ساعدوني في شي ناقص ؟

[كتكات احمر]

الظرف الاول​

النفنوف الابيض​

الذهب الابيض​

طقم العرس​

طقم صغير فضي​

طقم صغير اصفر​

اساور - خواتم​

المصورة​

لقطات ​

او فوتوكينا ​

المكياج والشعر​

رشا شيك/ ليلى هارموني/بريجي​

ساعتين ماركة​

ساعة عملية​

(فضية/ذهبية/سودة)​

شوبارد – اوميغا-نيناريتشي​

الظرف الثاني
قمصان النوم​

(عدد 10)​

4 طوال​

6قصار مع روب​

الملابس الداخلية​

(20 طقم-مفرق)​

البجامات ​

(عدد 10)​

نفانيف بلايز برمودات جنزات​

طقم عدد 1 روب حمام​

الظرف الثالث​

البدل الجاهزة​

(عدد 10 أو 8 بدل)​

دراريع الاستقبال​

(عدد 8 دراعة)​

4ناعمين 4فخمين​

العبايات- الملاف​

(عدد 4)​

2 ساده
2 كشخه​

الظرف الرابع​

الاحذية​

الشنط​

(عدد 3ماركة)​

اكسسوارات​

(شباصات –كلبسات-تراجي-بروشات-مشات)​

الظرف الخامس
العطور​

(4 عطور فرنسية)​

البخور​

(4 دهن عود)​

اللوشنات​

(عدد 4 طقم كاملين)​

المكياج​

الظرف السادس​

برنامج العروس​

الليزر​

البشرة - الشعر​

الاسنان​

الحمامات المغربية​

 

[♥ مطيريه كيوت ♥]

لا
الله يوفقج ان شالله
سي يو

 

[انا لحبيبي .]

حبيبتي الله يتمملك على خير ،

بس حاولي كتري من البجايم حبيبتي ،

 

[Jano]

انشالله ماكو شي ناقص .. و الله يوفقج

 

[كتكات احمر]

مشكورين الله يوفق الجميع

وننطر اضافة الباجي

اب اب اب

 

[كتكات احمر]

وينكم بنات

 

[حبيبة نفسي]

لا تنسين اغراض الجمعية

 

[حلاي يخفي غلاي]

حبيبتي حطي زياده طقم روب نعوم اللي يجي لف لانج بتحتاجينه << اسألي مجرب لما جيت بغسل روبي توهقت لما اخذت شاور واهو بعده مانشف لووووووووووووووووووووووول

والبجاااايم كثري منها مو شرط طوال لا غيري شورتات برمودا شي علاق شي كوكتيل شي نص كم

وعندج شغلات النظافه مو مسجلتها شامبو ومعجون وقطن اذان وكوتكس ومقراضه فحم وولاعه ويعني باقي التوابع

 

[لمى22]

موفقه حبيبتي كثري من العطور الفرنسيه والخلطات

انا بعرسي اخذت والله 12 عطر فرنسي صج يكلفون بس والله حيل انفعوني والبخور السنع من القرشي لايطوفج صج تحسينه بخور عرايس كذلك كفرات ماادري انتي ماذكرتيهم مادري راح تاخذين من ضمن جهازك او لا...​

 

[قلبهـ 86]

موفقه حبيبتي ،،،

 

[قاهره عذالي]

نسيتي المسكه
والعطور العربيه
واذا تبين زفه
وبطانية العرس كفر العرايس
اذا في نفنوف صباحية او مسائيه
اذا في حفله ثاني يوم
وعندج ستاند مكياج من المنصور
العطور الفرنسيه خليهم ع الاقل 6
((شوبارد -كوليستار - لاليك الاسود- ايلي من سان لوران - ميركال من لانكوم مثلا )
والعطور العربيه من الرصاصي واجمل ما يكلفونج واسعارهم من دينارين الى 10
والبخور عندج المميز من الرصاصي او اشتري علبتين البخور الملكي من القرشي ويعطونج الثالثه مجانا ويقعد معاج البخور سنه

وقمصان النوم يبيلج اللي قصير واللي بيبي دول واللي قطعتين ترا رخاص

 

[قلب فصوااالي]

الله يوفقك ان شاء الله

 

[كتكات احمر]

اغراض الجمعية والجمعية حاسبتهم بس مو حاطة لهم ميزانية
والمسكة والكوشة والدي جي والسوالف الباجي كلهم حاسبتهم بس بدون ميزانية
حلاي يخفي غلاي يمكن ازيد روب ثاني صح كلامج
قاهرة عذالي البطانية مهمة ؟؟ استاند المكياج عندي
قمصان النوم يعني جم واحد راح يكونون واايد صح؟

 

[قاهره عذالي]

