ساعدوني عرس بنتي قرب ومادري شسوي ؟

[بلي ستيشن]

الله يجزاكم خير انا الحين اشوف تجهيزات العرايس غير أيامي وبنتي عرسها عقب شهرين ولحد الحين ما جهزنا شي لأنها تدرس خارج الكويت وبترجع قبل عرسها باسبوعين ومادري شلون اجهزها حاسة مخي متخربط ارجوكم ساعدوني وقولولي كل شي عن التجهيزات وربي راح أدعي
لكم ليل نهار بس لا تنسون اختكم وردوا علي الله يوفقكم:yaaaaaarb:

 

[رآآحٺ آيآمڪْـ]

يُ قلبـئء أنـآ حزب آلطمـآشـه .. بس شوفـئء موإضيع آلبنـآت فئء بنـآت يكتبون ألتجهيز من أؤل شئء ألئء أخير شئء ..~ْ
لاتنسينـئء بـآلدعـآه

 

[غمزه وإبتسامه]

خليها من برا تجهز اغراااضها الخااااصه
ومن الكويت انتي دوري وحده مقاسها من اهلج واشتري لها البدله البيضا وخلصي الاشياء الثقيله عنها وهي تخلص هناك باقي الاشياء واذا تبين استفسارات البنات حاضرين

 

[حناينq8]

حبيبتي اول شي الف مبروك وعسى الله يتمم على خير

الحين انتي بلشي الاشياء اللي ما تحتاج مقاس

مثل العطورات ( العربيه والفرنسيه) مع كريماتهم
البخور
اكسسوارات
عدسات
اجهزه ( سشوار - مكينه براون )
ساعات
طقم الارواب والفوط

ومره وحده تشوفي لها بالمحلات اللي فيها ملابس ودلي الاماكن الزينه واللي تناسب ذوقكم عشان بس توصل تروح تشوف وتقايس وتشتري ونفس الشي بالنسبه للشوزات وقمصان النوم والدراريع

 

[بلي ستيشن]

مشكورين الله يجزاكم خير يا رب

 

[•Brown•Sugar•]

1- البوفيه من موفنبيك عجيب وانا مجربته
2- الديجي لاتاخذين اي شي لانه اهو اللي راح يشيل العرس
دي جي الفيلكاوي رقمه 99913302
دي جي الرندي رقمه 99602404
دي جي الراشد رقمه 99579008
- هذول اللي يمدحونهم البنات -
3- الحلو والموالح عندج من واو او أوبرا او امبرس
4- بدل العرس بليلى غاليري يهبلون واسعارهم روعه
من 400 وطالع وموشرط تختارين غالي ع شان يكون حلو
انا شريت بدلتي من هناك بحدود 450 وكانت عجيبه وناعمه اذا تبين تشوفينها ادزلج صورتها
وعشان لحد يفهم غلط البدله مو للبيع ولا للاجار
5- عطور ومكياج وكريمات من فكتوريا سيكريت
6- جناط ماركات الالوان الاساسيه
7- ساعات واكسسوارات (اذا تعرفون ذوقها)
8- قمصان ونوم وبجايم ستان وحرير اخذيلها شي راقي وناعم ولاتكثرين

 

[بلي ستيشن]

لا قصدي بنتي ولبسها
اشتريت نفنوف العرس وعطورات فرنسية بعد ما شريت العطورات العربية واشترت اهي من لندن قمصان نومها بس هذا اللي جهز

 

[alsn3aa]

ياا عمري والله

بدل وهالسوالف اهي تشتريهم مناك
وانتي روحي لها شهر عشان تتسوقين وياها

والبدله البيضاء روحي للمصممين والبدله اللي تعجبج صوريها ودزي صورتها لبنتج واذا عجبتها خليها تقايس عمرها الصدر والخصر والوسط والطول وتحجزين على قياسات بنتج

واذا اهي تلبس عبي نفس الشي خليها تدز قياساتها وجهزي لها انتي
بجايم وهالسوالف من برا اجدد واحلا وترا سهالات

 

[alsn3aa]

من صجج بنتج بلندن وتشترين لها مني امبيه خليها اهي تشتري منااك اجدد واحلا

 

[ريومه2011]

اووول شي احجزي لها الصاالووون والبدله البيضاء والمسكه والمصووووره وبعدين
انتي ابدي بالاشياء اللي ماتحتااج قيااااس
مثل العطوراات والبخووور والمكياااج والجناط والفلاتات واذا تعرفين مقاسها اشري لها البجاااايم والقمصااان
واخذي مقاساتها وفصلي لها دراريع وبدل
هذا اللي اتذكره لاطرا علي شي ارجع اكتب لج....

 

[مطيريه ستآيل]

مآقصروآ معآج البنآت كفوآ ووفوآ

وبنظري دآمهآ بلندن تجهز من هنآك أحسن لهآ وأرخص بكثير

وأب لعيووونج ...~َ!

