ساعدوني محروق قلببببببببي موعارفه شسوي

[متى تفرج بس]

اللهم صلي على محمد وال محمد
بدش بالموضوع دغري
بنات انا ريلي راتبه على قده ومتحمله وصابره مع اني لوابي اي شي يحاول قد مايقدر انه يسويه لي بس بعد فتره طويله وهالشي يضايقني مع انه مسكين مايقصر واحاول اتأقلم مع الوضع
بس المشكله لما اشوف خواتي اورفيجاتي يقولولي شرالي ريلي جديه وسافرنا منيه انا تجيني حرررررررررررره وقهر على نفسي اقول ليش انا موزيهم في شنو اهم احسن مني , واقلب على طول على ريلي ومااعطيه ويه واتناجر معاه , شسوي بمووت من الحره
انا مااحسدهم بس اتمنى اللي عندهم يصير عندي , عارفه راح تقولون محد قالج توافقين عليه وانتي عارفه براتبه
بس شسوي وافقت غصبن من علي بسبب خاص جدا جدا فيني
بليز بنات شسوي وربي انقهر على حظي اقول ليش انا حظي جديه ليش , يمكن عشاني عايشه برفاهيه في بيت ابوي والحين اشوف رفيجاتي اللي مستواهم المادي اقل مني تزوجو ريايل عيشوهم في قصور وانا اندب في حظي واقول ياليت ماوافقت عليه
شسوي احس نفسي بمرض وبمووت قهر وفي نفس الوقت احبه واتمنى ربي يرزقني ولد منه وفي نفس الوقت خايفه على ولدي اللي بجيبه ,اقول اكيد بيعيش في فقر مسكين :eh_s(2):
شسوي نفسيتي كلماياها تتدمرررر :eh_s(2)::eh_s(2):

 

[ترجمة احساس]

الفقر موعيب
انتي لو تشتغلين وتساعدينه افضل

 

[* خياآآله الفزعه *]

اولا روحي الحين صلي الفجر وتعوذي من ابليس
شوفي حبيبتي
لازم ترضين باللي عندج
خليج قنوعه
لاتشوفين رفيجاتج
قولي بقلبج في بنات اردى مني مو متزوجين
في حريم ازواجهم يخونونهم
انتي عندج رجال ذهبه كنز لانه يحبج ويحاول بكل شي يسعدج
وهذا قليل ونادر بهالزمن
حياتي اسمعيني مو كل شي تسمعينه تصدقينه
ياما في حرام يشترون حق روحهم هدايا ويجذبون ويقولون ازواجنا يععطونا

اذا السالفه ان في اشياء مايقدر يجيبها لج زوجج
ساعدي اشتغلي وتعاوني معاه

نصيحه لاتبطرين على النعمه واحمدي ربج

 

[امل يائس]

عيل حبيبتي الي يشوف قصور الناس يروح يهدم بيته؟ الله يهديج بس
شدراج رفايجج الي عندهم قصور سعداء من داخل مو يمكن هالقصر بس ديكور ما فيه جوهر
احمدي ربج وحبي العافيه حبيبتي ترى النعمة زواله
والسعادة مو قصر و سفر و فلوس لا والله
السعادة الصحة و العافيه و رضا الله و هلج و زوجج و شالفايده قاعده بقصر و فيني مرض و ربي غاضب علي
احسبيها عدل و راح ترتاحين من القهر الي فيج

 

[متى تفرج بس]

حاولت وحاولت مااقدر احس ودي ابجي لما اشوف وحده تجي وتقول ريلي عطاني وريلي جديه وعارفه فيه بنات يجدبون يقولون من عند ريلي وبعضهم مايجدبون بس عالاقل رواتب ريايلهم زينه وعايشين بنعمه
انا مااحسدهم وربي بس ودي اصير زيهم نفسيتي تعبااااااااااانه من هالشي والمشكله ان هالشي ينعكس علي واقلب على ريلي واتناقش وياه في هالسالفه وينفتح باب يديد للهواش
شسوي على حظي ان شالله يعتدل ويقبلو ريلي في وظيفه احسن , ادعوله بنات

 

[miss-toota]

شهالحجي هذا امر الله

انا ما اشوفج قلتي حتى كلمة الحمدالله شنو نظرة الحياة بالنسبه لج بالملابس والجناط والهدايا وغيرها

وفلانه وغيرها شهالحجي كبري عقلج وقفي مع زوجج وادعي الله يرزقج مو تنكدين عليج وعلى زوجج

