ساعدوني قلبي يعورني علية

[a7la banota]

السلام عليكم حبايبي وعساكم بخير ولدي الله يحفظة لي عمرة سنة واربع شهور فية عنقز وحيل وواجد حتي منطقة الحفاظ يعور القلب والله كل وحدة شكبرها وحرارة والله وانا اغسلة بغيت ابجي ناديت خدامتي تغسلة وانا امسكة لان شي موطبيعي فية حيل فية شسوي لة واي دكتور اودية زين وشنو احطلة تكفون وادعولي يحفظة لي ربي ويشافية ويخفف عليه ويرزقني لة اخوان وربي يعطي كل وحدة ماتمني ويخليلكم عيالكم ويحفظهم

 

[ليمون ونعناع]

الله يشفيه يارب
والله مااعرف دكاترة بس رويال حياه يمدحونه وايد
واذا ما ودينيه الطبيب ترئ لازم وديه المستوصف علاجهم زين وممتاز
الله يشتفي اج اياه وفترة وتعدي انشالله وناعليه الا العافيه
وادعي له دعاء الام مستجاب

 

[أم توته]

حبيبتي لا تحاتين وديه مستوسف عادي
بس لازم تسبحينه كل يوم واشوي اشوي مو بقوه علشان الحبوب لاتنبط وتنشفينه بعد اشوي اشوي ومسحي علىى كل جسمه الدوه الابيض وكل يوم خلج على هالحال رح يطيب بسرعه

 

[قموشه21]

حبيبتي توني خلصت من عنقز ولدي ماصار لي شهرين

عادي لاتحاتين مثل وضعج كنت كل صبح اسبحه بماي دافي وادهنه بدهان المستوصف مع دوا مضاد حيوي ودوا خذيته من الصيدليه انتي روحي للصيدلية وطلبي دوا للعنقز مع مضاد عشان يخفف الحكة عليه ..

الله وكيلج يوميا اسبحه بماي دافي مامر اسبوع الا طايح لاتحاتين

 

[قموشه21]

اي تذكرت وانتي تسبحينه حطي بايدج الصابون ورغيه وحطيه بجسمة يعني لاتفركينه وايد لا كله بايدج .. ولما تنشفينه نشفيه شوي شوي لاتعورينه كله علي الخفيف .. ومايشوف شر

 

[hooryah q8]

حبيبي الله يشافيه يارب
لا تحاتين فترة وتعدي ومثل ماقالولج البنات دوا المستوصف وايد زين حق العقنقز
حطيله كل يوم من الدوا الابيض و ان شاءالله راح يخف

 

[hneen2]

غسليه بماي البحر خل ريلج او احد يبيلج ماي بحر بقلن وغسليه فيه ماكو يومين الا اهو ناشف

 

[a7la banota]

مشكورين حبايبي وادعولة قاعد يزيد وحرارة

 

[ام كوثر2007]

ديري بالج من الصااابون كلش ولا الصابوون حبيبتي لا صابون ولا شامبووو ماي دافي بس


انا عيالي كلهم عنقزوا بالصيف ..


روحي الامراض الساريه علي طول اخذى تحويل من مستوصفكم علي الامراض الساريه علي طول

يعطيج انتي بايوتك .. وحده بوحده .. وما راح يعطيج الدوا الابيض لانه بيعلم بجسم الياهل لا كبر .. اكبر غلط كانو يسوونه اهالينا قبل انهم يدهنونا بالدوا الابيض عشان جذى تلقين كل وحده فينا الحين فيها اثر من بو شنيتر ..


انا ما استخدمت لهم الدوا الابيض بس كنت اسبحهم باليوم مره او مرتين . ووديتهم البحر بعد ..


وعطيه ادوول عشان الحراره والمضاد اللى بيكتبه لج الامراض الساريه ..


والف حمد وشكر عيالي الحين مافيهم ولا بقعه عقنقز .. مو مثلنا قبل . اخذيها مني ووبعدي كل البعد عن الشامبو والصابون ديري بالج هذا انا وصيتج للمره الثانيه ..


والحفاااظه حاولي انج تهوييينه دايم عشان ما يتحسس منها ..

وكلها اسبوع ويصحصح لا تحاتين وعسى الله يخليه لج .

 

[ام الحلوااات]

اللـــــــه يــــشـــــافــــيــــه ومـــــا يــــشـــــوف شــــــــــر ان شــــــــآء اللـــــه

 

[أم ميميتو]

ما عندي خبره بس وديه المستوصف احسن و الحفاظه حاولي ان ما نلبسينه طول اليوم خلي يتهوا والله يشفيه بس مو جنه صار في عنقز مبجر ولا عادي اهو يصير بأي بعمر الله يشفيه يارب*

 

[&شهرزاد&]

احاااااتي هاليووم ووايد للحين
مااااحااشهم عيال


الله يعينااا يارب


ومااااايشووف شررر ولدج ان شالله