 

[krkosha]

حبيبتي خل تجهز من لندن اصلا لاتفكرين بالموضوع

دام اهيه تدرس هناك اكيد عارفه سوقتهم وداله الاماكن الحلوه

وانتي روحي هالاسبوعين عندها حجزولكم فندق باكسفورد ونزلو كل يوم تسوقو وطرشو الاغراض شحن والله سهالات

العطورات والكريمات والمكياج والجناط سلفرج وهارودز وقمصان النوم فكتوريا سيكرت جبال بريمارك والبجايم والارواب والفوط بريمارك وايد حلوين


وتجهيز العرس سهالات نشالله

واذا تبين اي سؤال من عيوني

 

[krkosha]

وعندج سوالف الدراريع والقمصان فوق بالبلوكات محلات طبي وتخيري ومن عندهم الخام والكلفه وكل شي يعني بس انتي تختارين وتعطينهم قياسها

وعلى فكره انا قبل 24 ساعه مطيحه ببيت ديفا والمشاغل والله من عقب مارحت البلوكات تووبه كل شغلهم من البلوكات ويزيدون على السعر 50 و60 دينار

 

[فـديـت ^-^ روحـي]

عسى ربي يوفقها ويتمم لها على خير

حبيبتي أحجزي المصورة والصالون لاتنسينهم

والبنات ما قصرواا

 

[نوال علي]

الله يوفقها ويتمم عليها يارب

 

[BoxCouture]

الف مبروك انشالله - والله يعينج على التخربط بالقياس -وفي موضوع كامل بالممنتدى عن تجهيز العروس من إلى ماشالله عليهم مو ناسين شي

 

[گـحِـلْ |~]

تجهز من لندن أحسن لها وأحلى ،

إنتي فصلي لها دراريع وعبي إذا كانت تلبس عبي والمصوره والصالون ...إلخ الشغلات اللي يبي لها حجز

عسى ربي يبلغج فييها وتشوفين عيال عيالها

 

[رتو الكيوت]

دامها بلندن خل تششتري المكياج والبدل والجناط والجواتي الغاااليه والعطوور الفرنسسسيه والارواب والبجايم كلش هي تقدر تخلصه يعني

انتي جهزي حججوزات الصالون وفري على محلات بدل العرايس وصوري ووريها وحجزي وهي لاجت تقاوس وتختار
والعطور العربييييييه صح

المسكه لاجت بتشوف

اغلب الشغل تجيبه من لنجن حت بدل الاستقبال الي عقب تشتري مناك اذا تلبس ماركات مو تفصال مشاغل اذا تفصال عليج المهمه فري وصوري لها اوو شوفي شنو الحلو وهي لاجت تروح

واذا العرس عليكم حجزي القاعه واختاري مصمم ديكووور وخلصي منها

وحجزي بوفيه مطرب تقديمات من اماكان سنعه عليها مدح


وموووفقه

 

[دزة رزه]

الله يوفقها يا رب

 

[قاهره عذالي]

انا عندي خبره بالعطوره العربيه
عندج اجمل مليان عطور عربيه حلوه :
دهن العود من اجمل
العود المبخر من اجمل
عطر غرامي الجديد يهبل بخلصه من كثر ما ارش نفسي فيه بالبيت
عطر انتايس الجديد
عطر قطرات مطرات
عطر وصال
عطر ساكريفايس
عطر دانة الدنيا
عندج ( وصال + رين دروب اللي هو قطرات مطر + ساكريفايس ) اشتريهم مع مجموعاتهم من بودر وشور جل ولوشن لان عروس لازم

نروح شركة الرصاصي :
عندهم عطر رصاصي بور فيم
عطر المحبه
عطر دلع بنات الاسود والوردي حلوين
عندهم بخور العود المميز يجنن للشقه انا مجربته
وعندهم مرشات اكوا كوثر احلى وحده
وعندهم بخاخ خلطة العود احلى بخاخ للعبي والشيال

نروح للقرشي :
في اشياء منه ثابته لازم كل عروس تشتريها
بخور الملكي من القرشي علبتين والثالثه مجانا
مسك العروسه
مرش بريحة المسك
وعطر الحجر الاسود

نروح لاطياب زكيه تلقينهم بمجمع المغاتير بالفروانيه
اشتري منه 4 مرشات حلوين وعليهم عرض
مرش انيس الروح هذا التوب وتجنن ريحته
وثراء
والملكي
وغنى الروح
ومن عندهم حلو
عطر فدك وعطر تجلي

واشتري لها طقم مباخر اللي صينيه مرايه وفيها حق البخور ومبخاره ومرش كلونيا وحق دهن عود
تزين صالة شقته فيه وتستعمله
ونسيت اكتب لج على كلونيا اشرقت من اجمل حيل حلوه للفراش
واشتري لها طقم فوط
وبطانية عرايس المزينه من المحلات حقات البطانيات تلقين طقم فوط + دواشق عرايس
وبالنسبه لمجموعات الجسم
اشتري لها من بودي شوب
مجموعه المسك
ومجموعة جابانيز شيري
ومن زهور الريف اشتري
مجموعة زهرة الكاميليا الورديه
ومن نكتار موجود بالبيرق او عندج المنار مول بالجهرا فوق
مجموعة مس نكتار وسويت نكتار
وفي محل بالافنيوز اسمه باث اند بدي ووركس
اشتري لها مجموعتين
مثل البنفسجيه والبنيه مع شموعهم الخاصه
وفي هم محل فكتوريا سكرت هناك
اشتري لها المجموعه الخضره والورديه
ومع العطور الفرنسيه اللي شريتوها تكونون خلاص شطبتوا على العطور
والمكياج عندج ماركة ريفلون وريميل حلوه وماركة برجواز تلقينهم بالمراكز اللي تبيع العطور الفرنسيه مثل بيضون ودبنهامز وسنتر بوينت
والمصوره
عندج المصوره زيزي حلوه وسعرها معقول
66817192
واحجزي لها صالون حق المكياج والشعر
اذا تبون مكياج ناعم
عندج صالون ماي فير ليدي بفندق النخيل اختاري المكياج ميرفت + الشعر عند روعه
وراح يطلعونها طلعه حلوه بس خل تقولهم ابي كريم اساس لون طبيعي مو ابيض