ساعدوني محتاااجه اراااائكم دشوا علي

[دندنه23]

بسم الله الرحمن الرحيم

مبارك عليكم الشهر

ببدي بالموضوع عشان ماتملون من كثرة الحجي ................

بنات انا الحين بحيره وقلق من موضوع صارله الحين تقريبا شهر ونص بنات في مراه

تبيني حق ولدها اهو زين ومواصفاته زينه بس جنسيته سعوديه وانا كويتيه وصعب اني اخذ

سعودي لان عيشتي بالمستقبل معاه ومستقبل عيالي شلوووووون راح تكون صعبه وتدرون

احنا الكويتي ويالله وبعد هذا سعودي بس يابنات انا مومقتنعه فيه كلش لان جنسيته سعودي والنعم

فيه بس احنا ماناخذ سعودي لان صعبه من ناحية االمسقبل بس امي عادي عنها ومرتاحه لام الولد

وتقولي شوفيه واستخيري وخواتي رااافضين يقولون غير كويتي لاتفكرين وابوي نفس الشي يقولي لا

اخذي كويتي وفكري باجر لاصار ماصار اسحبج معاه السعوديه والدنيا ماتدرين عنها وعيالج سعوديين

بنات انا محتاره حيل لان ام الولد تحن وكل يومين ادق على امي وتقول يالله متى توافق الله يهدي

بنتج وانا ماابي تكفون شنو تشورون علي بنات انا عمري 26 وخااايفه حيل اتقبس من عقب ماارفضه

وبنفس الوقت مابي اخذ سعودي والله ببجي من كل ماافكر :krkrkr: المشكله ان الولد يمدحونه

وزين وعلى كلامهم انه جميل وراعي حلال انا ماهمني كل هذا اللي همني الجنسيه اهي اللي

موقفه طريجي تكفووون ساعدوني لان يبون يشوفوني الاسبوع الياي احتمااال مو اكيد وانا ماابي ا

اجدم على خطوه واتندم عليها هذا زواج مولعبه او يوم ويومييين بنات ردوا علي لاتخلوني :bbbiu:

 

[عالمي انا غير]

حبييبتي مدام زين واخلاق هشئ حلو استخيري كذا مرة وان ماارتحتي لا توافقين وان ارتحتي وافقي ومايندرى وين الخيرة والرزق وربي يوفقج

 

[دندنه23]

اي اكيد راح استخير بس احس هم صعبه علي وان شاءالله خير واللي الله كاتبه بيصيرررر

مشكوره على ردج قلب

 

[غنآآآتي]

حبيبتي استخيري اول شي والله يكتب الي فيه الخير الحين انتي ماعليج من امه ولا من احد الراي متروك لج وفكري لبعدين واذا وافقتي لااازم تكونين مقتنعه مو عشان احد والافضل الاستخاااااااره والله يوفقج ويسعدج يارب

 

[بازار الفارس]

استخيري ربك حبيبتي وان شاء الله يكتبلك الخير​

 

[غرررشوبه]

[/size]حبيبتي انتي استخيري قبل وشاوري نفسج
وعلى فكره السعودي مافي شئ ولله ثنتين من بناتنا مأخذين سعودين وأحسن منهم مافيه
وبعدين وانتي شرطي عليه ان مهما صار ماتروحين السعوديه

 

[دندنه23]

مشكورين ع ردوودكم الطيبه

الله يسرها امين والاستخاره لازم اصليها وهذا زواج مولعبه ولازم اكون مقتنعه وانا للحين مومتنعه فيه كلش جذي ماابي

استعيل بشي وبالاخير الراي لي لانها حياتي والله يساعدني اميييييييييييين

 

[perfect 2010]

استخيري وادعي ربج ان اذا فيه خير لج ييسر الامور واذا فيه شر لج يلدد الامور وثقي ان ربج بيكتب لج الخير

 

[عاشقة هواك]

استخيري

موفقة حبيبتي

 

[دندنه23]

امين يااااااااارب جزاكم الله خيييييير

 

[لحظآتَ]

