ساعدوني والله فشله

[احلى كويتيه]

بنات بليييييييييييييييز لو سمحتو ابي طريقه بسبوسه حلوه ومضبوطه حق ريلي وابي طريقه مضبوطه بالمقادير لكيكه اسفنجيه مضبوطه لان اما اسوي الكيكه ماتطلع منفوخه ابها منفوخه عدل ابي الطرق بالتفصيل وان امكن جم حجم الصينيه ريلي فشلني ايبي هاطريقتين بسرعه وفرصه اسويله قبل لايفضحني عند امه واهله والله لدعيلكم يالله يبناااااااااااااااات

 

[xxx]

مشاركة: ساعدوني والله فشله

اختي سوت بسبوسه شحلاتها وطريقتها سهله

أسالها واقولج

 

[النور الهادي]

مشاركة: ساعدوني والله فشله

مرحبا أختي
تبين طريقه الكل يسألج عنها؟؟؟؟؟
تعالي أقولج:

المقادير:
2 كوب سميد خشن
1كوب جوز هند
1 كوب زيت
1 كوب سكر
3 بيضات
2 م ص bp
2قيمر

الطريقه:
*تخلطين كل المقادير ماعدا السميد والجوز
*بعد الخلط تضيفين الباقي وتحطينه في صينيه كبيره وعلى الفرن على طول
*تشربينها قطر بس مو واجد
والله كل ماأسويها يخلصونها ويسألوني عنها 00رجلي مايحب الحلويات ومن ذاقها يطلبها على طوووووووول

أمانه سويها وردي لي خبر وأدعي لي

 

[ombaza]

مشاركة: ساعدوني والله فشله

مرحبا انا عندي طريقة بسبوسه بس محشية قشطة وايد حلوة سويتها مرة

2 كوب سميد
2 كوب جوز هند
2 كوب زيت
2 كوب ماء
2 كوب سكر
1 روب
2 بيض
فانيليا وهيل و 2 م بيكنج باودر
اخلطي المقدار في ماعون بواسطه ملعقة
طريقة القشطة في قدر ضعي 1 كريمة حمرا و 1 قيمر 3 ملاعق كبيره ممسوحة ضعيهم عالنار الى ان يثقل قوام
ضعي نص مقدار السمبموسه في بايركس وحمريه بالفرن من فوق وتحت طلعيه من الفرن وبعدين صبي مقدار القيمر وضعي بالملعقه شوي شوي باقي مقدار البسبوسة ورديها بالفرن.
واخر شي صبي الشيرة وهيا حارة وحطي لوز و فستق
والله حلوة عليكم بالعافية