ساعدوني ماعرف اسوي............

[اميرة-الاحجار]

بناتى لاتظحكون علي :d


بس والله من صجي ماستعبط


مع اني اعرف اطبخ والكل يشهد ان طبخي لذيذ << بسج تمدح بروحج :d

بس ماعرف اسوي العيش :×

عفيه ابي طريقه سهله وحلووه ولذيذه

واهم شي سهله ..


ثاني شغله ابي طريقة تذويب + تفويح الدجاج واللحم ..

جم ساعه اذوبه وشكثر اخليه عالجدر عشان اتأكد انه طبخ


استحي اسأل احد هالسؤال لا يظغطوني

بس اهني عادي ماتعرفوني :d


هييييييييييييييييييييييييييلب

 

[أم حيدر]

اللحم والدجاج تطلعينه من الصبح وتخلينه يذوب على راحته اما اذا الوقت كان مضايقج تنقعينه بماي عادي مو حااار لا ماي عادي

وبالعادي الدجاجة تفركينها بملح وتخلينها بوربع ساعة بعدين تغسلينها عدل من الملح وبعدين تفوحينها عشان لا تصير زفرة

الفوح للدجاج : ماي + عود دارسين + جم حبة هيل + كركم + بهر دجاج + ورق غار = تخلينه يفور ولما يصير على وجه الماي زفرة تشيلين الزفرة بقفشة وتقطينها

فوح اللحم : نفس البهارات السابقة بس غيري بهار الدجاج ببهار لحم

العيش أسهل شي المشخول ومافي مجال انج ما تضبطينه

تحطين 3/4 الجدر ماي مع شوية زيت وملح وتخلينه عالنار على ما يفور
تكونين قبلها منقعه العيش بالماي حول الساعه انا استخدم انديا جيت يهبل

بعد ما يفور الماي تكونين مصفية العيش من ماي النقوع وتنزلينه بالجدر مال الماي المغلي وعلى نار عالية تخلينة تقريب من 5-7 دقايق يفور
اختبريه اخذي حبة عيش واكليها اذا مستوية عالنص طفي النار وشخلي العيش

حتي جدر فاضي عالنار قصصي بطاط شرايح حطيهم بقاع الجدر نزلي عيشج اللي شخلتيه صبي فوقة شوية زيت وهيل بودر وماي ورد وزعفران سكري جدرج بخرجة قطن (فانيلة ما تبونها) وحطي حديدة تحت الجدر
طبعا عالجولة الصغيرة عقب 10 دقايق بطلي الجدر اذا طلع منه بخار وايد يعني عيشج تقريبا استوى ردي صكري الجدر وقصري عالنار كلش وخليه لي وقت النجاب يتخدر على راحته



تعبت

 

[اميرة-الاحجار]

بعد جبدي جبدج يا ام حيدر والله يخليلج حيدووري ان شاء الله بحاول اطبق
وسلامحينا تعبناج بس نستاهل موو :؟؟
خيلي ممنون :***

 

[أم حيدر]

لوووووووووووول

اي اكيد تستاهلين

والتطبيق وايد سهل

ابس اشم ريحة ماي الورد والهيل والزعفران عن بعد

 

[جارة القمر]

أم حيدر



مشكوووووووووووووووووووره


العيش


http://q8yat.net/showthread.php?t=571536&highlight=%C7%E1%DA%ED%D4




الدجاج واللحم


أطلعينه من بليل وتخلينه بالثلاجة من تحت أو الصبح أمبجر أطلعينه من الفريزر وتخلين الثلج يفج علي راحته حبيبتي



http://q8yat.net/showthread.php?t=567641&highlight=%C7%E1%CF%CC%C7%CC



http://q8yat.net/showthread.php?t=574807&highlight=%C7%E1%CF%CC%C7%CC


http://q8yat.net/showthread.php?t=363844


http://q8yat.net/showthread.php?t=564699&highlight=%E3%CC%C8%E6%D3+%CF%CC%C7%CC


http://q8yat.net/showthread.php?t=546256&highlight=%E3%CC%C8%E6%D3+%CF%CC%C7%CC


http://q8yat.net/showthread.php?t=567240&highlight=%E3%CC%C8%E6%D3