ساعدوني في مشكلةة ولدي حبيبي

[البرنسيسة غلا]

السلام عليكم ورحمةة اللہ وبركاتہ


خواتي بدخل بالموضوع على طول ..

انا الحمدللہ ولدت وجبت ولد عمره ألحين شهر و 8 ايام ..
ولدي طلعت فتحةة الشرج وأنتوا بكرامہ مسكره بالكامل .. و سوولہ فتحہ في بطنہ مؤقتہ يخرج منہا .. وقالولي لحد ما يزيد وزنہ فوق الـ 4 كيلو يفتحون الفتحہ في مكانہا الاساسي .. والحمدللہ على كل حال ..

اسألتي :
1) منو سمعت في مثل هالحالہ !!
2) وهل هذا علاجہا بالكويت !!
3) هل لہا علاج افضل خارج الكويت !! وبأي ديره !!

اتمنى التفصيل لإني فعلاً بحاجةة التفاصيل كاملہ !!

الحمدللہ هذا قضاء وقدر .. بس تعبني حيل من ناحيةة تغيير وتنظيف الجرح حيل حيل اتعب وياه ويقطع قلبي يصيح ويبجي حيل وانا ابجي وياه .. و مرتين ينفك خياط العمليہ .. مره ردوا خاطوها والمره الثانيہ ما قدروا يخيطونہا لان اللحم طري ويخيط من كيفہ .. وكل شوي تلتہب عمليتہ ..


اتمنى من كل قلبي ألقى جواب يفرحني .. و إلا دعوه لولدي حبيبي بالشفاء العاجل ..

وجزاكم اللہ خير ..

 

[Emanii]

يا الله قطعتي قلبي ماعندي فكره والله
يارب بحق محمد و ال محمد يشافيلج ياه و تشوفينه معرس باذن الله
الله يعطيج الصبر و يثبتج
اقري عليه دايما و خليه بحظنج يحس بالامان كثر ماتقدرين و طمنينا عليه

 

[•Brown•Sugar•]

الحمدلله ع سلامتج ومايشوف شر الصغيرون
والله اول مره اسمع فتحه شرج مسدوده
الله يطمن قلبج عليه

 

[M!SS.LOBY]

ما تشوفون فيه شر ان شاءالله
الله يحفظه ويخليه لكم

 

[M!SS.LOBY]

لا تحاتين يا قلبي بنت اختي تقريبا مثل سالفة ولدج

ما تخرج فضلات ( عزكم الله ) الا بالكريم يحطون بعود الأذان بفتحة الشرج بعدها ترتاح
يقول الدكتور لما تكبر ويتعدل عندها المصير يصير عمرها سنتين او 3سنوات

 

[@أم يوســـف@]

الله يشافيه ويخليه وتفرحين بشوفت ضناه

 

[أم ميميتو]

بعد عمري ما عليه شر ان شاءالله بس انا احب الوحده تسأل اكثر من دكتور ان كان بالحكومه
او بالخاص عشان يصير عندج فكره اكثر عن الموضوع و يرتاح قلبج والله يكون بعونج
وتعبج مع ولدج عند رب العالمين ما يضيع ان شاءالله

 

[اناظرك وكلي حزن]

الله يشافيه ويعافيه

 

[M!SS.LOBY]

الله يشافيه ويعافيه

 

[M!SS.LOBY]

حبيبتي كلمت اختي وخذيت اسم الدكتورة وعنوانه
تمدحها اختى تقول شاطره وما تاخذ مبالغ حيل وعلاجه حلو وعندها خبره ودي ولدج حقها ان شاءالله تعالجه



(الدكتورة نحمده ابوسنه) عيادته بالفحيحيل

 

[M!SS.LOBY]

اجر وعافيه يارب

 

[البرنسيسة غلا]

_




آمين جزاگم اللہ خير ..
دعاويگم فرحتني حيل عسى اللہ يستجيب منگم يا رب ..

M!ss.loby
حبيبتي مشكوره ماقصرتي فديتج ..



_

 

[البرنسيسة غلا]

_



لــــلــــرفــــع ..
من عندها خبره تفيدني .. أو .. دعوه تفرح قلبي فيہا ..



_

 

[حكاية فرح]

مايشوف شر و سهله ان شاء الله
انا ولدي ولدته عنده نفس المشكله ..
و توني قبل شهر خلصنا اخر عمليه له
الحين بسم الله عليه عمره ٧ شهور
بالنسبه لاسئلتك :
١: طفل من كل ٥٠٠٠ طفل يولد بفتحة شرج مغلقه
حالته مو غريبه و كثير اطفال كذا و منهم ولدي وولد عمي و كل ماشفت وحده تقول لي انه شافت اطفال مثل هالحاله
٢: بالنسبه للعلاج بالكويت ماعندي خلفيه لاني من السعوديه و عالجته هنا بس الدكتور كان ممتاز جداً
الحممدلله و قمه في الاخلاق و متفهم وكان يعلمني كل شي و خطوه بخطوه
٣: الموضوع سهل جداً و عن تجربه مااحسه يستحق تروحين للخارج اذا لقيتي عندكم دكتور ممتاز
و احب اطمنك الموضوع جدددداً سهل بإذن الله صح تعععب نفسي و انا حااسه فيك لاني مريت بنفس حالتك و كنت ضايعه
و خايفه
الله يطمن قلبك و يشفي ولدك و تفرحين فيه و الله يكتب لك الاجر يارب
اي سؤال او معلومه او شي مخووفك انا بالخدمه و مستعده اعلمك اللي تبين

 

[أم حسوون]

الله يعافي ولدج يا قلبي ويرزقج بره آمين .

 

[ملامح بريئة]

الله يشفيه ويفرج همك وهم كل مريض يارب

 

[البرنسيسة غلا]

_




اللہ يجزاگم خير ويستجيب منگم ..
حگايةة فرح .. الحمدللہ على سلامةة وليدج والله يخليه لج ويجزاج خير طمنتيني حيل ..





_

 

[لوولوو_88]

ولد عمي بنته نفس حاله ولدج بالضبط .. لا تحاتين لازم تصبرين لانه راح يحتاج كذا عمليه و تصبري و كله باجره .. بس ولد عمي ما صبر و سفر بنته لفرنسا .. و حتى اهني متوفر العلاج لا تحاتين .. و كاهي بنته سليمه الحمدلله و الحين عمرها 3 سنين او 4 .. ربي يشفيه و يعافيه انشالله و تبلغين فيه باعلى المراتب و معرس بعد :****

 

[دلوعه ززوجي]

شوفي حبيبتي أنا اعرف وحده. ولده نفس حاله ولدج ودته لندن ومشالله سوت له عمليه والحين مشالله مافيه شئ طبيعي

 

[om mido]

توني سألت ريلي لان هذا تخصصه اهو جراح اطفال
بالنسبه لاسالتج
العمليه عادي تتسوى بالكويت
وراح يسووله صبغه عشان يعرفون مكان فتحة الشرج وين بالضبط
وهالشي صار لان التوصيلة مو طبيعيه بين فتحة الشرج ومجرى البول
واذا تبين بره الكويت في دكتور بامريكا يسويها

ربي يشافيه ويعافيه ويبلغج فيه ان شاءالله