ساعدوني كم مرة اعقم الرضعات

[حلاتي بندرة وجودي]

شلونكم ياحلوووين انشالله بخير
ابي اسالكم جم مرة اعقم الرضعات (افورهم)
يوووميا ولامرتين بالاسبوع ابي تجاربكم لاني سمعت كثرة التعقيم
يسبب نقص بالمناعه
صج ولا لا
والله يجزاكم الف خير

 

[حب الرّمان]

أنا اذا بعقمهم مرتين باليوم او مره وبين الرضه والثانيه اغسل المميه واحطها بالفريزرر علشان التعقيم امي معلمتني جذي

 

[حلاتي بندرة وجودي]

انتي نفس اختي بس انا اقولها الاحسن التعقيم مررتين بالاسبوع

شرايكم يابنات

 

[حلاتي بندرة وجودي]

اب

اب

 

[حلاتي بندرة وجودي]

وينكم

 

[*ماي الورد*]

بعد كل رضعة حطيها بجهاز التعقييم

 

[L I N D T]

بعد كل رضعه تنغسل وتتعقم ..

شالفايدة تعقمينهم مرتين بالاسبوع ؟ لا تعقمينهم احسن لوول

يعني خلي بعد 3 رضعات باليوم عقب غسليهم وعقميهم وهكذا ..

صحة ولدج اهم ما عليج ..

 

[دندووون]

بالنسبه لي كل يومين اعقمهم بالجهاز اذا كان الطفل بالاشهر اما اذا تعدى السنه لا ما اعقم لان تكون مناعته اقوى من طفل الاشهر

 

[ام اغلى الناس]

لازم بعد كل رضعه
الدكتور قال ليحتى اقري موضوع زيارتي لعيادة د فهد

 

[@ دهن العود @]

انا كل يوم الصبح اعقمهم بماى حااااااااار وعقب اغسلهم بصابون الرضعات

وبعد كل رضعه اغسلهم بصابون الرضعات

 

[السهم الصويب]

وااااي ليش ينقص المناعة ؟ خرعتيني

انا بعد كل رضعه تنغسل ودايركت جهاز التعقيم
يعني ما استخدم الممية مرتين ولااااااااازم تكون زجاج لانه مايلقط الميكروبات مثل البلاستيك
والبلاستيك مع حرارة التعقيم يتنج غزات وبلاوي احنا ما انشوووووفها

لووووووووول

ضحكتني اللي تقول مرتين بالاسبوع لا اتعقمينهم احسن لووووووووووول
صااااااااجه

 

[ياسمين العمري]

عقميهم مرتين بالاسبووووووووووووع اذا زجاج ...
والبلاستيك اكثر لانة يلقط الميكروبات ..وبعدها حطيهم في الفريزر..( التعقيم الممتاز تغلينهم بماي وشوية ملح ..)
وباقي الايام تنغسل بالماي والصابون ..

 

[ام ناصر 2009]

خرعتيني انا بعد كل رضعه تعقيم والحلمات بماي وملح بروحهم مو بجهاز التعقيم

ممكن يأثر بنات كثره تعقيم

 

[لوكي 22]

تعقيم الطبيعي مايضر ان شءالله
الي اهو تغلين الممه وبالفريزر بعدها مافيها شي بالعكس هذا الاصح
اما اذا كل يوم بتعقمينهم بالجهاز لتعقيم هذا الي يمرض ومو زين استخدميه مره بالاسبوع او اذا مسافره ولا طالعه جذي

 

[حبـ admant ـك]

3 مرات باليوم

 

[كتكوته22]

انا كل يوم الصبح اعقمهم بماى حااااااااار وعقب اغسلهم بصابون الرضعات

وبعد كل رضعه اغسلهم بصابون الرضعات

حبيبتي شنو صابون الرضعات وين احصله

 

[الأماكن]

كل يوم تتعقم الرضعات و بعدين تنحط بالثلاجة بالدرج و يكون خاص للرضعات و بس

تغلينهم بماي و شوية ملح عشان الريحة اللي بالرضعات ترووح

و الحين الحمدلله ارتحت رحت سنتر بوينت و شريت جهاز التعقيم

اول شي تغسلين الرصعات عدل مدل و بعدين تحطينهم بالجهاز و تتعقم لمدة 8 دقاايق و اخليهم بالجهاز ... متى مابغيت رضعة خذيت بالملقط

و بس ماكو أحلى منها

و بالنسبة لصابون الرضعات ... هو من ماركة بيجون تلقينه بالجمعيات صوب اغراض البيبيات
ويصير تغسلين فيهم الخضرة و الفاكهة بعد

انا أستعمل صابون بريل بالليمون ...

 

[fajeer]

شي طبيعي المميه تتعقم بعد كل استخدام, يعني تشربين البيبي الحليب تروح تغسلين المميه بصابون سائل بالفرشه عدل والحلمه وتحطينها بجهاز التعقيم او بجدر وماي خليها تغلي 10 دقايق وخلصنا

 

[*ماي الورد*]

صابون المميات تحصولنه يم مميات بجون بسنتر بوينت ومركز سلطان وبعض الجمعيات

 

[جمالي ايطالي]

تتعقم مررره وحده باليوم فقططططط


انا كنت اعقمهم مرتين باليوم واختي دكتوره قالتلي موووزين التعقيم زياده لان زيادة التعقيم بتنقص مناعة الطفل

المميات تنغسل بعد كل رضعه واخر اليوم او الصبح عقميهم وانتهيناااا