ساعدوني فطريات بلسان بنتي

[*فدك*]

بنتي تشلرب الحليب وتنام تدووووخ ومااقدر اشربها ماي عقب الرضعه تكون نايمه حدها
والحين طلعلها فطريات على لسانها

شالحل.؟

عمرها الحين تسع شهور

اهيا واهيا صغيره بالنفاس عطوني لها جل وراح منها وكنت اشربها ماي عقب كل رضعه
بس الحين ةاهيا بالفراش تشرب حليبها وتنام

 

[om deaj]

ماظنتي من الحليب
اكيد مصاصتها ولا تحط ايدها وماتنتبهونلها اذا كانت جايسة شي وايدها نظيفة او لا

وديها الطبيب بيعطيج لها علاج وماعليها خوف باذن الله صارت وايد وكثير بعيالنا

 

[نـعـومـه]

بلاااا من الحليب

الحل اخذي شاش حطي فيه ماي ومسحي لسانها واذا نامت عقب الرضاعه مسحي اول ماتقوم وشربيها

صار بنت اختي جذي قالو من الحليب تعطونها حليب بس ماتشرب ماي

 

[~LiBrA~]

والله حتى انا بنتي طالع علا السانها مادري من الحليب او المصاصه صارلي اسبوعين احطلها من الجل مو نافع معاها
بس الحين صايره عقب كل رضعه اعطيها ماي حتى لو نايمه والله بالابره اعطيها ماي ابطل حلجها شوي شوي ووتقعد تشربه وترد تنام
وامسح السانها بالشاش بس قطيعه هالفطريات احسها لاصقه باللسان ماتروح

بس عسا ماتزيد

عطيها ماي ضروري حتى لو نايمه

 

[mama-dodo]

انا جربة اكثر من كريم وجل مافادو
لكن اخر شي استعملت من الصيدليه جلسرين
روحي واسألي عنه اي صيدليه من ثاني استعمال تروح الفطريات

 

[الأمل الأبيض]

نقعوا مره و امسحوا بشاش لسان بناتكم
وان شاءالله مايشوفون الا العافية

 

[ورد الغرام]

بنتي كان معاها فطريات للين صار عمرها ثلاث سنين والحين ماتاكل زين ووزنها ناقص والسبب الفطريات الي كانت معها

 

[الأميرة جوري]

اكو مرهم بالصيدليه تحطينه قبل لاتنام استخدمته لعيالي هم في قطاره لتعقيم طعمه جنه كريم كراميل يصرفونه لحكومه وايد معقم للفم

 

[أم عزيـز]

الفطريات مو من الحليب اكيد حاطه شي بحلجها ماكان نظيف العابها او مميتها او رضاعتها المهم حاولي تعقمين كل شي تحطه بحلجها وان شاء الله ماعليها شر

 

[ريح قهوه]

بنات للفطريات ومجرب ووحده بوحده بإذن الله شفتي الهرده اللي تنحط على التمر لما تفتحينها فيه فوقها زيت اخذي الزيت وادهني إلسان بنتج وشوفي الحل السحري دعواتكم بتسهيل ولادتي وتيسير نفاسي يااارب

 

[يا كويتنا]

بنات انتبهوااااااا


هالفطريات تكبر وتأذي الجاهل باجر لايبي الممه ولا شي تلقينه كله مبطل حلجه والسعابيل تنقط ويبجي خنت حيلي



المطلوب

شاش


ومره منقعه



حزت المغرب او العصاري ايكون الجاهل مصحصح مو نااايم

اتجيبين الشاش وتغطينه بماي المره وتفركين اشوي اشوي بشكل دائري عاللسان وفوق عاللهات واللثه فوق وتحت يعني ورا الشفايف من داخل فهمتوني. صح
يمكن يطلع دم او اتشوفين الجاهل يبجي عااادي بيرتاح انشاء الله
تالي خليها ابو نص سااعه

 

[مواصله]

مسحي لسانها بشاش وحطيلها جل وخليها تشرب ماي قبل ماتنام

 

[ربيع_الروح]

انا مجربه هالحل مع ولدي

وايد سهل وسريع لا تنقعين ولا شي
ليمووووون
الليمون معقم طبيعي للفم

اخذي ربع ليمونه وعصريها بفم بنتج حتى لو قطرتين
وإذا ما تحب الحموضة خلطيه مع شوي شاي وشكر
استمري عليه وشوفي النتيجه وحدة بوحدة

وبعد غيري حلمات ممياتها يمكن قدم أو متلوثين

 

[noha33]

دواج عندي
انا ولدي صار فيه فطريات وكان بيبي عمره 40 يوم وكنت أرضع طبيعي وعاداني بصدري وكانت مشكلة
أهم شي التأكد إنهاا فطريات موشي ثاني
يعني بقع بيضا باللسان وباطن الخد ما تروح لما تمشينها بالفوطة
الحل وايد بسيط
dactarin oral gel
جل تدهنين فيه داخل الفم كل 8 ساعات بعد الأكل تمسحين الفم بفوصة مبللة وتدهنين لمدة 10 ايام من ثاني يوم راح تحسين تحسن كبير
لا تستعملين الليمون لأنه يحرق والفطريات أصلا مؤلمة للطفل
وأهم شي (((غلي كل ممياتها بعد كل استعمال لمدة 20 دقيقة))))
مو بالجهاز المعقم مال البخار تغلينهم غلي علي الجولة
وحلمة الممية لو قديمة غيريها
سلامات

 

[احلى الاسامي]

مستوصف الحكومي يعطون دوا لونه اصفر بالقطاره حلو وعلى طول مفعوله

 

[Ibelievein God]

ماكو على الهرده سبحان الله وايد زينه مرتين وبسير اوكي


ولازم اتشربينه ماي وايد على طول

 

[umfares]

بس خلي بالك لا تكثر هالفطريات واعتقد أنه في شراب ولازم تراجعين دكتور متخصص حق الأسنان لأنه هذا شغله لأن إذا زاد راح يكون حتى البلع مشكله وممكن الياهل يدش في جفاف وتطرين تحطين له درب فخلي بالك وطمنينا وبالنسبة للهرده صح أختي مجربة الطريقة حق نفسها وقت ما كانت حامل وماشاء الله خلال فترة قصيرة راح كل شي

 

[المها الابيض]

بنات شلون تعرفون انها فطريات
يعني تبين او لها علامات ثانيه ؟

انا ولدي مافي شي على لسانه بس ريحه حلجه
مو حلوه على طول
هل هذي فطريات؟؟؟؟