فكري عدل حبيبتي
السعودي مافيه الا كل خير
انا عمّاتي 3 متزوجات سعوديين
والحمدلله عايشين أفضل عيشه .. وعيالهم سعوديين وكل أمورهم أوكي !!
أنتي احسبيها عدل واطلبي ربج .. وهو اذا من نصيبج راح تاخذينه .. سواء اقتنعتي او ماا اقتنعتي
ولو مو نصيبج ماراح يصير شي فـ لا تحاتين

 

[دندنه23]

عدل كلامج وكل واحد بياخذ نصييبه والله يسررها جزاج الله خييير

 

[مولاي الفرج]

حياتي اذا مومقتنعه على سالفه الجنسيه قولو حق الام السبب

وقوليلها ان تحسين راح تتشتتين

عشان تريحين ذمتج وتشوفينها شتقول

والله يكتب لج الخير سواء اهو او غيره​

 

[الغاليه نونو]

اذا انتي مو مرتاحه وخايفه تندمين قوليلهم مابي وخلاص يادار مادخلج شر الولد عند اهله وانتي عند اهلج

واذا تبين سلبيات وايجابيات الزواج بالسعودي انا اقول اذا الريال خايف ربه مصلي مسمي وخوش ريال توكلي علي الله واخذيه ومستقبلج مع السعودي ماعليه خلاف

يبيلج قعده مع اهلج وتتناقشون بالموضوع من كل جوانبه وانتي بيدج الاختيار الاول والاخير والله يكتب لج اللي فيه الخير والصالح يمه

 

[دلع العتبان]

والله اذا كويتيه واهو سعودي معاج حق بتحتارين لانه شوي المستقبل والجهال بس بقولج شغله القسمه والنصيب فوق كل شي فكري عدل وعطي مهمله كبيره للتفكير وسالي واجد والله يوفقج حبيبتي وعليج بالاستخاره

 

[classicyah]

حبيبتي ، أهم شي انتي تتقبلين السالفه ،

و اذآ تبيـن رآيي ، أنآ مآ أشوف فيهآ شيْ . .

بالعكسْ ، أهم شي الأخلآق ، و يكفي انه خليجيْ . . منآ و فينآ ،

و ألحينْ العلآقآت الخليجيهْ قآمت تكبر أكثر عن قبلْ ،

و شي مشروع العمله الخليجيه الموحده و الجوآزآت و الخْ في المستقبلْ ،

بس انتي استخيري ، و اسإلي أهلجْ ،

و اسإلي محآمي عن وضعج و وضع عيآلج عشآن تتطمنين أكثرْ . .

و الله يووفقجْ ،

 

[honey lust]

استخيري و شوفي احساسج بعدها

و اذا انتي من الحين مو مقتنعه خلااااص لا تقنعين نفسج غصب

 

[سكوتي بذوقي]

استخيري

وبالنهايه هاذي حياتك

وانتي اللي بتعيشينها وإذا ماتبينه قولي حق الوالده أنا مو مرتاحه

مايصير تاخذين واحد مو مقتنعه فيه ولا بترتاحين معاه

انتظري نصيبك وإن شاء الله تاخذين كويتي

موفقه اختي

 

[دندنه23]

جزاكم الله خيرررر وكلامكم عين العقل وانا مس طول الوقت قاعده وادعي واستخرت وكلمت امي وابوي واخر شي توصلته

انه مافي نصيب لان صعبه علي حيل وحتى ابوي رافض الفكره من الاساس وانا لو مقتنعه بالريال جان وافقت وبالنهايه الراي

لي والحمدالله مافي احد ضاغط علي لان هذي حياتي وانا اللي بعيشها واليوم امي بتنهي الموضوع والكل بياخذ نصيبه بالنهايه

واللي كاتبه الله بيصير وان شاءالله رب يرزقني الاحسن منه واللي يكون من خيرة الرجال ومششكورين على نصايحكم والله اني

ارتحت حيل وكل وحده منكم كان كلامها عين العقل تسلمووووووووووووووووووون

 

[♥ SWeeRa ♥]

من بعد السعوديه
كلها جم ساعه وتوصصللين لاهلج

حبيبتي استخيري وماتدرين شنو ربي كاتبلج

اهم شي التوفيق