ساعدوني من تعاني من بطانه الرحم المهاجره؟؟

[angell]

السلام عليكم
شلونكم بنات انا عضوه جديده مشتركه معاكم ونعجبت بعلاقتكم بالمنتدى المهم
انا عمري 24سنه متزوجه من سنه ونص اعاني من بطانه الرحم من 3سنوات وسويت عمليه قبل 3 سنين وشلت كيس واخذت دوه دنزول وماراح مده طويله ورجع من جديد وخلال زواجي قطعت العلاج 4اشهر حتى احمل ولكن ماحملت ولما سويت سونار لكيتهم صايريت 3 اكياس ورجعت عل الدوه صارلي سنه تقريبا راجعت عند دكتور مصطفى تومسووو وكلي لازم تسوين عمليه او ناظور تشيلين لاكياس وبعدها تسوين طفل انابيب ساعدوني اذا اكو وحده نفس حالتي وشسوت رجااءا تعبت ونفسيتي تعبانه وااايد بس الله يعلم حالي وابي اسال عن الدكتوره هدى الزكري نفس عنوانها في برج السنام لان اتصل عل رقم محد يرد علي
اسفه عل اطاله بس تعبانه

 

[جديده 1]

رد : ساعدوني من تعاني من بطانه الرحم المهاجره؟؟

اختي التكيسات اذا كبيره فعلاجها جراحي .. اما اذا بسيطه فعلاجها سهل مثل الجلوكوفاج .. و هالعلاج ممتاز يستخدم للي فيه سكري
و بعد يضعف لانه مايحول السكر لدهون و يشيل التكيسات و كذلك ينشط المبيض و يعادل الهرمونات ..

افحص هرمون الحليب " البرولاكتين " .. افحص هرمونات الانوثه و الذكوره و الغدد .. و افحصي انابيب فالوب بالصبغه لكشف الانسداد اذا بتسوينها سويها مع تخدير ..

اذا متينه اضعفي لانه يسبب خمول المبيض .. و يمكن التبويض ضعيف .. فشوفي سوالف العسل او حتى الكلوميد و ابر التنشيط و التفجير بس بشرط مايكون لاكثر من 6 شهور متتاليه ..

انصحج اتسوين هذي الفحوصات اول .. و اذا الامور اوكي جربي منشطات المبيض .. خلي آخر حل طفل انابيب كل دكتور فاهم و يخاف الله جذي يسوي لان العلاج يتدرج جذي من البدايه للنهايه .. الا اذا اهم الاهل يبون تحمل بطفل انابيب و هم هالشي مو مضمون ..

الله يوفقج يارب .. و لاتنسين بعد خلي زوجج يفحص .. بالتوفيق

 

[عــود كمــبودي]

معي وحده بالدوام معاها مرض بطانة الرحم المهاجره وسوت حقن مجهري وجابت توائم ماشاءالله

عساالله يرزقناااا

 

[angell]

رد : ساعدوني من تعاني من بطانه الرحم المهاجره؟؟

مشكورين جديده1 وعود كمبودي جزاكم الله الف خير ومشكورين عل مساعده

 

[منبع الإحساس]

أنا معاي هالشي


قبل جم شهر رحت سويت سونار قالولي فيج كيس دم عالمبيض اليسار وعطوني حبوب منع حمل!1

وماراح عقبها سويت منظار جراحي وشلته وعقبها توني مآخذه أبره تمنع الدوره لمدة 3 شهور وهذا من ضمن العلاج!!

وان شاءالله بعدها ببتدي عملية التلقيح الصناعي !!

للعلم صارلي 4 سنوات متزوجه وما حملت ولا مره وقبل كنت أسوي سونار كله يقولون سليمه!!


أي سؤال أنا حاضره..​

 

[angell]

رد : ساعدوني من تعاني من بطانه الرحم المهاجره؟؟

جزاج الله خير اختي منبع الاحساس وين تراجعين عند اي دكتور؟
انا مااعرف ليش مايكلولي على حقن صناعي يكولن لازم طفل انابيب
اللهم شافي مرضانا ومرضى المسلمين وارزقهم الذريه الصالحه كوووولو امين

 

[منبع الإحساس]

أراجع عند عيادة فوزيه القطان

عندها الدكتوره شيماء صبحي وااايد تهبل​