ساعدوني فبشرتي الميتة الله يرحمها!!

[أشرق الأمل]

:wqedqw:
بشرتي حدهاااا عيوز :gr4uu:مع اني توني بالثلاثين ادري الاهمال مني ما أقدر اثق بأي منتج ال كريم ليل ولا نهار
ابي تنظيف ابي رونق ونضارة بس والله ما ني عارفة وين اروح ؟؟؟:gr4uu:جعدت قبل اوانها وعطتني عمر اكثر بعمري ب 20 سنة :bbbiu: عيادات البشرة صايرة تجااااااارة عبالهم عندنا بنك فكل بيت....:denya:الله يخلكم نصحوني شسوي ؟؟؟؟: مع العلم راجعت اطبة والكريمات تحرق ويهي اكثر؟؟

 

[شمــ{جابر}ــوخ]

رد : ساعدوني فبشرتي الميتة الله يرحمها!!

حبيبتي البشره لازم تعاملينها مثل البيبي خلج واااااااااااااااااااايد ناعمه معاها وراح تصير ناعمه

بما انج بالثلاثين لااااااااازم عنايه داخليه وثقي بالله ان والله وربي يحاسبني على كلامي ماراح اكتب ولا حرف الا وانا شايفته ومجربته .. يعني تطمني ترا انا وااااااايد اوسوس واخاف على بشرتي وكل شي استخدمه لاااااااااااازم اسوي سيرج عنه

أو شي شوفيلج وحده من التاجرات الحلوين اللي عندنا واخذي منهم (بودرة الكولاجين الذهبيه) <<< ليش الذهبيه لانها مركزه
البودره ااااااااااااااامنه ومثل الحليب البودره وموجده باليابان بجمعياتهم يعني لاتحاتين ابد .. وحتى الحامل ضروري تاخذ منها علشان الفيتامينات المفيده اللي فيها

الطريقه <<< سوي طريقتي ولا تغيرينها

قبل لا تنامين <<< ضروري قبل النوم
اخذيلج كوب حليب داااافي وحطي فيه قفشه كبيره كولاجين وشربيه بالعافيه
ليش قتلج حليب ؟! <<< لان البودره طعمها طعم حليب بودر
عاد الحليب كيفج مرات حطي معاه هيل وزعفران أو كاكاو
يعني براحتج اللي تحبينه حطيه مع الحليب

ثاني شي
تعودي الصبح أو ماتقومين داااااااااااايم ( ملعقة زيت زيتون + ملعقة عصير ليمون ) حطيهم بفنجان وشربيهم وشربي وراهم ماي داااااااافي يعني تكونين مسخنته وناطرته يدفى وأنا أحد مع الماي قفشة عسل
لا تحاتين الطعم والله مافيه شي
وهالطريقه بتنظف الكبد عندج وتخلص جسمج من السموم وراح تحسين بشرتج تصير صحيه وتينن


يعدين وخري عن الدهووون وكل شي فيه طحين أبيض وبدليه بكل شي أسمر
خبز أسمر وتوست اسمر وعيش اسمر <<< الحبوب اللي فيهم وااااااايد زينه حق الجسم

حاولي تكثرين من الجرجير والملوخيه والسبانخ

عصير البرتقال <<< لااااااااااااااااازم ريوقج مايخلى منه لان صج شي عجيب

التمر <<< 7 تمرات باليوم وقت المغرب على قهوه عريبه تينن

الماي + شوي ماي ورد <<< عجيييييييييييييييييب والله بتشوفين العافيه وكثري من الماي

حاولي تبتعدين عن القهوه والجاي لان الكافيين يدمر البشره
وفنجان قهوه عربيه باليوم كاااااافي

شربي جاي اخضر مع نعناع <<< مو أكثر من كوبين ياليوم وكوب واحد اعتقد كافي




الحين نيي حق الكريمات والصابون :wqedqw:

تذكري نعامل البشره مثل البيبي :wqedqw:

وأي كريم اتمين عليه لاااااااااااااااااااااااااااا تغيرينه أبدااااااااااااااااااا أبدااااااااااااااااااااااا

منتجات لوريال <<< أحلى منتجات متوفره بالجمعيات اختاري منهم كريم نهار وليل وتحت العين وغيره
خلج عن ماركه وحده ولا تخربطين

لما تحطين كريم النهار وتردين البيت دايم غسلي ويهج علشان الكريم اللي حطيتيه من الصبح والغبار ووصخ الجو
أحلى صابون ( جونسون باللوز أو العسل ) و صابونة ( دوف بالخيار ) حدهاااااااااااا تينن وترطب