خلينا نكون معاج
ابي احط لج قائمة عطور سنعه

اول شي الفرنسيه :
كوليستار الوردي بـ17
شوبارد تلقينها بموقع قارن بـ17
لاليك الاسود جنه 28
لاكوست الوردي بـ18 بموقع كتالوج
ديور اي نوع يعجبج
ايلي سان لوران البنفسجي بـ31 مع مجموعته
قيس اي نوع تحبين ( اختاري 5 الى 6 عطور فرنسيه ) انا شاريه مجموعة قيس وردي بفضي بـ18 اكيد العطر بروحه اقل


العربيه :
من اجمل
(مجموعة رين دروب ومجموعة وصال ) وحده ب6 والثانيه بعشره
عطر ساكريفايس ب6ونص دك
عطر غرامي ب 10
عطر انتايس ب8
عطر خلاب مدري بس جنه عشره او اقل شوي
(اسعارهم من 3 دك الى 10 بالاضافه لخلطة فراش ليلة خميس وكلونيا اشرقت ) كلونيا اشرقت بـ9دك
ودهن عود من عندهم على كيفج

نروح الرصاصي :
خلطة العود 2 دك
رومانس 2دك
دلع بنات السوده او الورديه ب5دك
عطر المحبه فرنسي نفس ريحة فلور بمب ب7دك
دهن عود : عنبر العود بـ2دك
خلطة فراش اسمها اكو كوثر يمكن دينارين وخرده
معمول جبل علي للشقه علبه كبيره وتقعد معاج وتطول بـ10دك

القرشي :
مسك العروسه بـ16 او 17
بخور القرشي الملكي 2 والثالث هديه العلبه الوحده بـ25دك وان شريتي اثنين بـ50 يعطونج علبه مجانا


مجموعات الجسم :
من بودي شوب مجموعة المسك

من زهور الريف سويت كامليا (اشتري بس العطر والبدي سبراي واللوشن والشاور جل )

من باث اند بدي ووركس بالافنيوز اشتري اللي يعجبج مجموعاتهم رخاص وحلوه وحتى شموعهم

من بدي سنتر موجود بالعربيد بلازا مجموعة فيوليت تجنن وعرايسيه كل العرايس يشترونها

خمريات الشعر :
اشتري خمرية الشايع حلوه
+ عطر سطور يجنن من عندهم اشتري اقل كميه عشان يطلع عليج رخيص جنه بـ7دك



اذا انتي حابه تقللين من العطور والخلطات الفراش والبخور

حطيت لج احلى شي اعرفه

 

[kwait doll]

موفقه

 

[قاهره عذالي]

قمصان النوم

(عدد 10)



4 طوال


6قصار مع روب​

حلو
بس ضيفي جم قميص يكون بيبي دول اثنين
واللي يكون قطعتين هم جذيه 4 رخاص


البيبي دول يكون نظام جنه شلحه وقصير واشكال والوان

ودراريع قصيره للبيت وبجايم

ماشاء الله تقسيمج حلووووووووو

بس من ناحية العطور

ترا مهمه

وكفر المعاريس والله مهم تحسفت انه ما شريته

راح تحسين باهميته

استحي اقولج ليش

بس بتعرفين

 

[عذبة السجآيآ]

عسى الله يوفقج ياارب


بس دهن العود 4 واجد اخذي واحد او اثنين بس

واخذي عطور عربيه 3


واخذي مرشاات وبخور للبيت

واللوشنات احسن اخذي 2 وبعد العرس بفتره غيريهم


كفر للسرير واحد

مسك العروس وبودرات للجسم

 

[قاهره عذالي]

عسى الله يوفقج ياارب


بس دهن العود 4 واجد اخذي واحد او اثنين بس

واخذي عطور عربيه 3


واخذي مرشاات وبخور للبيت

واللوشنات احسن اخذي 2 وبعد العرس بفتره غيريهم


كفر للسرير واحد

مسك العروس وبودرات للجسم

اي مجموعة رين دروبز ومجموعة وصال من اجمل فيهم بودرتهم الخاصه بالعطر ونفس ريحته
اللي قلت لها عليهم
خساره عروس ماتشترين هالمجموعتين وصال بعشره
ورين دروب بـ6دك
ودهن العود :
مسك العروسه ب17دك
عنبر العود من الرصاصي ب2دك
ودهن عود عادي من اجمل بكيفها تختاره
جذي تكون كفت ووفت

 

[كتكات احمر]

مشكووووووووووووورة قاهرة عذالي

بكتبهم الحين عشان لا انسى

انا مابي اكثر لان احتمال اتييني هدايااا

 

[قاهره عذالي]

كتكات

حطي اساميهم + اسعارهم

واجمعي كم بيكلفون
وحطي فلوس احتياط لهم
انا حطيت لج يم كل شي سعره