألبس وأتخصر مثل قبل,,,ومستحيل انطر أكثر,,صارله معاي خمس سنين ومجنني,,,
أنا دكتورتي قالت نسويه لج بعد ماتولدين,,,لكن أنا موحابه أسويه عندها,,,أنا أفضل العدان بس بالولاده لكن عمليات وهالسوالف لا,,,,
a6oby,,,مرورج عطر الموضوع,,,,وأنا ودي بوحده متزوجه وحملت بعد العمليه وماصار معاها مشاكل,,,عشان ارتاح موأكثر,,,

 

[%فتون الليل%]

رد : ساعدوني,,وين اسوي هالعمليه,,

شدعوه بنات؟؟ ولا وحده عندها فكره,,,منها أو من أمها!!!
عاد أنا أقول الفتق منتشر بين الحريم حيل!!!
توقعت أحصل آراء وردود كثيره ؟؟
وبعدين أنا توقعت واجد الحريم اللي خاطوا وحملوا؟؟ شدعوه,,ولا وحده تعرف وحده كان فيها وخاطته؟؟ وحملت بعد العمليه ولا انفتح معاها؟؟
همتكم بنات,,الوقت يمر ولازم أقرر وين اسوي العمليه,,,أبي شي مجرب ومضمون,,,

 

[brendyshoo]

رد : ساعدوني,,وين اسوي هالعمليه,,

مرت عمي سوته بالعسكري تقول زين والله ماادري

 

[0oR0R0 honeyo0]

عسى ربي ييسر امرك آمين ..
ماعندي فكره ..

 

[%فتون الليل%]

رد : ساعدوني,,وين اسوي هالعمليه,,

brendyshoo,,roro,,
تسلمون عالرد مروركم عطر الموضوع,,

 

[Sweat Dreams]

رد : ساعدوني,,وين اسوي هالعمليه,,

آنا نفس حالتج يا ليت أحد يفيدنا

 

[%فتون الليل%]

رد : ساعدوني,,وين اسوي هالعمليه,,

sweet,,حياج حبيبتي,,اخيرا لقيت أحد نفس حالتي,,,
أنا دخلني شك لما شفت البنات ما يتجاوبون,,,قلت أخاف شي نادر وأنا حسبالي عادي!!!
عسى الله يشافينا ويسهل عمليتنا,,وكل مسلم,,آمين,,

 

[آهات الليل]

بعد عمري الله يشافيج والله ماعندي فكره

 

[%فتون الليل%]

رد : ساعدوني,,وين اسوي هالعمليه,,

مشكوره آهات,,الله يهون عليج ويقومج بالسلامه,,يارب,,

 

[العصامية]

أب أب أب



نفس الحالة ؟؟؟؟؟؟؟؟؟؟
​

 

[noof nasser]

رد : ساعدوني,,وين اسوي هالعمليه,,

الله يشافيج والله ماعندي فكره

 

[lindaa]

مرااااااااااااااحب انا نفسج فيني افتاق ودي اسوي العمليه مع شفط بس خايفه ولا ادري وين اسويها

 

[سما الكويت]

عسى الله يعافيج يا الغاليه...

 

[هموووس]

الله يشفيكم جميع

 

[Sweat Dreams]

رد : ساعدوني,,وين اسوي هالعمليه,,

الله كريم ويرد علينا أحد آنا بولد بالهادي إنشالله وبحاول أستشير جراح بعد الولاده هناك وبشوف شيقولي