بعد ماتغسلين ويهج مسحي ويهج بقطنه فيها خل تفاح وماي ورد <<< لا تخافين صارلي سنين عليها ترا تينن وتصفي الويه
الطريقه
بعلبة رشاش حطي ربعها خل تفاح والباجي ماي ورد <<< اذا بتنقعين معاهم مره كيفج

بعدين مسحي ويهج بطبقه خفييييييف من مرهم (بيبانثين) المرهم موووووو الكريم
هالمرهم خيااااااااااااااااااااااال ترطيب ونضاره حق البشره <<< المرهم آآآآآآآآآمن ويستخدم حق حلمات المرضعه وحق الأطفال


وقبل لا تنامين غسلي ويهج وحطي كريمج مال الليل ولا تنسين تشربين الحليب مع الكولاجين


السنفرات الأسبوعيه حق الويه (اختاري اللي يعجبج ترا كلهم حلوين)وخري عن سنفرات الجمعيه وخلج على الطبيعي :rerrerek:

- قهوه تركيه <<< بللي ويهج بماي و سنفري فيها ويهج حدهااااااااااا تينن وانتي جربي وحكمي
- ملعقة شكر أسمر + ملعقتين عسل + ملعقة زيت زيتون حطيهم بعلبه وسنفري ويهج فيهم
- شكر أسمر وزيت زيتون


ماسك مرتين أو ثلاثه بالاسبوع (اختاري اللي يعجبج وكله طبيعي وكثرته مامنها مضره)

- ملعقتين وسط روب + م وسط نشا + م وسط عسل <<< دهني فيه ويهج لمدة نص ساعه وغسليه بماي دااافي بدون صابون ومسحي ويهج بالخل وماي الورد

- ملعقة وسط حنه (حنة الشعر ماغيرها) + ملعقة وسط دارسين + ملعقة وسط زيت زيتون + ملعقه وسط قهوه تركيه + 5 ملاعق كبار عسل <<< خلطيهم وحفظيهم بعلبه بدرجة حرارة الغرفه

شوفي يالغاليه هالماسك صارلي سنتين عليه اقسم بالله يصفي الويه ويخلي خيال .. لا تقوليلي الحنه تصبغ لانها ماتصبغ لان معاها زيت وعسل
الحنه فايدتها تصفي البشره وتفتحها وتعقمها وهالشي المغربيات يسوونها مع ليمون او زيت زيتون ويدهنون جسمهم وويهم فيه وشوفي الطب النبوي شنو يتكلم عنها واهي مطهره للجروح




وهذي عنايتي البسيطه والحلوه وانصحج فيها وبشده
والله ماكتبت شي الا وعارفته وشايفه نتايجه :rerrerek:

وبالتوفيق فديتج وأي سؤال راسليني الخاص

 

[شمــ{جابر}ــوخ]

رد : ساعدوني فبشرتي الميتة الله يرحمها!!

ونسيت أقولج ( حماية أوباجي ) خفيفه و تينن تينن عمري ماشفت مثلهااااااااااا ومتوفره بالصيدليات وبوتس

 

[أشرق الأمل]

شموخ بعد عمري كفيتي ووفيتي الله يجزاج كل خير علي هالنصايح التمام ..بحاول امشي علي النصايح ولا يهمج:wqedqw:

 

[أشرق الأمل]

اب اب اب

 

[مزيونه وشقره]

رد : ساعدوني فبشرتي الميتة الله يرحمها!!





استخدمي كريم الد كوين فور بليل قبل النوم على بشره نظيفه والصبح غسليه وحطي ريم مرطب وحمايه واستخدمي صابونة البابايا او صابونة فير اند وايت

وسوي سنفره كل يومين ثلاث او اذا بشرتج نوعها فيها خشونه ويابسه اشوي وتتحمل سوي يوميا بالبدايه بعدين يوم وترك وبعدين تقللين

وشوفي هالمواضيع بتفيدج ان شاءالله

http://www.q8yat.net/showthread.php?t=32410

http://www.q8yat.net/showthread.php?t=496880

http://www.q8yat.net/showthread.php?t=40799

:eh_s(22):



مع تحياتي ياحياتي

مزيونه وشقره

 

[LuLiTa]

رد: رد : ساعدوني فبشرتي الميتة الله يرحمها!!

:eh_s(7)::eh_s(7):

 

[&موناليزا&]

عزيزتي رفع لعيوووووووووووووونج