ساعدوني وزن الجنين كبير

[خوخه $$]

||• آڵسـ♥ــڵٱم ؏ـلـ♥ـييگم •||
بـــنـ. ߪƝªṪ ــآآآآآت ابي المساعده منكم انا قبل سبع ايام رحت سويت سونار بالصباح وانا حامل باخر يومين بالثامن يعني يومين ادش التاسع وقالي الدكتور وزن الجنين 2،700 واليوم رحت دار الشفا وقالي الدكتور وزن الجنين 3،300 معقوله انه يزيد وزن الجنين 600 جرام خلال 6 ايام وقالي ان وزنه كبير وانا اول التاسع :eh_s(10):

 

[Emanii]

انزين و اذا وزنه كبير الحمدلله مافيها شي

 

[*ضيفة*]

يمكن يولونج قبل موعدج

 

[Ro00os]

نفسي قالولي وزن ألبيبي كبير ٣٨٠٠ ولدوني قيصري لان وزن البيبي اكبر من حجم الحوض ما قالولي الا وقت الولادة

 

[ملاك ^ الحب]

عادي حبيبتي كبير ولا صغير وبعد الولاده راح يفش الياهل

 

[ELFAD3Ah]

يمكن قصده انه ياذيج بالولاده انا بولدي العود جذي ينني

 

[توفـــا]

الله يسهل ماشاءلله اهم شي انه بصحه وعافيه

 

[شيخه عرب]

الله يسهل عليج

 

[الشيخه11]

حبيبتي أنا خرعوني بولدي ....الوزن كبير ولما ولدت طلع نتفه....السونار مرات يكبر حجم الجنين

 

[مشتطـه]

رفيجتي قالولها 3 وشوي و ولدت 2.900
يعني مو شرط صج الميزان

والدليل ان فرق 600 بين دكتورين
اتوقع الاولي اهو الصج
وانا اقول عادي الله يسهل خففي اكل

 

[خوخه $$]

مشكورين بـــنـ. ߪƝªṪ ــآآآآآت علي ردودكم

 

[غـرامـي أنـت]

عادي حبيبتي الجنيين بالتاسع بسررعه يزيد وزنه

انا بنتي كان وزنها ٣ ونص

 

[فديت من سماني]

سمعت ان السونار يزيد حجم الجنين و من جهاز لجهاز يفرق

 

[Australia girl]

عادي يصير طبيعي على حسب حجم الحوض ببنتي ماشالله وزنها كان ٣٩٠٠ وولدتها طبيعي لاتحاتين وباسونار مو دقيق الوزن انا على وزنها محد قالي وزن كبير كله قالولي طبيعي وزن الحمدالله

 

[مضاد حيوي]

انزين حاولي لاتاكلين حلو
كانت تقولي الدكتورة ان السكريات تزيد حجم الياهل
و بعدين ادعي ربج السهالات ،، قادر على كل شي سبحانه

 

[سفيرة العشق]

حبيبتي اذا فيج سكر وخري عن السكريااات كلش لانها تتفخ الياهل وممكن يولدونج قبل موعدج باسبوع

 

[Toffeeya]

اهم يقولولج جذي عشان لا سمح الله وقت الولاده ما يتعبج بسبب حجمه و يظطرون يولدونج قيصري او قبل موعدج .. احسنلج كوني بالسيف ساييد و لا تخربطين بالاكل اكلي اشياء مفيده و ابتعدي عن العيوش و النشويات الي تتفخ عالفاضي و امشي عشان تحرقين .. و الله يسهل عليج ان شاءالله

 

[كستنائيـة ع ـسل]

ـَٱللـّھ يسهل عليج

 

[فـراوله]

عادي حبيبتي أنا ولدت ولدي 3.600 كيلــو

ولدي الثاني سويت بالحكومه سونار أول الثامن قالوا لي وزنه 2.800 كيلو

بالتاسع راجعت بالخاص قالوا لي وزنه 2.700

يوم ولدت وزنه 3.100 كيلـو

مادري شنو هالجهاز للي يخربط جذي المهم أهم شيء حوضج كبير ووسيع

سالي الدكاتره وراح تعرفين منهم


​

 

[زين ودلال]

الله يسهل ولادتج ان شاء الله