ساعدوني ماعرف شي

[shgrdiah]

مرحبا بنات شخباركم
انا صاري لي مخطوبة شهرين وللحين ماتحدد زواجي بس اتوقع قريب بالشتاء
شنو اشتري اول شي وتنصحوني ادخل فستان العرس من الحين لين يجي موعد العرس والا انتظر لين يتحدد اخاف مايكفي الوقت :eh_s(2):​

 

[محتارة وبصيح]

امممممم انتي احين ابدي اخذي افكار على الاقل وسوي بحث بالت عن مصمييمين

 

[أم*سلمان]

عسى الله يوفقج و يهنيج

 

[أإلع ـشق دلع ـهـأإ]

لآ حبيبتي لآ تبدين بالبدله الا اذا تحدد العرس ..

ومن الحين ابدي عنآيه لنفسج ..

 

[قآنون كيفكـ!!]

الف مبروك ..
البدله لاتبدين فيها الا ذا تحدد عرسج ..

الحين ابدي اهتمام بنفسسج وعنايةة ..

وجهزي البجايم القمصان النفانيف >للششقة

والبدل والدراريع خليهم لوقتهم ..

 

[shgrdiah]

تسلمون بنات يعطيكم العافية ماقصرتوا

 

[&&نور الدنيا&&]

حبيبتي اول شي الف الف مبروك
والله يهنيج يارب ويوفقج ويكتبلج الخير كله
مثل ما قالوا خواتي اهم شي عنايتج بنفسج وشعرج
وبلشي بالاشياء اللي مالها موضه وتنتهي
والبجايم وملابس البيت استغلي اذا لقيتي تنزيلات وهالسوالف
والبدله لا تاخذين الحين
بس ما يمنع اذا متوقعه العرس قريب افتري عالاتليهات بس لا تحجزين
بس اخذي فكره وشوفي الموديلات والافكار شنو اليديد وشنو القديم عرفتي؟
لا تعتمدين على مكان واحد شوفي كل مكان وقارني بالشغل والافكار
موفقه حبيبتي وان شاءالله الله يسهلج امورج​

 

[يالبيه 17]

الف مبروك ياقلبي
البدله لاتحجزينها الا لما يتحدد موعد العرس
وابدي بجايم قمصان عبي دراريع شوزات وجناط

وبعدين لما يجي المهر البدله والمصوره والصالون والمسكه والذهب والساعات
موفقه ياقلبي

 

[المتلثمه بعلم الكويت]

ياقلبي عندي جدول توزيع المهر والاغراض اللي تشترينهم من الفستان الابيض الى اغراض الجمعيه اذا تبين راسليني ,,