تعوذي من ابليس وحمدي ربج ... والواحد مو زين يعترض على حضه لانه من الله سبحانه وتعالى استغفري

ولا تفكرين بهالتفاهات

 

[عاالية]

النسوان كذابات واحمدي ربج ان زوجج طيب ويحبج توظفي واشتري الي تبين
وبعدين أغلب الي يعيشون ب قصور يعيشون بحزن وهم وغم والفقير حالته احسن منهم والله يفرجلج
وراضي زوجج عشان ما تلعنج الملائكة

 

[متغليه لعيونه]

يابنت ذكري ربك وحمديه على النعمه اللي انتي فيها ناس حتى كسرة خبز ماعندهم وحمدي ربك زوجك يحبك ومايخونك
يعني تخربين حياتك عشان شي ما يستاهل يكفي انو يسوي كل اللي يقدر عليه
وانتي قدري ظروفه اذا بتنقهرين من كل وحده بتقول زوجي شرالي و زوجي جاب لي بتتعبين خلك قنوعه
وان شكرتم لاأزيدنكم

 

[تعبت اداري...~]

السلآم عليكم ورحمة الله وبركاته
يا من يشكو من الفقر
قال تعالى :


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}‏ يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12} نوح1-12



وقال سبحانه على لسان نبيه هود عليه السلام:



وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَاراً وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ {52} هود



​

 

[فله]

الغيرة فطرة بالانسان انا طبيعيه بس دايما استغفري ولاتحطين حالج من حالة انت بنفسج تقولين انه يحاول بس مايقدر شرايج فيني الليزوجي بخير ونقيب واخوانه ع قد حالهم ومعيشين حريمهم باحسن عيشة وانا ماججلة الحمعية مايجيبها لي تصوري وفوق هذا ماكله تبن ابي السلامة بس
انت عالاقل غصب عنه مو نحاسة

 

[أغلى حبيبه]

ليش ماتشتغلين وتساعدينه

 

[*ريما*]

الحمدلله ع كل حال

 

[متى تفرج بس]

الحمدلله على كل حال
مشكورين رحم الله والديكم ,رفعتو من معنوياتي وخليتوني احس على دمي اشوي
ربي يوفق زوجي يارب ياكريم ويرزقه بوظيفه عدله يارب

 

[متى تفرج بس]

الغيرة فطرة بالانسان انا طبيعيه بس دايما استغفري ولاتحطين حالج من حالة انت بنفسج تقولين انه يحاول بس مايقدر شرايج فيني الليزوجي بخير ونقيب واخوانه ع قد حالهم ومعيشين حريمهم باحسن عيشة وانا ماججلة الحمعية مايجيبها لي تصوري وفوق هذا ماكله تبن ابي السلامة بس
انت عالاقل غصب عنه مو نحاسة

الله يعينج عليه ويهديه لج ان شالله
الحمدلله على كل حال ,وربي يسخر ازواجنا لينا يارب

 

[Tulips]

القنــــاعه كنز لا يفنــــى

يمكن رفيجاتج و خواتج رياييلهم الله منعم عليهم .. بس تلاقينهم عندهم مشاكل بحياتهم

مو كل شي الفلوس حبيبتي

ولازم تقتنعين باللي عندج وتحمدين ربج " ولإن شكرتم لأزيدنكم "

واهم شي زوجج يحبج وشاري رضاج هذا اهم من فلوس الدنيا

 

[متى تفرج بس]

حاولت اقنع نفسي بس كل مااتدكر غصبن من علي اتهاوش معاه واندب في حظي
الله يهديني ان شالله والحمدلله على كل حال

 

[ام دليار]

حبيبتي الغنى غنى الأخلاق مش المال
المال بزول
أهم شي الأخلاق
أذا محترمك ومقدرك الفقر مش عيب العيب تفكيرك كل واحدة بتعيش بيت
أبوها غير هذا زوجك أنتي لازم قدام الناس تمدحيه ولاتقارني نفسك بلناس
المرأة أذا ماتت وزجها راضي عنها دخلت الجنة

 

[ميشو المالكي]

هذا نصيبك ومقدر ومكتوب وأحمدي ربك أنه يحاول يسعدك غيره عنده فلوس ومتكبر على زوجته ومعيشه عنده مثل العبده ويحسب أنه ملكها أسأليني أنا عشت هالتجربه وأخرتها أنا عند أهلي لي سنه حتى ريال ماشفته منه لامن خيره ولا كفايت شره